Josua 22:6 - Die Bybel 2020-vertaling

⁶ Josua het hulle geseën en weggestuur, en hulle het na hulle woonplekke gegaan.

Bybel vir almal

⁶ Josua het hulle geseën en hy het hulle laat gaan, en hulle het na hulle woonplekke gegaan.

Afrikaans 1933-1953

⁶ So het Josua hulle dan geseën en hulle laat gaan; en hulle het getrek na hul tente toe.

Afrikaans 1983

⁶ Josua het hulle met 'n seënwens laat gaan, en hulle is na hulle woonplekke toe.

Contemporary Afrikaans Bible 2023

⁶ En Josua het hulle geseën en hulle weggestuur, en hulle het na hulle tente gegaan.

Die Boodskap

^6-8 Toe het Josua hulle met sy seën huis toe gestuur en gesê: “Julle gaan as ryk mense huis toe met baie vee, silwer, goud, brons, yster en mooi klere. Gaan deel hierdie rykdom met julle broers wanneer julle by die huis kom.” Hulle is toe daar weg huis toe. Moses het mos die gebied oos van die Jordaan vir die een helfte van die Manassestam gegee en Josua die deel aan die westekant vir die ander helfte.

Josua 22:6 Kruisverwysings

Genesis 14:19

Hy het Abram geseën en gesê: “Geseënd is Abram deur God, die Allerhoogste, skepper van die hemel en die aarde.

Genesis 47:10

Jakob het die farao geseën en uit die farao se teenwoordigheid vertrek.

Genesis 47:7

Josef het daarna sy vader Jakob ingebring en hom voor die farao laat staan. Jakob het die farao met 'n seënwens gegroet.

2 Samuel 6:18

Toe Dawid die brandoffer en maaltydoffers klaar gebring het, het hy die volk geseën in die Naam van die Here, Heerser oor alle magte.

2 Samuel 6:19

Hy het aan die hele volk, die hele menigte van Israel, aan man en vrou, aan elkeen, 'n ringbrood, 'n dadelkoek en 'n rosynekoek uitgedeel. Daarna is die hele volk, elkeen van hulle, terug na sy huis.

2 Samuel 6:20

Toe Dawid teruggaan om sy huisgesin te seën, het Migal, die dogter van Saul, Dawid buite tegemoetgegaan en gesê: “Hoe eerbaar het die koning van Israel hom vandag nie gedra nie! Dat hy hom vandag voor die oë van die slavinne van sy amptenare ontbloot het soos enige leeglêer hom sou ontbloot!”

1 Konings 8:66

Op die agtste dag daarna het hy die volk laat gaan; en hulle het die koning geseën. Hulle het na hulle woonplekke gegaan, verheug en met opgeruimde harte oor al die goeie dinge wat die Here gedoen het aan sy dienskneg Dawid, en aan sy volk Israel.

2 Kronieke 30:18

Ja, die grootste deel van die volk, baie uit Efraim, Manasse, Issaskar en Sebulon, het hulleself nie gereinig nie, maar tog die pasgalam geëet op 'n ander wyse as wat voorgeskryf was. Hiskia het egter vir hulle gebid en gesê: “Mag die Here wat goed is, versoening doen vir

Eksodus 39:43

Moses het al die werk nagegaan – en inderdaad, hulle het dit gedoen! Soos die Here opdrag gegee het, so het hulle dit gedoen. Toe het Moses hulle geseën.

Lukas 2:34

Simeon het hulle geseën en vir Maria, sy moeder, gesê: “Kyk, hierdie Kindjie is bestem vir die val en die opstaan van baie mense in Israel, as 'n teken wat betwis word,

Lukas 24:50

Daarna het Jesus hulle uit die stad gelei, tot by Betanië. Hy het sy hande opgehef en hulle geseën.

Josua 14:13

Josua het hom geseën en Hebron aan Kaleb, seun van Jefunne, gegee as erfdeel.

Josua 24:28

Daarna het Josua die volk weggestuur, elkeen na sy erfdeel.

1 Samuel 10:25

Samuel het toe met die volk gepraat oor die regte verbonde aan die koningskap, en dit in 'n •boekrol geskryf. Hy het dit voor die Here neergelê. Daarna het Samuel die hele volk laat gaan, elkeen na sy huis.

1 Samuel 13:2

Saul het vir hom drieduisend man uit Israel gekies. Tweeduisend was by Saul in Migmas en in die bergland by Bet-El, en eenduisend was by Jonatan in Gibea in Benjamin. Die res van die manskappe het hy weggestuur, elkeen na sy woonplek toe.

1 Samuel 2:20

Dan het Eli vir Elkana en sy vrou geseën. Hy het gesê: “Mag die Here vir jou uit hierdie vrou 'n nageslag vestig in die plek van hom wat van die Here gevra is. ” Daarna het hulle na hulle woonplek gegaan.