Josua 10:10 - Die Bybel 2020-vertaling

¹⁰ Die Here het hulle verward laat raak voor Israel, en Josua het hulle 'n groot nederlaag toegedien by Gibeon. Hy het hulle agtervolg in die rigting van die opdraande by Bet-Goron, en hulle afgemaai tot by Aseka en Makkeda.

Bybel vir almal

¹⁰ Die Here het die Amoriete laat vlug vir die Israeliete, en die Israeliete het baie Amoriete daar by Gibeon doodgemaak. Hulle het die Amoriete gevolg en gejaag op die pad oor die berg na die stad Bet-Goron. Hulle het aangehou om die Amoriete te volg en dood te maak tot by die stede Aseka en Makkeda.

Afrikaans 1933-1953

¹⁰ het die Here hulle in verwarring gebring voor Israel, en hy het 'n groot slag onder hulle geslaan by Gíbeon en hulle agtervolg op pad na die hoogte van Bet-Horon en hulle verslaan tot by Aséka en tot by Makkéda.

Afrikaans 1983

¹⁰ Die Here het hulle paniekbevange laat word vir Israel. Israel het 'n groot slagting onder hulle aangerig in Gibeon, hulle agtervolg deur die pas na Bet-Goron toe en hulle bly doodmaak tot by Aseka en tot by Makkeda.

Contemporary Afrikaans Bible 2023

¹⁰ En die HERE het hulle voor Israel in beroering gebring en hulle by Gíbeon met 'n groot slagting verslaan en hulle agtervolg op die pad wat opgaan na Bet-Horon, en hulle verslaan tot by Aséka en tot by Makkeda.

Die Boodskap

¹⁰ Toe die Amoriete die Israelitiese soldate sien, het die Here hulle paniekbevange gemaak. Die Israeliete het hulle daar by Gibeon verslaan. Toe hulle op die vlug slaan, het die Israeliete hulle agternagesit deur die bergpas by Bet-Goron en hulle bly uitroei tot by Aseka en Makkeda.

Josua 10:10 Kruisverwysings

2 Samuel 22:15

Hy stuur sy pyle en jaag hulle uiteen, weerligstrale, en bring hulle in verwarring.

1 Konings 9:17

Salomo het Geser herbou, ook Bet-Goron-Onder,

2 Kronieke 14:12

Die Here het die Kussiete voor Asa en Juda uit verslaan en die Kussiete het gevlug.

2 Kronieke 25:13

Die troepe wat Amasia teruggestuur het, sodat hulle nie saam met hom na die geveg sou gaan nie, het 'n aanval geloods op die dorpe van Juda – van Samaria tot by Bet-Goron. Hulle het drieduisend van die mense neergevel en 'n groot buit geneem.

Psalms 18:14

Die Here laat die donder weerklink in die hemelruim; die Allerhoogste laat sy stem hoor met hael en gloeiende kole vuur.

Psalms 44:3

U, U het met u eie hand nasies verdryf, maar húlle het U geplant, U het volke geteister, maar húlle het U laat uitbrei.

Psalms 68:14

As julle tussen die saalsakke gaan rus – daar is duiwe, hulle vlerke is met silwer bedek en hulle penvere met geelgroen goud.”

Psalms 78:55

Hy het nasies voor hulle uit verdryf. Hy het wat aan hulle behoort, met 'n maatlyn opgemeet as erfdeel, en die stamme van Israel in húlle tente laat woon.

Jesaja 28:21

Ja, soos by die berg Perasim sal die Here opstaan; soos by die vallei in Gibeon sal Hy bewe van ywer om sy dade uit te voer – vreemd is sy dade – en om sy werk te doen – sonderling is sy werk.

Jesaja 30:30

Die Here sal sy majestueuse stem laat hoor, die neerkom van sy arm laat sien in heftige striemende toorn – 'n vlam van verterende vuur, gietende reën, stortbuie en haelstene.

Jeremia 34:7

terwyl die leër van die koning van Babilonië besig was om oorlog te voer teen Jerusalem en al die stede van Juda wat oorgebly het, teen Lagis en Aseka; dit was immers die enigste versterkte stede wat oorgebly het van al die stede in Juda.

Sagaria 14:3

Daarna sal die Here optrek en teen daardie nasies oorlog voer soos wanneer Hy veg op die dag van stryd.

Deuteronomium 7:23

Die Here jou God sal hierdie nasies aan jou oorgee. Hy sal onder hulle groot verwarring veroorsaak, totdat hulle uitgedelg is.

Josua 10:11

Terwyl hulle op vlug was voor Israel teen die afdraande by Bet-Goron, het die Here groot klippe uit die hemel op hulle gewerp, tot by Aseka, sodat hulle gesterf het. Dié wat deur die haelstene gesterf het, was meer as dié wat deur die Israeliete met die swaard doodgemaak is.

Josua 10:28

Josua het ook Makkeda op daardie dag ingeneem, en die stad en sy koning met die skerpte van die swaard verslaan. Hy het hulle en elke persoon daarin met die banvloek getref. Hy het niemand laat vrykom nie. Met die koning van Makkeda het hy gemaak soos hy met die koning van Jerigo gemaak het.

Josua 10:9

Josua het hulle verras; hy het die hele nag vanaf Gilgal getrek.

Josua 11:8

Die Here het hulle in die hand van Israel gegee, en Israel het hulle verslaan en agtervolg tot by Groot-Sidon, Misrefot-Majim en die Mispevallei in die ooste. Hulle het hulle verslaan, totdat daar van hulle niemand oor was wat ontvlug het nie.

Josua 12:16

die koning van Makkeda, een; die koning van Bet-El, een;

Josua 15:35

Jarmut, Adullam, Sogo, Aseka,

Josua 15:41

Gederot, Bet-Dagon, Naäma en Makkeda – 16 dorpe met hulle gehuggies.

Josua 16:3

Dan daal dit wes, af na die gebied van die mense van Jaflet, tot by die grens van Bet-Goron-Onder, tot by Geser, met sy verste punt by die see.

Josua 16:5

Dit was die grens van die nageslag van Efraim, vir hulle familiegroepe: Die grens van hulle erfdeel was van Atrot-Addar aan die oostekant tot by Bet-Goron-Bo.

Josua 21:22

Kibsajim met sy meentgrond en Bet-Goron met sy meentgrond – vier dorpe.

Rigters 4:15

Die Here het Sisera, sy hele strydwamag en sy hele leër voor Barak in verwarring gebring deur die skerpte van die swaard. Sisera het van sy strydwa afgeklim en te voet gevlug.

Rigters 4:16

Barak het egter die strydwamag en leër agtervolg tot by Garoset-Gojim. Sisera se hele leër het deur die skerpte van die swaard geval; nie een het oorgebly nie.

Rigters 5:20

Uit die hemelruim het die sterre geveg; uit hulle wentelbane het hulle teen Sisera geveg.

1 Samuel 13:18

'n ander eenheid het weggedraai in die rigting van Bet-Goron, en nog 'n eenheid in die rigting van die grensgebied wat uitkyk oor die vallei van Seboïm, na die woestyn se kant.

1 Samuel 17:1

Die Filistyne het hulle leër laat saamtrek vir oorlog. Hulle het byeengekom by Sogo, wat aan Juda behoort, en het kamp opgeslaan tussen Sogo en Aseka by Efes-Dammim.