Joël 2:30 - Die Bybel 2020-vertaling

³⁰ Ek sal tekens gee in die hemel en op aarde: bloed en vuur en kolomme rook.

Bybel vir almal

³⁰ Ek sal vir die mense tekens wys. Daar sal bloed op die aarde wees, en vuur en rook in die lug.

Afrikaans 1933-1953

³⁰ En Ek sal wondertekens gee aan die hemel en op die aarde: bloed en vuur en rookpilare.

Afrikaans 1983

³⁰ Ek sal tekens gee, in die hemel en op die aarde: bloed, vuur en rookwolke.

Contemporary Afrikaans Bible 2023

³⁰ En Ek sal wonders aan die hemel en op die aarde doen, bloed en vuur en rookpilare.

Die Boodskap

³⁰ Ek sal ook buitengewone tekens in die hemelruim en op die aarde laat gebeur. Op die aarde sal daar bloedvergieting, vuur en rookwolke wees.

Joël 2:30 Kruisverwysings

Genesis 19:28

Hy het afgekyk oor Sodom en Gomorra en oor die hele gebied van die Jordaanstreek, en gesien daar styg rook op uit die land, soos die rook uit 'n smeltoond.

Hooglied 3:6

Wat kom daar aan uit die woestyn soos suile rook, omhul van mirre en wierook, van al die beste speserye van die handelaar?

Jeremia 4:28

Hieroor sal die aarde treur, en die hemel daarbo verdonker. Ja, Ek het dit aangekondig; dit is my voorneme. Ek sal nie jammer wees nie, nie daarop terugkom nie. ”

Sagaria 14:6

Op daardie dag sal daar nie lig wees nie, ook nie koue of ryp nie.

Matteus 24:29

“Onmiddellik ná die verdrukking van daardie dae “ ‘sal die son verduister word, en die maan sal sy lig nie gee nie, en die sterre sal van die hemel val, en die kragte van die hemele sal geskud word. ’

Lukas 21:11

Daar sal hewige aardbewings wees, en op een plek ná die ander sal daar hongersnood en epidemies uitbreek. Daar sal groot en skrikwekkende tekens uit die hemel kom.

Josua 8:20

Toe die manne van Ai omdraai, sien hulle – daar styg die rook van die stad op na die hemel! Hulle kon nie na een van die twee kante vlug nie, nie na hierdie of daardie kant nie, want die manskappe wat na die woestyn op vlug was, het omgedraai na die agtervolgers.

Openbaring 18:18

Hulle het geskree toe hulle die rook van haar verbranding sien, en gesê: “Watter stad is net soos dié groot stad?”

Openbaring 18:9

Die konings van die aarde wat onsedelik met haar verkeer het en uitspattig geleef het, sal oor haar huil en rou wanneer hulle die rook van haar verbranding sien.

Openbaring 8:7

Die eerste een het op sy trompet geblaas, en daar was hael en vuur, gemeng met bloed, en dit is op die aarde uitgegooi. 'n Derde van die aarde is verskroei, 'n derde van die bome is verskroei, en al die groen gras is verbrand.

Rigters 20:38

Die afspraak tussen die Israeliete en die manne in die hinderlae was: “Laat meer rook opstyg uit die stad!”

Rigters 20:40

Daar het egter 'n rookwolk uit die stad begin opstyg, 'n kolom rook. En toe die Benjaminiete omdraai – kyk, die hele stad was besig om in vlamme op te gaan!