Josua 19:9 - Die Bybel 2020-vertaling

⁹ Die erfenis van die nageslag van Simeon is geneem uit die deel van die nageslag van Juda. Omdat die deel van die nageslag van Juda te groot vir hulle was, het die nageslag van Simeon 'n erfdeel ontvang binne hulle erfdeel.

Bybel vir almal

⁹ Die stam het 'n deel van Juda se grond gekry, want die grond wat Juda gekry het, was te veel vir hulle. Die Simeon-stam het grond gekry binne-in die Juda-stam se grond.

Afrikaans 1933-1953

⁹ Uit die aandeel van die kinders van Juda is die erfdeel van die kinders van Símeon, omdat die deel van die kinders van Juda vir hulle te groot was; daarom het die kinders van Símeon geërwe in die middel van húlle erfdeel.

Afrikaans 1983

⁹ Hulle het 'n deel van Juda se gebied gekry, want dié was vir Juda te groot. Die stam Simeon het dus eiendom binne-in dié van Juda ontvang.

Contemporary Afrikaans Bible 2023

⁹ Uit die erfdeel van die kinders van Juda was die erfdeel van die kinders van Símeon; want die deel van die kinders van Juda was vir hulle te groot; daarom het die kinders van Símeon hul erfdeel in hul erfdeel gehad.

Die Boodskap

⁹ Simeon het ’n deel van Juda se grondgebied gekry omdat die gebied wat aan Juda toegeken was, eintlik te groot was vir die aantal mense in dié stam.

Josua 19:9 Kruisverwysings

Genesis 49:7

Vervloek is hulle toorn, want dit is fel, en hulle gramskap, want dit is meedoënloos. Ek sal hulle uitmekaarjaag in Jakob, hulle verstrooi in Israel.

Eksodus 16:18

Toe hulle dit met 'n omer meet, het dié wat baie opgetel het, nie te veel gehad nie, en dié wat min opgetel het, nie te min gehad nie. Wat elkeen nodig gehad het om te eet, het hulle bymekaargemaak.

Esegiël 48:7

Langs die gebied van Ruben, van die ooste tot in die weste – Juda, een deel.

Numeri 26:54

Vir dié wat meer is, moet jy hulle erfdeel vergroot; vir dié wat minder is, moet jy hulle erfdeel verklein. Aan elkeen moet sy erfdeel gegee word volgens die getal van dié wat ingeskryf is.

Josua 19:10

Die derde lot is getrek vir die nageslag van Sebulon, vir hulle familiegroepe. Die grens van hulle erfdeel begin by Sarid.

Josua 19:8

ja, al die gehuggies wat om hierdie dorpe lê tot by Baälat-Beër en Ramat-Negev. Dit was die erfdeel van die stam van Simeon se nageslag, vir hulle familiegroepe.