Josua 15:8 - Die Bybel 2020-vertaling

⁸ Die grens loop daarna op met die Ben-Hinnomdal na die heuwelrug van die Jebusiete, dit is Jerusalem, in die suide. Die grens loop verder op na die top van die berg, wat langs die Hinnomdal aan die westekant en aan die einde van die vallei van Refaïm in die noorde lê.

Bybel vir almal

⁸ Dan gaan die grens op deur die Ben-Hinnom-vallei tot suid van Jebusiete-berg, dit is Jerusalem, en dan gaan dit op na die boonste punt van die berg wes van die Ben-Hinnom-vallei langs die noordekant van Spook-laagte.

Afrikaans 1933-1953

⁸ Verder loop die lyn op na die dal Ben-Hinnom, na die suidelike hang van die Jebusiete, dit is Jerusalem; dan loop die lyn op na die top van die gebergte wat westelik voor die dal Hinnom lê, wat aan die noordelike einde van die dal Refáim is.

Afrikaans 1983

⁸ daarvandaan op met Ben-Hinnomdal na die suidelike hang van Jebusieteberg, dit is Jerusalem, en op na die top van die berg wes van Hinnomdal by die noordelike punt van Spooklaagte.

Contemporary Afrikaans Bible 2023

⁸ En die grens loop op na die dal van die seun van Hinnom na die suidekant van die Jebusiet; dit is Jerusalem, en die grens loop op na die top van die berg wat voor die dal van Hinnom lê, weswaarts, wat aan die einde van die dal van die Reuse noordwaarts lê.

Die Boodskap

⁸ Van hier af gaan die grens op deur die Ben-Hinnomsvallei na die suidelike hang van die Jebusieteberg, waar die stad Jerusalem geleë is, en dan op na die top van die berg wes van die Hinnomsvallei aan die noordelike punt van die vallei van die Refaïete.

Josua 15:8 Kruisverwysings

2 Samuel 5:18

Die Filistyne het gekom en die vallei van Refaïm beset.

2 Samuel 5:22

Die Filistyne trek toe weer op en beset die vallei van Refaïm.

2 Konings 23:10

Hy het ook Tofet, wat in die Ben-Hinnomdal was, verontreinig, sodat niemand sy seun of sy dogter vir Moleg in die vuur sou offer nie.

1 Kronieke 11:4

Dawid en die hele Israel het toe na Jerusalem gegaan, dit is Jebus, waar die Jebusiete die inwoners van die gebied was.

2 Kronieke 28:3

Hy is die een wat offers verbrand het in die Ben-Hinnomdal, en sy seuns in die vuur verbrand het, soos die afstootlike gebruike was van die nasies wat die Here voor die Israeliete uit verdryf het.

Nehemia 11:30

in Sanoag, Adullam en hulle gehuggies, in Lagis met sy landerye en in Aseka en sy omliggende dorpies. Hulle het hulle in die gebied vanaf Berseba tot by die Hinnomdal gevestig.

Jesaja 17:5

Dit sal wees soos wanneer iemand met die oes graanhalms insamel, en soos wanneer iemand koringare in sy arm bymekaarmaak. Dit sal wees soos wanneer iemand are optel in die vallei van Refaïm:

Jeremia 19:14

Jeremia het van Tofet af, waarheen die Here hom gestuur het om te profeteer, gekom en in die voorhof van die huis van die Here gaan staan. Hy het vir die hele volk gesê:

Jeremia 19:2

Gaan dan uit na die Ben-Hinnomdal by die ingang na die Potskerfpoort en verkondig daar die woorde wat Ek vir jou sê.

Jeremia 19:6

Daarom, kyk, daar kom dae,” ’ is die uitspraak van die Here, ‘ “dat hierdie plek nie meer Tofet en Ben-Hinnomdal genoem sal word nie, maar Moorddal.

Josua 15:63

Die nageslag van Juda was egter nie in staat om die Jebusiete, die inwoners van Jerusalem, te verdryf nie. Die Jebusiete het toe saam met die nageslag van Juda in Jerusalem bly woon; dit is vandag nog so.

Josua 18:16

Daarna gaan die grens af na die voet van die berg langs die Ben-Hinnomdal, aan die noordekant van die vallei van Refaïm, verder af met die Hinnomdal na die heuwelrug van die Jebusiete in die suide, en dan af na En-Roghel.

Josua 18:28

Sela, Elef, Jebus, dit is Jerusalem, Gibea en Kirjat – veertien dorpe met hulle gehuggies. Dit dan is die erfdeel van die nageslag van Benjamin, vir hulle familiegroepe.

Rigters 1:21

En wat betref die Jebusiete wat in Jerusalem gewoon het – die nakomelinge van Benjamin het hulle nie verdryf nie. Die Jebusiete het saam met die nageslag van Benjamin in Jerusalem bly woon; dit is vandag nog so.

Rigters 1:8

Die nageslag van Juda het toe teen Jerusalem oorlog gevoer en dit ingeneem. Hulle het die stad met die skerpte van die swaard verslaan en dit aan die brand gesteek.

Rigters 19:10

Maar die man wou nie die nag oorbly nie. Hy het gereedgemaak en vertrek, en met sy twee opgesaalde donkies en sy byvrou by hom, gevorder tot teenoor Jebus, dit is Jerusalem.