Josua 4:22 - Die Bybel 2020-vertaling

²² dan moet julle aan julle kinders verduidelik, ‘Op droë grond het Israel deur hierdie Jordaan getrek.’

Bybel vir almal

²² dan moet julle vir die kinders vertel: ‘Israel het op droë grond oor hierdie Jordaan-rivier gegaan.’

Afrikaans 1933-1953

²² dan moet julle dit aan julle kinders bekend maak en sê: Op droë grond het Israel deur hierdie Jordaan getrek,

Afrikaans 1983

²² moet julle die kinders inlig en sê: Israel het op droë grond deur hierdie Jordaanrivier gegaan.

Contemporary Afrikaans Bible 2023

²² Dan moet julle julle kinders laat weet en sê: Israel het op droë grond oor hierdie Jordaan gekom.

Die Boodskap

²² kan julle vir hulle sê: ‘Hier is Israel droogvoets deur die Jordaan.’

Josua 4:22 Kruisverwysings

Eksodus 14:22

Die Israeliete het op droë grond in die middel van die see ingegaan, terwyl die water vir hulle 'n muur aan hulle linker- en regterkant was.

Eksodus 14:29

Die Israeliete het deur die middel van die see op droë grond getrek, terwyl die water vir hulle 'n muur was aan hulle linker- en regterkant.

Eksodus 15:19

Want die perde van die farao, met sy strydwaens en bemanning, het in die see ingegaan, en die Here het die water van die see oor hulle laat terugvloei. Maar die Israeliete het op droë grond in die middel van die see deurgetrek.”

Jesaja 44:27

die Een wat vir die diepsee sê, ‘Word droog! Jou seestrome gaan Ek drooglê,’

Jesaja 51:10

Is dit nie U wat die see drooggelê het, die water van die groot oervloed, wat in die dieptes van die see 'n pad gemaak het, sodat dié wat losgekoop is, kon deurtrek nie?

Josua 3:16

het die water wat van die bokant af kom, gaan staan. Dit het 'n wal gevorm en opgedam – baie ver terug, vanaf Adam, die dorp langs Saretan. Die water wat na die See van die Araba, die Soutsee, vloei, is volledig afgesny. Die volk het toe deurgetrek, reg teenoor Jerigo.

Josua 3:17

Terwyl die hele Israel op droë grond deurtrek, het die priesters wat die verbondsark van die Here dra, in die middel van die Jordaan stewig op droë grond gestaan totdat die hele nasie die deurtog deur die Jordaan voltooi het.

Josua 4:21

Hy het vir die Israeliete gesê: “As julle kinders in die toekoms vir hulle ouers vra, ‘Wat beteken hierdie klippe?’

Openbaring 16:12

Die sesde engel het sy bak oor die groot Eufraatrivier uitgegooi, en die rivier se water het opgedroog om 'n pad vir die konings uit die ooste gereed te maak.