Josua 7:20 - Die Bybel 2020-vertaling

²⁰ Agan het Josua geantwoord en gesê: “Waarlik, dit is ek wat gesondig het teen die Here, die God van Israel. Dit is wat ek gedoen het:

Bybel vir almal

²⁰ Akan het geantwoord: “Ja, ek het sonde gedoen teen die Here, die God van Israel. Dit is wat ek gedoen het:

Afrikaans 1933-1953

²⁰ Toe het Agan Josua geantwoord en gesê: Waarlik, ek het gesondig teen die Here, die God van Israel, en so en so het ek gedoen.

Afrikaans 1983

²⁰ Toe sê Akan vir Josua: “Dit is waar. Ek het gesondig teen die Here die God van Israel. Wat ek gedoen het, is dit:

Contemporary Afrikaans Bible 2023

²⁰ En Akan het Josua geantwoord en gesê: Waarlik, ek het gesondig teen die HERE, die God van Israel, en so en so het ek gedoen:

Die Boodskap

²⁰ “Dis waar,” het Akan gesê. “Ek het teen die Here, Israel se God, gesondig.

Josua 7:20 Kruisverwysings

Genesis 42:21

Hulle het vir mekaar gesê: “Wel, ons is beslis skuldig oor ons broer wie se sielenood ons gesien het toe hy ons om genade gesmeek, maar ons nie geluister het nie. Daarom het hierdie nood ons nou oorval.”

Job 33:27

So iemand kyk na mense en sê: ‘Ek het gesondig en die reg verdraai, maar daar is nie met my afgereken nie.

Job 7:20

Het ek gesondig? Wat het ek U aangedoen, Bewaker van mense? Waarom stel U my as 'n teiken vir U op? Het ek vir U 'n las geword?

Psalms 38:18

Want ek is op die punt om te val, en van my pyn is ek altyd bewus.

Eksodus 10:16

Die farao het hom gehaas om Moses en Aäron te ontbied en gesê: “Ek het teen die Here, julle God, en teen julle gesondig.

Eksodus 9:27

Die farao het Moses en Aäron ontbied en vir hulle gesê: “Ek het hierdie keer gesondig. Die Here het gelyk en ek en my volk is verkeerd.

Numeri 22:34

Daarop sê Bileam vir die Engel van die Here: “Ek het gesondig, want ek het nie besef dat dit U is wat teenoor my in die pad staan nie. Maar nou, as dit verkeerd is in u oë, sal ek graag omdraai.”

Matteus 26:9

'n Mens kon dit vir baie geld verkoop het, wat aan die armes gegee kon word.”

Matteus 27:4

en gesê: “Ek het gesondig deur onskuldige bloed te verraai.” Hulle het egter gesê: “Wat het dit met ons te doen? Jy moet maar self toesien. ”

Josua 7:19

Josua sê toe vir Agan: “My seun, gee tog eer aan die Here, die God van Israel, en bring lof aan Hom. Vertel my tog wat jy gedoen het. Moenie vir my iets wegsteek nie.”

Josua 7:21

Ek het onder die buit een mooi koningsmantel uit Sinar, tweehonderd sikkel silwer en een staaf goud wat vyftig sikkel weeg, gesien. Ek het dit begeer en dit gevat. Kyk, dit is weggesteek in die grond, binne-in my tent. Die silwer is heel onder.”

1 Samuel 15:24

Toe sê Saul vir Samuel: “Ek het gesondig, ja, ek het die bevel van die Here en u opdragte oortree, omdat ek bang was vir die manskappe en na hulle geluister het.

1 Samuel 15:30

“Ek het gesondig,” het Saul gesê. “Handhaaf nou asseblief my eer voor die oudstes van my volk en voor Israel, en gaan saam met my terug, dat ek voor die Here, u God, in aanbidding kan buig.”