Josua 7:26 - Die Bybel 2020-vertaling

²⁶ Hulle het 'n groot hoop klippe op hom gepak, wat vandag nog daar is, en die Here se brandende toorn het bedaar. Daarom het hulle daardie plek Vallei van Agor genoem; dit is vandag nog so.

Bybel vir almal

²⁶ Hulle het 'n groot hoop klippe oor hulle gepak. Dit is nou nog daar. Die Here was toe nie meer kwaad nie. Die plek se naam is nou nog Akor-vallei.

Afrikaans 1933-1953

²⁶ En hulle het 'n groot hoop klippe op hom gestapel wat tot vandag toe daar is. Toe het die Here Hom afgewend van die gloed van sy toorn. Daarom noem hulle daardie plek Dal Agor tot vandag toe.

Afrikaans 1983

²⁶ Hulle het 'n groot hoop klippe bo-oor gepak. Dit is vandag nog daar. Daarna het die Here se toorn bedaar. Hulle noem die plek tot vandag toe die Akorlaagte .

Contemporary Afrikaans Bible 2023

²⁶ En hulle het 'n groot hoop klippe oor hom opgerig tot vandag toe. So het die HERE hom bekeer van die gloed van sy toorn. Daarom is die naam van daardie plek genoem: Die dal Agor, tot vandag toe.

Die Boodskap

²⁶ Hulle het ’n groot hoop klippe op hulle gestapel om almal te herinner aan wat daar gebeur het. Daarna het die Here se woede bedaar. Van toe af staan die plek bekend as die Akorlaagte: die laagte van swaarkry en lyding.

Josua 7:26 Kruisverwysings

2 Samuel 18:17

Hulle het Absalom geneem en hom in die beboste gebied in 'n groot gat gegooi. Hulle het 'n baie groot hoop klippe op hom gepak. Die hele Israel het intussen gevlug, elkeen na sy tente toe.

2 Samuel 21:14

Hulle het toe die beendere van Saul en sy seun Jonatan neergelê in die graf van Kis, Saul se vader, in die gebied van Benjamin, in Sela. Hulle het alles gedoen wat die koning beveel het. God het die smeekbedes vir die land daarna verhoor.

2 Kronieke 29:10

Ek het my nou voorgeneem om met die Here, die God van Israel, 'n verbond te sluit, sodat sy brandende toorn van ons afgewend word.

Esra 10:14

Laat ons leiers asseblief namens die hele gemeenskap optree. Dan kan almal in ons dorpe wat met vreemde vroue getrou het, op vasgestelde tye saam met die oudstes en regters van elke dorp kom, sodat die brandende toorn van ons God oor hierdie saak van ons afgewend word.”

Psalms 85:4

U het al u gramskap teruggehou; U het afgesien van u brandende toorn.

Eksodus 32:12

Waarom sou die Egiptenare sê, ‘Met 'n bose plan het Hy hulle uitgelei, om hulle in die berge om te bring en hulle van die aardbodem af uit te delg’? Laat vaar u brandende toorn en kry tog spyt oor die onheil teen u volk!

Jesaja 40:2

“Praat mooi met Jerusalem! Roep haar toe dat haar gedwonge arbeid voltooi is, dat haar skuld afbetaal is! Ja, sy het uit die hand van die Here 'n dubbele straf ontvang vir al haar sondes. ”

Jesaja 65:10

Saron sal as weiveld vir kleinvee dien, en die vallei van Agor as rusplek vir beeste, en vir my volk wat My geraadpleeg het.

Klaagliedere 3:53

Hulle het my lewe in 'n opgaarput uitgedoof en klippe op my gegooi.

Hosea 2:15

“ Op daardie dag,” is die uitspraak van die Here, “sal jy My noem, ‘my Man’. Jy sal My nie weer ‘my Baäl’ noem nie.

Hosea 2:17

“ Ek sal op daardie dag vir hulle 'n verbond sluit met die diere van die veld, die voëls van die hemel, en die diere wat op die grond kruip. Boog en swaard en oorlogstuig sal Ek in die land stukkend breek; Ek sal sorg dat hulle veilig gaan slaap.

Joël 2:13

Skeur julle harte, en nie julle klere nie, draai om na die Here julle God; want Hy is genadig en barmhartig, geduldig en oorvloedig in troue liefde, Hy het berou oor die onheil wat Hy bring.

Joël 2:18

Daarop het die Here Hom vir sy land beywer, Hy was jammer vir sy volk.

Jona 1:15

Hulle het Jona opgetel en hom in die see gegooi, en die see het opgehou met sy getier.

Sagaria 6:8

Die engel het hard na my geroep en verklaar: “Kyk, hulle wat na die noordelike gebiede gaan, bring my Gees tot rus in daardie gebiede.”

Numeri 25:8

Hy het agter die Israelitiese man in die vrouetent ingegaan, en hy het al twee deurboor, die Israelitiese man en die vrou, tot in haar maag. Die plaag onder die Israeliete het toe opgehou.

Deuteronomium 13:17

Daar mag niks van die bangoed in jou hande agterbly nie, sodat die Here se brandende toorn kan bedaar en Hy aan jou barmhartigheid kan bewys. Hy sal Hom oor jou ontferm en jou laat vermeerder, soos Hy aan jou voorvaders met 'n eed beloof het,

Deuteronomium 13:18

as jy na die stem van die Here jou God luister deur al sy gebooie wat ek vandag vir jou voorskryf, na te kom, deur te doen wat reg is in die oë van die Here jou God.”

Josua 10:27

Teen sononder het Josua bevel gegee, en hulle is van die pale afgehaal en in die grot gegooi waar hulle weggekruip het. Groot klippe is voor die ingang van die grot gepak, wat tot vandag toe nog daar is.

Josua 7:24

Josua en die hele Israel saam met hom, neem toe vir Agan, afstammeling van Serag, met die silwer, die koningsmantel en die staaf goud, asook sy seuns en dogters, sy beeste, sy donkies, sy kleinvee, sy tent en alles wat aan hom behoort. Hulle het hulle laat opgaan in die vallei van Agor.

Josua 8:29

Die koning van Ai het hy aan 'n paal opgehang tot die aand. Teen sononder het Josua bevel gegee, en hulle het sy lyk van die paal afgehaal, dit by die ingang van die stad gegooi en 'n groot hoop klippe op hom gepak, wat vandag nog daar is.