Josua 8:34 - Die Bybel 2020-vertaling

³⁴ Daarna het Josua al die woorde van die wet voorgelees, die seën en die vervloeking, net soos dit geskryf staan in die boekrol met die wet.

Bybel vir almal

³⁴ Josua het toe alles gelees wat in die wette geskryf is oor wanneer die Here mense seën of vervloek. Hy het alles gelees wat daaroor geskryf is in die Wetboek.

Afrikaans 1933-1953

³⁴ En daarna het hy al die woorde van die wet voorgelees, die seën en die vloek, net soos dit geskrywe staan in die wetboek.

Afrikaans 1983

³⁴ Daarna het Josua alles wat die wet sê, die seën sowel as die straf, voorgelees, net soos dit geskryf staan in die wetboek.

Contemporary Afrikaans Bible 2023

³⁴ En daarna het hy al die woorde van die wet gelees, die seëninge en die vloeke, volgens alles wat in die wetboek geskrywe is.

Die Boodskap

³⁴ Daarna het Josua alles wat die wet sê, voorgelees, ook oor seëninge en strawwe, net soos dit in die wet geskryf was.

Josua 8:34 Kruisverwysings

Nehemia 13:1

In daardie tyd is daar ten aanhore van die volk voorgelees uit die •boekrol van Moses. Daar is toe ontdek dat daarin geskryf staan dat 'n Ammoniet of 'n Moabiet tot in ewigheid nie in die byeenkoms van God mag kom nie,

Nehemia 9:3

Hulle het op hulle plekke bly staan en het vir 'n kwart van die dag uit die •boekrol met die Wet van die Here hulle God gelees, en vir 'n kwart van die dag het hulle belydenis gedoen, en telkens voor die Here hulle God in aanbidding gebuig.

Deuteronomium 27:14

Die Leviete moet daarop verklaar en hardop vir elke Israeliet sê,

Deuteronomium 28:28

Die Here sal jou tref met kranksinnigheid, blindheid en sinsverwarring,

Josua 1:8

Hierdie •boekrol van die wet mag nie uit jou mond verdwyn nie. Jy moet dit dag en nag mymerend prewel, sodat jy alles wat daarin geskryf is, nougeset kan nakom; want dan sal jy voorspoedig wees op jou pad; dan sal jy sukses behaal.