Josua 8:18 - Die Bybel 2020-vertaling

¹⁸ Toe sê die Here vir Josua: “Steek die kromswaard wat in jou hand is, uit na Ai, want Ek gee dit in jou hand.” Josua het toe die kromswaard wat in sy hand was, na die stad uitgesteek.

Bybel vir almal

¹⁸ Toe sê die Here vir Josua: “Tel jou spies op en wys daarmee na Ai, want Ek gee die stad vir jou.” Josua het sy spies opgetel en hy het na die stad gewys.

Afrikaans 1933-1953

¹⁸ En die Here het vir Josua gesê: Steek die spies wat in jou hand is, na Ai toe uit, want Ek wil dit in jou hand gee. Daarop steek Josua die spies wat in sy hand was, na die stad uit.

Afrikaans 1983

¹⁸ Toe sê die Here vir Josua: “Steek die swaard wat jy in jou hand het, na Ai toe uit, want Ek gee die stad in jou mag oor.” Josua het die swaard wat hy in sy hand gehad het, na die stad toe uitgesteek,

Contemporary Afrikaans Bible 2023

¹⁸ Toe sê die HERE vir Josua: Steek die spies wat in jou hand is, na Ai uit; want Ek sal dit in jou hand gee. En Josua het die spies wat hy in sy hand gehad het, na die stad uitgesteek.

Die Boodskap

¹⁸ Toe sê die Here vir Josua: “Steek jou swaard na Ai toe uit, want Ek gee die stad in jou mag oor.” Josua het die swaard wat hy in sy hand gehad het, in die rigting van die stad uitgesteek.

Josua 8:18 Kruisverwysings

Job 15:25

omdat hy sy hand teen God uitgesteek het, hom teenoor die Almagtige magtig gehou het,

Job 39:23

Laat jy hom tril soos treksprinkane? Sy trotse geproes is 'n verskrikking.

Eksodus 14:16

En jy, lig jou staf op, strek jou hand uit oor die see en kloof dit oop, sodat die Israeliete op droë grond in die middel van die see kan ingaan.

Eksodus 8:1

Die Here het vir Moses gesê: “Gaan na die farao en sê vir hom, ‘So sê die Here: “Laat my volk gaan, sodat hulle My kan dien.

Eksodus 8:5

Die Here sê toe vir Moses: “Sê vir Aäron, ‘Strek jou hand, met jou staf, uit oor die riviere, die kanale en oor die vleilande, en laat die paddas opkom oor Egipteland.’ ”

Esegiël 30:25

Ek sal die koning van Babilonië se arms sterk maak, maar die farao se arms sal slap hang. Hulle sal besef dat Ek die Here is wanneer Ek my swaard in die hand van die koning van Babilonië gee, en hy dit uitsteek na Egipteland.

Josua 8:17

Daar het niemand in Ai en Bet-El oorgebly wat nie uitgetrek het agter Israel aan nie. Hulle het die stad oop agtergelaat en Israel agtervolg.

Josua 8:19

Toe hy sy hand uitsteek, het die manne in die hinderlaag dadelik opgespring uit hulle plekke, gehardloop en in die stad ingegaan. Hulle het dit ingeneem en die stad vinnig aan die brand gesteek.

Josua 8:26

Josua het nie sy hand met die kromswaard wat hy uitgesteek het, teruggetrek nie, totdat hy al die inwoners van Ai met die banvloek getref het.

Josua 8:7

moet julle uit die hinderlaag opstaan en die stad beset. Die Here julle God gee dit in julle hand.

1 Samuel 17:41

Die Filistyn het al hoe nader aan Dawid gekom, met voor hom die man wat die grootskild dra.

1 Samuel 17:45

Maar Dawid het vir die Filistyn gesê: “Jy kom na my met 'n swaard en met 'n vegspies en met 'n kromswaard, maar ek kom na jou in die Naam van die Here, Heerser oor alle magte, die God van die gevegslinies van Israel, van wie jy 'n bespotting maak.

1 Samuel 17:6

Daar was bronsplate voor sy skene en 'n kromswaard van brons tussen sy skouers.