Josua 19:10 - Die Bybel 2020-vertaling

¹⁰ Die derde lot is getrek vir die nageslag van Sebulon, vir hulle familiegroepe. Die grens van hulle erfdeel begin by Sarid.

Bybel vir almal

¹⁰ Toe Josua die derde lootjie trek, het die Sebulon-stam hulle grond gekry. Die grens van hulle grond was tot by die stad Sarid.

Afrikaans 1933-1953

¹⁰ EN die derde lot het opgekom vir die kinders van Sébulon volgens hulle geslagte, en die lyn van hulle erfdeel was tot by Sarid.

Afrikaans 1983

¹⁰ Die derde loting was vir die families in die stam Sebulon. Hulle grondgebied strek tot by Sarid.

Contemporary Afrikaans Bible 2023

¹⁰ En die derde lot het opgekom vir die kinders van Sébulon volgens hulle geslagte, en die grens van hulle erfdeel was tot by Sarid.

Die Boodskap

¹⁰ Die derde stam aan wie ’n gedeelte van die grond toegeken is, was dié van Sebulon. Hulle gebied strek tot by Sarid.

Josua 19:10 Kruisverwysings

Genesis 35:23

Die seuns van Lea: Ruben, Jakob se eersgeborene, Simeon, Levi, Juda, Issaskar en Sebulon.

Genesis 49:13

“ Sebulon – aan die strand van die seë sal hy woon; ja, hy is by die strand waar die skepe is, met sy verste gebied langs Sidon.

Esegiël 48:26

Langs die gebied van Issaskar – Sebulon, een deel.

Josua 18:11

Die lot is getrek vir die stam van Benjamin se nageslag ooreenkomstig hulle familiegroepe. Die gebied wat deur loting vir hulle aangewys is, was tussen dié van die nageslag van Juda en dié van die nageslag van Josef.

Josua 18:6

maar julle moet die gebied in sewe dele afbaken in julle beskrywing en dit hier na my toe bring. Ek sal vir julle die lot werp hier voor die Here ons God.

Josua 19:11

Hulle grens loop na die weste en na Marala; dit grens aan Dabbeset en die spruit wat langs Jokneam is.

Josua 19:9

Die erfenis van die nageslag van Simeon is geneem uit die deel van die nageslag van Juda. Omdat die deel van die nageslag van Juda te groot vir hulle was, het die nageslag van Simeon 'n erfdeel ontvang binne hulle erfdeel.