Josua 10:12 - Die Bybel 2020-vertaling

¹² Dit was in dié tyd dat Josua met die Here gepraat het, die dag toe die Here die Amoriete aan die Israeliete oorgelewer het. Hy het, terwyl Israel toekyk, gesê: “Son, staan stil in Gibeon, en maan, in die vallei van Ajalon! ”

Bybel vir almal

¹² Josua het daardie dag met die Here gepraat, die dag toe die Here die Israeliete laat wen het teen die Amoriete. Die Israeliete het gehoor toe Josua sê: “Son, jy moet stilstaan by die stad Gibeon, maan, jy moet stilstaan in die Ajalon-vallei.”

Afrikaans 1933-1953

¹² Toe het Josua met die Here gespreek, op die dag dat die Here die Amoriete aan die kinders van Israel oorgegee het, en voor die oë van Israel gesê: Son, staan stil in Gíbeon, en maan, in die dal van Ájalon!

Afrikaans 1983

¹² Dié dag toe die Here die Amoriete in die mag van die Israeliete gegee het, het Josua die Here om hulp gevra. Ten aanhore van Israel het hy gesê: “Son, staan stil in Gibeon, en maan, staan stil in Ajalonlaagte!”

Contemporary Afrikaans Bible 2023

¹² Toe het Josua met die HERE gespreek op die dag toe die HERE die Amoriete aan die kinders van Israel oorgegee het, en hy het voor die oë van Israel gesê: Son, staan stil op Gíbeon; en jy, maan, in die dal Ajalon.

Die Boodskap

¹² Op die dag waarop die Here aan Israel die oorwinning oor die Amoriete gegee het, het Josua voor die manskappe vir die Here hulp gevra en gesê: “Son, staan asseblief stil oor Gibeon en maan, oor die vallei van Ajalon.”

Josua 10:12 Kruisverwysings

2 Samuel 2:12

Abner, seun van Ner, en die volgelinge van Saul se seun Is-Boset het van Maganajim af uitgetrek na Gibeon.

2 Konings 20:10

Hiskia sê toe: “Dit is maklik vir die skaduwee om tien eenhede vooruit te skuif. Nee, die skaduwee moet eerder tien eenhede terugskuif.”

2 Konings 20:11

Toe het Jesaja, die profeet, die Here aangeroep, en Hy het die skaduwee wat reeds op die sonwyser van Agas afgesak het, tien eenhede laat terugskuif.

2 Konings 20:9

Jesaja het geantwoord: “Dit sal vir jou van die Here af die teken wees dat die Here die woord wat Hy gespreek het, sal uitvoer: Moet die skaduwee tien eenhede vorentoe skuif, of moet dit tien eenhede terugskuif?”

1 Kronieke 8:13

Beria en Sema was ook sy seuns. Hulle was die familiehoofde van die inwoners van Ajalon. Dit is hulle wat die inwoners van Gat laat vlug het.

2 Kronieke 11:10

Sora, Ajalon en Hebron. Dit was stede wat versterk is in Juda en Benjamin.

Job 9:7

Hy wat die son aanspreek, sodat dit nie skyn nie, en wat so die sterre verseël;

Psalms 148:3

Loof Hom, son en maan; loof Hom, al die helder sterre!

Psalms 19:4

Alhoewel daar geen spraak en geen woorde is nie en hulle stem nie hoorbaar is nie,

Psalms 74:16

Aan U behoort die dag; ook die nag behoort aan U. U het die maan en die son gevestig.

Jesaja 28:21

Ja, soos by die berg Perasim sal die Here opstaan; soos by die vallei in Gibeon sal Hy bewe van ywer om sy dade uit te voer – vreemd is sy dade – en om sy werk te doen – sonderling is sy werk.

Jesaja 38:8

Kyk, Ek sal die skaduwee van die sonwyser van Agas wat met die son afgeskuif het, tien eenhede laat terugskuif.” ’ ” Toe het die son die tien eenhede wat dit gesak het op die sonwyser, teruggeskuif.

Jesaja 60:20

Jou son sal nie weer ondergaan nie, en jou maan sal nie verdof nie; want die Here sal vir jou 'n ewige lig wees, en jou routyd sal verby wees.

Jeremia 28:1

In dieselfde jaar, aan die begin van Sedekia, koning van Juda, se regering, in die vyfde maand van die vierde jaar, het Gananja, seun van Assur, die profeet uit Gibeon, vir my in die huis van die Here, in die teenwoordigheid van die priesters en die hele volk, gesê:

Amos 2:9

Ek is die Een wat die Amoriete, so lank soos sederbome en so sterk soos eikebome, uitgeroei het voor hulle uit. Ek het hulle uitgeroei – hulle vrug bo en hulle wortels onder.

Amos 8:9

“Op daardie dag,” is die uitspraak van my Heer, die Here, “sal Ek die son laat ondergaan op die middaguur en dit helder oordag donker maak vir die aarde.

Habakuk 2:20

Maar die Here is in sy •heilige •tempel – wees stil voor Hom, o ganse aarde!”

Sagaria 2:13

Wees stil voor die Here alle mense, want Hy tree te voorskyn uit sy heilige woonplek.

Deuteronomium 17:3

en ander gode gaan dien en voor hulle in aanbidding buig – voor die son of die maan of enige van die hemelligame, iets wat die Here nie beveel het nie –

Deuteronomium 4:19

en sodat julle nie na die hemel opkyk en die son en maan en sterre sien, enige van die hemelliggame, en julle laat verlei om voor hulle in aanbidding te buig en hulle te dien nie. Die Here julle God het hulle aan al die ander nasies onder die son toegewys.

Josua 10:13

En die son het stilgestaan en die maan het gaan staan, totdat 'n nasie wraak geneem het op sy vyande. Staan dit nie geskryf in die Boekrol van die Opregte nie? Ja, die son het gaan staan in die middel van die hemelruim, en hy was ongeveer 'n volle dag nie haastig om onder te gaan nie.

Josua 19:42

Saälbin, Ajalon, Jitla,

Josua 21:24

Ajalon met sy meentgrond en Gat-Rimmon met sy meentgrond – vier dorpe.

Rigters 12:12

Elon, die man uit Sebulon, het gesterf en is begrawe in Ajalon, op die grondgebied van Sebulon.

Rigters 5:20

Uit die hemelruim het die sterre geveg; uit hulle wentelbane het hulle teen Sisera geveg.

1 Samuel 12:18

Toe het Samuel die Here aangeroep, en die Here het nog dieselfde dag donderslae en reën beskik. Die hele volk het groot ontsag gehad vir die Here en vir Samuel.

1 Samuel 14:31

Hulle het daardie dag die Filistyne verslaan van Migmas af tot by Ajalon. Die manskappe was baie moeg,