Josua 8:11 - Die Bybel 2020-vertaling

¹¹ Al die weerbare manskappe wat by hom was, het opgetrek; hulle het nader gegaan, en toe hulle by die stad aankom, het hulle aan die noordekant van Ai kamp opgeslaan, met die vallei tussen hulle en Ai.

Bybel vir almal

¹¹ Al die manne wat saam met Josua was, het nader gegaan en hulle het voor die stad gekom. Hulle het hulle tente opgeslaan noord van die stad. Daar was 'n vallei tussen hulle en die stad Ai.

Afrikaans 1933-1953

¹¹ En al die weerbare manskappe wat by hom was, het opgetrek en nader gegaan en teenoor die stad gekom, en hulle het laer opgeslaan aan die noordekant van Ai, sodat die dal tussen hulle en Ai was.

Afrikaans 1983

¹¹ Al die manskappe by hom het opgetrek en nader gegaan en reg voor die stad aangekom. Hulle het kamp opgeslaan noord van Ai. Die laagte was tussen hulle en Ai.

Contemporary Afrikaans Bible 2023

¹¹ En al die manskappe, die krygsmanne wat by hom was, het opgetrek en nader gekom en voor die stad gekom en laer opgeslaan aan die noordekant van Ai; nou was daar 'n dal tussen hulle en Ai.

Die Boodskap

¹¹ Die soldate wat by hom was, het opgetrek en regoor die ingang van die stad stelling ingeneem, aan die noordekant. Die laagte was tussen hulle en die stad.

Josua 8:11 Kruisverwysings

Josua 8:10

Josua het vroeg die môre opgestaan en die manskappe gemonster. Hy het opgetrek na Ai, hy en die oudstes van Israel aan die voorpunt van die manskappe.

Josua 8:12

Hy het ongeveer vyfduisend man geneem en hulle in 'n hinderlaag opgestel tussen Bet-El en Ai, aan die westekant van die stad.