Levitikus 1:9 - Die Bybel 2020-vertaling

⁹ Die persoon wat offer moet die binnegoed en pote met water afspoel. Die priester moet dit alles op die altaar verbrand. Dit is 'n brandoffer, 'n offergawe met 'n aangename geur vir die Here.

Bybel vir almal

⁹ Die persoon wat die offer gee, moet die pote en die binnegoed was, en die priester moet alles op die altaar verbrand. Dit is 'n brand-offer, 'n vuur-offer, dit ruik lekker vir die Here.

Afrikaans 1933-1953

⁹ Maar die binnegoed en die pote moet hy met water was, en die priester moet dit alles op die altaar aan die brand steek as brandoffer, 'n vuuroffer van lieflike geur aan die Here.

Afrikaans 1983

⁹ Die man was die binnegoed en die pote af, en 'n priester verbrand alles op die altaar. Dit is die brandoffer, 'n vuuroffer wat deur die Here aanvaar word.

Contemporary Afrikaans Bible 2023

⁹ Maar sy binnegoed en sy bene moet hy in water was, en die priester moet alles op die altaar aan die brand steek as 'n brandoffer, 'n vuuroffer van lieflike geur aan die HERE.

Die Boodskap

⁹ Die man was dan met water ook die binnegoed van die dier en sy pote af. Die dienaar vat dit alles en hy verbrand dit op die altaar. Dit word dan ’n brandoffer genoem. Alles van die dier word met vuur verbrand om die Here te plesier.

Levitikus 1:9 Kruisverwysings

Genesis 8:21

Die Here het die geurige offer geruik, en die Here het in sy hart gesê: “Ek sal nooit weer die grond vervloek vanweë die mens nie, alhoewel die mens se hart van sy jeug af neig na wat boos is. Ek sal nooit weer alles wat lewe tref, soos Ek gedoen het nie.

1 Kronieke 6:34

seun van Elkana, seun van Jerogam, seun van Eliël, seun van Toag,

2 Kronieke 4:6

Hy het ook tien waskomme gemaak, en vyf aan die regterkant en vyf aan die linkerkant geplaas om daarin af te spoel – alles wat gebruik is vir die •brandoffer is daarin skoon gespoel. Die See was egter net vir die priesters om hulle in af te spoel.

Psalms 51:6

Teen U, teen U alleen, het ek gesondig en gedoen wat verkeerd is in u oë, sodat U gelyk sal hê as U uitspraak lewer, volkome reg wanneer U oordeel.

Psalms 66:15

Brandoffers van vetgemaakte skape sal ek aan U bring, saam met die offerrook van ramme. Ek sal beeste saam met bokke offer. Sela

Eksodus 12:9

“ Julle moet nie daarvan eet as dit rou is of in water gaargemaak is nie; maar net as dit oor die vuur gebraai is met sy kop, pote en ingewande.

Eksodus 29:18

Jy moet die hele ram op die altaar verbrand. Dit is 'n •brandoffer vir die Here. Dit is 'n geurige offer, 'n offergawe aan die Here.

Eksodus 29:25

Dan moet jy dit van hulle hande neem en op die altaar verbrand bo-op die brandoffer as 'n geurige offer voor die Here. Dit is 'n offergawe aan die Here.

Jeremia 4:14

“Spoel jou hart skoon van kwaad, Jerusalem, sodat jy gered kan word! Hoe lank gaan planne van onheil nog in jou midde vertoef?

Esegiël 20:28

Ek het hulle na die land gebring waaroor Ek my hand opgehef het om dit aan hulle te gee. Maar hulle het elke hoë heuwel en elke blaarryke boom raakgesien, en daar hulle •offers geslag, daar tot my ergernis hulle offergawes aangebied, daar hulle geurige offers neergesit en daar hulle •drankoffers uitgegiet.

Esegiël 20:41

As 'n geurige offer sal Ek julle aanvaar wanneer Ek julle van die volke af uitlei, julle byeenbring uit die lande waarheen julle versprei is. Ek sal My deur julle as die Heilige betoon voor die oë van die nasies.

Esegiël 40:38

Daar was 'n vertrek waarvan die toegang by die buitenste afskortingsmure van die poort was. Daar het hulle die •brandoffers afgespoel.

Levitikus 1:13

Die persoon wat offer moet die binnegoed en pote met water afspoel. Die priester moet dit alles naderbring en op die altaar verbrand. Dit is 'n geurige offer, 'n offergawe aan die Here.

Levitikus 1:17

Hy moet die duif by die vlerke oopskeur sonder om dit in twee te verdeel. Dan moet die priester dit op die altaar verbrand, bo-op die hout wat op die vuur is. Dit is 'n geurige offer, 'n offergawe aan die Here.’ ”

Levitikus 2:16

Die priester moet die simboliese offer van die gebreekte graankorrels en olie, en ook al die wierook verbrand. Dit is 'n offergawe aan die Here.’ ”

Levitikus 2:2

Hy moet dit dan na die seuns van Aäron, die priesters, bring, en 'n hand vol van die gesifte meel en olie met al die wierook neem en die priester moet hierdie simboliese offer op die altaar verbrand as 'n geurige offer, 'n offergawe aan die Here.

Levitikus 2:9

Die priester moet die simboliese offer van die graanoffer verwyder en dit op die altaar verbrand as 'n geurige offer, 'n offergawe aan die Here.

Levitikus 3:11

Die priester moet dit alles op die altaar verbrand. Dit is voedsel, 'n offergawe aan die Here.

Levitikus 3:5

Die seuns van Aäron moet dit op die altaar verbrand bo-op die •brandoffer wat op die hout op die vuur op die altaar is. Dit is 'n geurige offer, 'n offergawe aan die Here.

Levitikus 4:31

Al die vet moet hy verwyder, soos hy die vet van die maaltydoffer verwyder. Die priester moet dit op die altaar verbrand as 'n geurige offer vir die Here. So sal die priester vir die persoon versoening doen en sal hy vergewe word.

Levitikus 6:14

“ ‘En dit is die voorskrifte vir die •graanoffer: Die seuns van Aäron moet dit na die voorkant van die altaar voor die Here bring.

Levitikus 8:21

Die binnegoed en die pote het hy met water afgespoel. Moses het die hele ram op die altaar verbrand. Dit was 'n brandoffer vir 'n aangename geur, 'n offergawe aan die Here, soos die Here Moses beveel het.

Levitikus 8:28

Moses het dit toe uit hulle hande geneem en dit op die altaar bo-op die brandoffer verbrand. Dit was 'n wydingsoffer vir 'n aangename geur, 'n offergawe aan die Here.

Levitikus 9:14

Hy het die binnegoed en die pote afgespoel en dit bo-op die brandoffer op die altaar verbrand.

Sagaria 13:7

“Swaard, word wakker teen my herder, en teen die man uit my gemeenskap,” is die uitspraak van die Here, Heerser oor alle magte. “Vel die herder neer, sodat die kleinvee uitmekaar gejaag word. Ek sal selfs my hand teen die geringes draai.

Numeri 15:3

en julle bring 'n offergawe vir die Here, 'n •brandoffer of •maaltydoffer uit die beeste of kleinvee om 'n buitengewone gelofte te vervul; of tydens 'n vrywillige offer; of op julle feesdae om 'n aangename geur vir die Here te bring,

Numeri 28:11

“ ‘Op die eerste dag van elke maand moet julle vir die Here 'n brandoffer aanbied: twee jong bulle en een ram, asook sewe jaaroud ramlammers sonder gebrek;

Numeri 28:7

Die bypassende •drankoffer is 'n kwart hin saam met die eerste ramlam. In die heiligdom moet jy die drankoffer van sterk drank vir die Here uitgiet.

Numeri 28:8

Die tweede ramlam moet jy teen laatmiddag offer. Soos die •graanoffer in die oggend, moet jy dit offer en die bypassende drankoffer as 'n geurige offer, 'n offergawe aan die Here.’ ”

2 Korinthiërs 2:15

Want ons is 'n aangename geur van Christus aan God, vir dié wat verlos word, én vir dié wat verlore gaan –

Efesiërs 5:2

en leef in liefde, net soos •Christus ons liefgehad, en Homself ter wille van ons oorgegee het as 'n offergawe aan God, as 'n offerande met 'n aangename geur.

Deuteronomium 12:27

Jy moet jou brandoffers, die vleis en die bloed, op die altaar van die Here jou God offer. Die bloed van jou maaltydoffers moet teen die altaar van die Here jou God uitgegooi word, maar die vleis mag jy eet.

Filippense 4:18

Ek is ten volle vergoed, en het meer as genoeg; ek is ten volle versorg, noudat ek van Epafroditus ontvang het wat van julle af kom: 'n geurige offer, 'n aanneemlike offergawe wat God behaag.