Josua 19:51 - Die Bybel 2020-vertaling

⁵¹ Dit dan is die erfdele wat Eleasar, die priester, Josua, seun van Nun, en die familiehoofde, voor die Here, by die ingang van die •Tent van Ontmoeting in Silo, aan die stamme van die Israeliete deur loting toegewys het. So het hulle die verdeling van die land afgehandel.

Bybel vir almal

⁵¹ Dit was al die grond wat die priester Eleasar en Josua seun van Nun en die familiehoofde vir die Israeliete gegee het. Hulle het lootjies getrek voor die Here in die stad Silo, by die ingang van die tent waar die Here aan die Israeliete verskyn.

Afrikaans 1933-1953

⁵¹ Dit is die erfdele wat Eleásar, die priester, en Josua, die seun van Nun, en die familiehoofde aan die stamme van die kinders van Israel as erfenis uitgedeel het deur die lot, in Silo, voor die aangesig van die Here, by die ingang van die tent van samekoms; en hulle het die verdeling van die land beëindig.

Afrikaans 1983

⁵¹ Dit was dan die woongebiede wat die priester Eleasar en Josua seun van Nun saam met die familiehoofde aan die Israelitiese stamme toegeken het. Hulle het die verdeling van die land afgehandel deur loting in Silo in die teenwoordigheid van die Here, by die ingang van die tent van ontmoeting.

Contemporary Afrikaans Bible 2023

⁵¹ Dit is die erfenisse wat die priester Eleásar en Josua, die seun van Nun, en die familiehoofde van die stamme van die kinders van Israel, deur die lot in Silo voor die aangesig van die HERE, by die ingang van die tabernakel, as 'n erfdeel verdeel het van die gemeente. Hulle het dus 'n einde gemaak om die land te verdeel.

Die Boodskap

⁵¹ So het die priester Eleasar en Josua die seun van Nun saam met die familiehoofde in Silo in die teenwoordigheid van die Here aan die Israeliete hulle woongebiede toegeken. Die verdeling van die land is toe afgehandel.

Josua 19:51 Kruisverwysings

Genesis 49:10

Die septer sal nie van Juda wyk nie, ook nie die heerserstaf tussen sy voete nie, totdat hy aan wie dit behoort, kom, en volke aan hom gehoorsaam is.

Psalms 78:60

Hy het die tabernakel by Silo prysgegee, die tent waarin Hy tussen mense gewoon het.

Matteus 20:23

Hy sê vir hulle: “Julle sal inderdaad my beker drink, maar om aan my regterhand en my linkerhand te sit, is nie vir My om te beskik nie. Daardie plekke behoort aan hulle vir wie my Vader dit voorberei het.”

Matteus 25:34

Dan sal die Koning vir dié aan sy regterhand sê, ‘Julle, geseëndes van my Vader, kom beërf die koninkryk, wat vir julle gereedgemaak is van die grondlegging van die wêreld af.

Johannes 17:2

net soos U aan Hom gesag oor die hele mensdom gegee het, sodat Hy aan elkeen wat U aan Hom gegee het, die ewige lewe kan gee.

Handelinge 13:19

In die land Kanaän het Hy sewe nasies uitgedelg en hulle land as erfdeel aan ons voorouers gegee.

Josua 14:1

Die volgende is die gebiede wat die Israeliete in die land Kanaän as erfdeel ontvang het, wat Eleasar, die priester, en Josua, seun van Nun, asook die familiehoofde van die stamme van die Israeliete, as erfdeel aan hulle toegewys het

Josua 18:1

Die hele volksvergadering van die Israeliete het in Silo byeengekom en die Tent van Ontmoeting daar opgeslaan. Die land is deur hulle onderwerp,

Josua 18:10

Josua het vir hulle in Silo voor die Here die lot gewerp. Daar het Josua die land vir die Israeliete verdeel ooreenkomstig hulle indeling in stamme.

Josua 20:1

Die Here het met Josua gepraat en gesê:

Rigters 21:19

Toe sê hulle: “Kyk, daar is elke jaar die fees van die Here in Silo.” Dit lê noord van Bet-El, en suid van Lebona aan die oostekant van die pad wat van Bet-El af opgaan na Sigem.

Rigters 21:21

en wees op die uitkyk. Die oomblik wanneer die meisies van Silo uitkom om kringdanse te doen, moet julle uit die wingerde kom en elkeen moet vir hom 'n vrou ontvoer uit die meisies van Silo. Dan moet julle na die land van Benjamin gaan.

1 Samuel 1:3

Hierdie man het jaar ná jaar uit sy dorp opgegaan om te aanbid en vir die Here, Heerser oor alle magte, offers te bring in Silo, waar die twee seuns van Eli, Hofni en Pinehas, priesters van die Here was.