Josua 9:16 - Die Bybel 2020-vertaling

¹⁶ Maar ná drie dae, nadat Israel met hulle 'n verdrag gesluit het, het hulle gehoor dat hulle bure is en tussen hulle woon.

Bybel vir almal

¹⁶ Maar drie dae nadat hulle die ooreenkoms gemaak het, het hulle gehoor dat dit mense is wat baie naby woon.

Afrikaans 1933-1953

¹⁶ Maar aan die einde van drie dae, nadat die verbond met hulle gesluit was, hoor die volk dat hulle in hul nabyheid en tussen hulle in woon.

Afrikaans 1983

¹⁶ Drie dae nadat die verdrag gesluit is, het die Israeliete gehoor dat die Gibeoniete hulle bure is en tussen hulle woon.

Contemporary Afrikaans Bible 2023

¹⁶ En aan die einde van drie dae nadat hulle 'n verbond met hulle gesluit het, het hulle gehoor dat hulle hul bure was en dat hulle onder hulle gewoon het.

Die Boodskap

¹⁶ Drie dae nadat die ooreenkoms gesluit is, het die Israeliete uitgevind dat die Gibeoniete eintlik baie naby bly, sommer daar in dieselfde omgewing.

Josua 9:16 Kruisverwysings

Spreuke 12:19

'n Betroubare lip hou stand vir altyd, maar 'n vals tong net vir 'n oomblik.

Josua 9:15

Josua het toe vir hulle vrede aangebied, en met hulle 'n verdrag gesluit om hulle te laat leef. Die leiers van die volksvergadering het dit vir hulle met 'n eed bevestig.

Josua 9:17

Die Israeliete het verder getrek en op die derde dag by hulle stede aangekom. Hulle stede was Gibeon, Kefira, Beërot en Kirjat-Jearim.

Josua 9:22

Josua het hulle ontbied en met hulle gepraat. Hy het gesê: “Waarom het julle ons mislei deur te sê, ‘Ons woon baie ver van julle af,’ terwyl julle tussen ons woon?

Josua 9:9

Hulle het hom geantwoord: “Van 'n baie ver land het u dienaars gekom, oor die roem van die Here u God; want ons het die berigte oor Hom gehoor: alles wat Hy in Egipte gedoen het,