Josua 11:12 - Die Bybel 2020-vertaling

¹² Al hierdie koningstede, met al hulle konings, het Josua verower. Hy het hulle met die skerpte van die swaard verslaan en hulle met die banvloek getref soos Moses, die dienskneg van die Here, beveel het.

Bybel vir almal

¹² Josua het al die stede van daardie konings oorwin, en hy het die konings en die mense almal doodgemaak, hy het gedoen soos Moses, die dienaar van die Here, gesê het.

Afrikaans 1933-1953

¹² En al daardie koningstede met al hulle konings het Josua geneem en hulle met die skerpte van die swaard verslaan; hy het hulle met die banvloek getref, soos Moses, die kneg van die Here, beveel het.

Afrikaans 1983

¹² Josua het ook al die stede van die ander konings ingeneem en die konings en die mense uitgeroei soos Moses, die dienaar van die Here, beveel het.

Contemporary Afrikaans Bible 2023

¹² En Josua het al die stede van daardie konings en al hulle konings ingeneem en hulle met die skerpte van die swaard verslaan, en hy het hulle met die banvloek getref, soos Moses, die kneg van die HERE, beveel het.

Die Boodskap

¹² Josua het ook al die stede van die ander konings ingeneem en die konings en die mense daarin uitgeroei volgens die opdrag van Moses die Here se dienaar.

Josua 11:12 Kruisverwysings

Deuteronomium 7:2

en die Here jou God hulle aan jou oorlewer en jy hulle verslaan, dan moet jy hulle beslis met die banvloek tref. Jy mag nie met hulle 'n ooreenkoms aangaan nie en jy mag hulle nie genadig wees nie.

Deuteronomium 9:3

Jy moet vandag weet dat die Here jou God, Hy wat voor jou oor die Jordaan gaan, 'n verterende vuur is. Hy self sal hulle uitdelg, ja, Hy self sal hulle voor jou verneder, sodat jy hulle sal verdryf en vinnig vernietig, soos wat die Here jou beloof het.

Josua 10:20

Nadat Josua en die Israeliete hulle klaar 'n baie groot nederlaag toegedien het, totdat hulle uitgewis was – die vrygeraaktes onder hulle het ontvlug en in die versterkte stede aangekom –

Josua 10:28

Josua het ook Makkeda op daardie dag ingeneem, en die stad en sy koning met die skerpte van die swaard verslaan. Hy het hulle en elke persoon daarin met die banvloek getref. Hy het niemand laat vrykom nie. Met die koning van Makkeda het hy gemaak soos hy met die koning van Jerigo gemaak het.

Josua 10:30

Die Here het ook Libna en sy koning in Israel se hand gegee. Hy het die stad en elke persoon daarin met die skerpte van die swaard verslaan. Hy het niemand daarin laat vrykom nie, en hy het met sy koning gemaak soos hy met die koning van Jerigo gemaak het.

Josua 10:32

Die Here het Lagis in die hand van Israel gegee. Josua het die stad op die tweede dag ingeneem en dit en elke persoon daarin met die skerpte van die swaard verslaan, net soos hy met Libna gemaak het.

Josua 10:35

Hulle het die stad op dieselfde dag ingeneem en dit met die skerpte van die swaard verslaan. Elke persoon daarin het hy nog dieselfde dag met die banvloek getref, net soos hy met Lagis gemaak het.

Josua 10:37

Hulle het dit ingeneem en die stad met sy koning, al sy dorpies en elke persoon daarin met die skerpte van die swaard verslaan. Hy het niemand laat vrykom nie, net soos hy met Eglon gemaak het. Hy het die stad met elke persoon daarin met die banvloek getref.

Josua 11:13

Net die stede wat op puinheuwels staan, is nie deur Israel afgebrand nie. Gasor was die enigste uitsondering – Josua het net dit afgebrand.

Josua 11:15

Soos die Here Moses, sy dienskneg, beveel het, so het Moses vir Josua opdrag gegee, en presies so het Josua dit gedoen. Hy het niks agterweë gelaat van alles wat die Here Moses beveel het nie.

Josua 13:6

Al die inwoners van die bergland, van die Libanon af tot by Misrefot-Majim, al die Sidoniërs – Ek self sal hulle voor die Israeliete verdryf. Laat dit in elk geval as erfdeel aan Israel toeval, soos Ek jou beveel het.

Josua 21:44

Die Here het vir hulle rus gegee aan alle kante, net soos Hy aan hulle voorvaders beloof het. Van al hulle vyande kon niemand voor hulle staande bly nie. Al hulle vyande het die Here in hulle hand gegee.

Josua 8:31

soos wat Moses, die dienskneg van die Here, die Israeliete opdrag gegee het, soos dit geskryf staan in die •boekrol met die Wet van Moses, “'n altaar van onbewerkte klippe, waaroor geen yster beweeg is nie”. Hulle het toe •brandoffers daarop vir die Here gebring, en ook •maaltydoffers geslag.

Josua 8:8

Wanneer die stad onder julle beheer is, moet julle dit aan die brand steek. Ooreenkomstig die woord van die Here moet julle optree. Kyk, dit is my opdragte aan julle.”

Josua 9:24

Hulle het Josua geantwoord en gesê: “Omdat daar duidelik berig gebring is aan u dienaars dat die Here u God sy dienskneg Moses beveel het om die hele land aan julle te gee en om al die inwoners van die land voor julle uit te delg, het ons, as gevolg van julle, ernstig gevrees vir ons lewens, en so opgetree.