Josua 4:14 - Die Bybel 2020-vertaling

¹⁴ Op daardie dag het die Here Josua se aansien verhoog in die oë van die hele Israel en hulle het, solank hy geleef het, vir hom ontsag gehad soos hulle vir Moses ontsag gehad het.

Bybel vir almal

¹⁴ Die Here het daardie dag vir Josua 'n belangrike man laat word. Al die Israeliete het gedink Josua is 'n belangrike man, hulle het hom gerespekteer so lank soos hy gelewe het, soos hulle ook vir Moses gerespekteer het.

Afrikaans 1933-1953

¹⁴ Dié dag het die Here Josua groot gemaak voor die oë van die hele Israel, sodat hulle hom gevrees het soos hulle Moses gevrees het al die dae van sy lewe.

Afrikaans 1983

¹⁴ Die Here het daardie dag aan Josua hoë aansien gegee in die oë van die hele Israel. Hulle het sy lewe lank aan hom eerbied betoon soos aan Moses.

Contemporary Afrikaans Bible 2023

¹⁴ Daardie dag het die HERE Josua groot gemaak voor die oë van die hele Israel; en hulle het hom gevrees soos hulle Moses gevrees het, al die dae van sy lewe.

Die Boodskap

¹⁴ Die groot dinge wat die Here daardie dag deur Josua gedoen het, het die volk groot respek vir Josua laat kry. Hulle het hom, net soos vir Moses, met eerbied behandel vir die res van sy lewe.

Josua 4:14 Kruisverwysings

1 Konings 3:28

Toe die hele Israel hoor van die beslissing wat die koning gelewer het, het hulle vir die koning ontsag gehad, want hulle het gesien dat die wysheid van God in hom was om die reg te handhaaf.

2 Konings 2:15

Toe die profetegroep wat aan die oorkant in Jerigo was, hom sien, het hulle gesê: “Die gees van Elia rus op Elisa.” Hulle het hom tegemoetgegaan en diep voor hom na die grond toe gebuig.

1 Kronieke 29:25

Die Here het Salomo buitengewone aansien gegee in die oë van die hele Israel. Hy het aan hom koninklike majesteit verleen wat geen koning oor Israel voor hom geniet het nie.

2 Kronieke 30:12

Ook oor Juda was die hand van God om aan hulle 'n eensgesinde hart te gee, sodat hulle die bevel van die koning en die hoë amptenare uitgevoer het in ooreenstemming met die woord van die Here.

Eksodus 11:3

Die Here het gesorg dat die Egiptenare die volk goedgesind is. Ook Moses was 'n man wat hoë aansien geniet het in Egipteland, in die oë van die farao se amptenare en in die oë van die volk.

Eksodus 14:31

Toe Israel die magtige daad sien wat die Here teen Egipte gedoen het, het die volk vir die Here ontsag gehad en hulle vertroue in die Here en in sy dienskneg, Moses, gestel.

Spreuke 24:21

Jy moet ontsag hê vir die Here my seun, en vir die koning; met hulle wat andersgesind is, moet jy jou nie inlaat nie.

Romeine 13:4

Want die owerheid is 'n dienaar van God, tot jou beswil. Maar as jy die kwade doen, moet jy bang wees. Die owerheid dra nie verniet die swaard nie. Hy is immers 'n dienaar van God, aangestel om die kwaaddoener te straf.

1 Korinthiërs 10:2

en in verbondenheid met Moses, is almal in die wolk en in die see gedoop,

Josua 3:7

Die Here het vir Josua gesê: “Vandag begin Ek om aan jou aansien te gee in die oë van die hele Israel, sodat hulle kan weet dat, soos Ek by Moses was, Ek by jou is.

Josua 4:13

Ongeveer veertigduisend het, gewapen vir die oorlog, voor die Here vir die geveg na die vlaktes van Jerigo deurgetrek.

Josua 4:15

Die Here het vir Josua gesê:

1 Samuel 12:18

Toe het Samuel die Here aangeroep, en die Here het nog dieselfde dag donderslae en reën beskik. Die hele volk het groot ontsag gehad vir die Here en vir Samuel.