Josua 8:16 - Die Bybel 2020-vertaling

¹⁶ Al die manskappe wat in die stad was, is byeengeroep om hulle te agtervolg; en toe hulle Josua agtervolg, is hulle uit die stad gelok.

Bybel vir almal

¹⁶ Die koning van Ai het al die manne wat nog in die stad was, laat kom om die Israeliete te volg en te jaag. Terwyl hulle dit gedoen het, het hulle verder en verder van die stad gegaan.

Afrikaans 1933-1953

¹⁶ Al die manskappe in die stad is toe opgeroep om hulle agterna te jaag; en terwyl hulle Josua agtervolg, is hulle van die stad afgesny,

Afrikaans 1983

¹⁶ Al die manskappe in die stad is toe vir die agtervolging opgeroep; hulle het Josua agtervolg en is van die stad af weggelok.

Contemporary Afrikaans Bible 2023

¹⁶ En al die mense wat in Ai was, is bymekaargeroep om hulle te agtervolg, en hulle het Josua agternagejaag en van die stad af weggetrek.

Die Boodskap

¹⁶ Al die manskappe in Ai en Bet-El moes kom help met die agtervolging.

Josua 8:16 Kruisverwysings

Psalms 9:16

Nasies het weggesink in die vangkuil wat hulle gemaak het; in daardie vangnet wat hulle gespan het, is hulle voete gevang.

Josua 8:17

Daar het niemand in Ai en Bet-El oorgebly wat nie uitgetrek het agter Israel aan nie. Hulle het die stad oop agtergelaat en Israel agtervolg.

Openbaring 16:14

Hulle is demoniese geeste wat tekens doen, en wat na die konings van die hele bewoonde wêreld gaan, om hulle byeen te bring vir die oorlog op die groot dag van God, die Almagtige.

Rigters 20:31

Die Benjaminiete het uitgetrek, die manskappe tegemoet. So is hulle uit die stad gelok. Hulle het begin om, soos die vorige kere, onder die manskappe slagoffers te eis op die paaie, waarvan die een pad na Bet-El opgaan en die ander deur die landerye na Gibea lei – ongeveer dertig man van Israel.