Josua 16:7 - Die Bybel 2020-vertaling

⁷ Van Janoag af loop dit af na Atarot en Naära, dit grens aan Jerigo en strek verder na die Jordaan.

Bybel vir almal

⁷ Van Janoag gaan die grens af na die stede Atarot en Naära, en dan na Jerigo en tot teen die Jordaan-rivier.

Afrikaans 1933-1953

⁷ en van Janóag loop dit af na Átarot en Náharat en raak dan aan Jérigo en loop op die Jordaan uit.

Afrikaans 1983

⁷ van Janoag af loop die grens af na Atarot en Naära toe, dan teen Jerigo verby en aan tot by die Jordaan.

Contemporary Afrikaans Bible 2023

⁷ En dit het van Janóha afgegaan na Atarot en na Naarat, en by Jérigo gekom en by die Jordaan uitgegaan.

Die Boodskap

⁷ Van Janoag af draai dit suid in die rigting van Atarot en Naära en dan teen Jerigo verby tot by die Jordaan.

Josua 16:7 Kruisverwysings

1 Kronieke 7:28

Hulle grondgebied en woonplekke was Bet-El, met sy omliggende dorpies, na die ooste toe Naäran, en na die weste toe Geser, met hulle omliggende dorpies, asook Sigem, met sy omliggende dorpies, tot by Aja, met sy omliggende dorpies.

Numeri 33:48

Hulle het van die Abarimberge af weggetrek en kamp opgeslaan in die vlaktes van Moab, by die Jordaan, teenoor Jerigo.

Josua 16:6

Die grens strek verder tot by die see, met Migmetat aan die noordekant. Die grens draai oos na Taänat-Silo, en gaan aan die oostekant daarvan verby na Janoag.

Josua 3:16

het die water wat van die bokant af kom, gaan staan. Dit het 'n wal gevorm en opgedam – baie ver terug, vanaf Adam, die dorp langs Saretan. Die water wat na die See van die Araba, die Soutsee, vloei, is volledig afgesny. Die volk het toe deurgetrek, reg teenoor Jerigo.

Josua 6:1

Jerigo se poorte was egter dig gesluit vanweë die Israeliete; niemand het daar uitgegaan of ingegaan nie.

Josua 6:26

Josua het in daardie tyd 'n eed afgelê: “Vervloek voor die Here is die man wat opstaan en hierdie stad, Jerigo, herbou: Ten koste van sy eersgeborene sal hy die fondamente lê, en ten koste van sy jongste sal hy die poortdeure oprig.”