Josua 18:7 - Die Bybel 2020-vertaling

⁷ Daar is immers geen deel vir die Leviete onder julle nie, want die priesterskap van die Here is hulle erfenis. Gad, Ruben en die halwe stam van Manasse het hulle erfdeel wat Moses, die dienskneg van die Here, vir hulle gegee het, oorkant die Jordaan, aan die oostekant, ontvang. ”

Bybel vir almal

⁷ Die Levi-stam kry nie 'n deel van die land saam met julle nie, want hulle deel is om priesters van die Here te wees. En die stamme Gad en Ruben en die halwe Manasse-stam het klaar hulle grond gekry oos van die Jordaan-rivier. Moses, die dienaar van die Here, het daardie grond vir hulle gegee.”

Afrikaans 1933-1953

⁷ Want die Leviete het geen aandeel onder julle nie, omdat die priesterskap van die Here hulle erfdeel is; en Gad en Ruben en die halwe stam van Manasse het hulle erfdeel ontvang oorkant die Jordaan in die ooste, wat Moses, die kneg van die Here, hulle gegee het.

Afrikaans 1983

⁷ Die Leviete kry nie 'n deel saam met julle nie, want hulle besondere voorreg is die priesterskap in diens van die Here. Gad, Ruben en die helfte van Manasse het hulle deel oos van die Jordaan gekry waar Moses, die dienaar van die Here, dit aan hulle toegeken het.”

Contemporary Afrikaans Bible 2023

⁷ Maar die Leviete het geen deel onder julle nie; want die priesterdom van die HERE is hulle erfdeel; en Gad en Ruben en die helfte van die stam van Manasse het hulle erfdeel ontvang oorkant die Jordaan aan die oostekant, wat Moses, die kneg van die HERE, aan hulle gegee het.

Die Boodskap

⁷ Die Leviete kry nie enige grond nie, want die Here het hulle die voorreg gegee om priesters in sy diens te wees. Wat Gad, Ruben en die halwe Manassestam betref, hulle het reeds hulle gedeelte aan die oostekant van die Jordaan gekry toe Moses die dienaar van die Here nog geleef het.”

Josua 18:7 Kruisverwysings

Numeri 18:20

Die Here het vir Aäron gesê: “In hulle land sal jy nie erf nie; 'n erfdeel sal daar nie vir jou tussen hulle wees nie. Ek is jou erfdeel, jou erfenis tussen die Israeliete.

Numeri 18:23

Maar die Leviete, dit is hulle wat die dienswerk by die Tent van Ontmoeting moet doen. Hulle sal hulle skuld dra. Dit is 'n voorskrif wat altyd geld vir julle nageslag: Tussen die Israeliete mag hulle nie 'n erfenis ontvang nie;

Numeri 18:7

Maar jy en jou seuns saam met jou moet julle priesterdiens nakom, in alle sake by die altaar en agter die voorhangsel. Daar moet julle diens doen. As 'n geskenk met die oog op dienslewering gee Ek julle priesterskap aan julle. Maar 'n onbevoegde persoon wat daar indring, moet doodgemaak word.”

Deuteronomium 10:9

Daarom het die Leviete nie 'n aandeel of erfenis saam met hulle volksgenote nie. Die Here, Hy is hulle erfdeel, soos wat die Here jou God vir hulle gesê het.

Josua 12:6

Moses, die dienskneg van die Here, en die Israeliete het hulle verslaan, en Moses, die dienskneg van die Here, het dit as eiendom aan die stamme van Ruben en Gad en die halwe stam van Manasse gegee.

Josua 13:33

Maar aan die stam van Levi het Moses nie 'n erfdeel gegee nie. Die Here, die God van Israel, Hy is hulle erfdeel, soos Hy vir hulle gesê het.