Joël 2:23 - Die Bybel 2020-vertaling

²³ “Kinders van Sion, juig en wees bly in die Here julle God, want Hy gee vir julle reën as teken van geregtigheid, soos voorheen, sal Hy stortbuie en laatreëns vir julle laat uitsak.

Bybel vir almal

²³ En julle, mense van Jerusalem, julle moet juig, julle moet bly wees oor julle God die Here, want Hy gee vir julle reën op die regte tyd, Hy gee reën vroeg in die jaar en ook laat in die jaar, soos Hy voorheen gedoen het.

Afrikaans 1933-1953

²³ En julle, kinders van Sion, juig en wees bly in die Here julle God, want Hy gee julle die leraar tot geregtigheid en laat op julle neerdaal die reën, die vroeë reëns en die laat reëns, soos voorheen.

Afrikaans 1983

²³ Inwoners van Sion, julle moet bly wees en juig tot eer van die Here julle God, want Hy het die reëns betyds laat kom, Hy het die vroeë en die laat reën soos voorheen gegee.

Contemporary Afrikaans Bible 2023

²³ Wees dan bly, kinders van Sion, en jubel in die HERE julle God, want Hy het die vorige reëns matig gegee, en Hy sal vir julle die reën laat neerdaal, die vorige reëns en die laat reëns in die eerste maand.

Die Boodskap

²³ Wees bly, inwoners van Sion, juig tot eer van die Here julle God! Die reën wat van Hom af kom, is ’n teken dat Hy regtig vir julle omgee. Dit is Hy wat die winterreën laat kom het en die lentereën weer laat val het, presies soos voorheen.

Joël 2:23 Kruisverwysings

1 Konings 8:36

moet U self hoor in die hemel en die sonde van u diensknegte en u volk Israel vergewe, want U leer hulle die goeie pad waarop hulle moet gaan. Gee dan reën oor u land, wat U vir u volk as erfenis gegee het.

Job 33:23

As daar by hom 'n engel is, 'n voorspraak, een van die duisende, om vir die mens oor sy opregtheid te getuig,

Job 37:13

Of dit nou is om te straf, of tot voordeel van sy grond, of om liefde te bewys, Hy laat hulle die doel bereik.

Psalms 104:34

Mag my bepeinsing vir Hom aangenaam wees. Ek, ek sal my verheug in die Here.

Psalms 147:8

vir Hom wat die hemel bedek met wolke, wat vir die aarde reën gereedmaak, gras op die berge laat groei,

Psalms 149:2

Laat Israel hom verheug in sy Maker, laat die kinders van Sion juig oor hulle Koning.

Psalms 28:7

Die Here is my krag en my skild; op Hom vertrou my hart. Ja, ek het hulp ontvang en my hart jubel, met my lied wil ek Hom prys:

Psalms 32:11

Verbly julle in die Here, en juig, regverdiges; ja, jubel dit uit, almal met opregte harte.

Psalms 84:6

Gelukkig is mense wie se krag in U lê! Die pelgrimstogte leef in hulle gedagtes:

Spreuke 16:15

In die stralende gesig van 'n koning is daar lewe, en sy goedkeuring is soos die wolke van laatreëns.

Jesaja 30:21

Met julle ore sal julle 'n woord agter julle hoor: “Hier is die pad, gaan daarop, wanneer julle regs of links wil hou!”

Jesaja 30:23

Hy sal reën gee vir jou saad wat jy in die grond saai, en die opbrengs van die grond sal voedsel wees – dit sal geil en vet wees. Jy sal jou vee op daardie dag laat wei – 'n uitgestrekte weiveld.

Jesaja 41:16

Jy sal hulle uitwan; die wind sal hulle wegdra; 'n stormwind sal hulle uitmekaar waai. Maar jy sal juig oor die Here, oor die Heilige van Israel sal jy roem.

Jesaja 61:10

Ek verheug my grootliks in die Here; my hele wese juig oor my God. Want Hy het vir my klere van verlossing aangetrek, 'n mantel van geregtigheid het Hy my omgehang, asof ek 'n bruidegom is, soos 'n priester met 'n tulband, soos 'n bruid met haar versierings.

Jeremia 3:3

Die stortreëns is teruggehou, en die laatreëns was net nie daar nie. Maar jy het die voorkop van 'n prostituut; jy weier om jou te skaam.

Jeremia 5:24

Hulle het nie by hulleself gedink nie, Ons moet tog ontsag hê vir die Here ons God, vir Hom wat reënbuie gee – vroeë en laatreëns, elkeen op sy tyd, vir Hom wat die vasgestelde weke van die oes vir ons in stand hou.

Klaagliedere 4:2

Die kosbare kinders van Sion, hulle was hulle gewig in fyngoud werd; ag, nou word hulle gereken as kleipotte, maaksels van 'n pottebakker se hande!

Esegiël 34:26

Ek sal hulle en die gebied rondom my heuwel tot 'n seën maak. Ek sal die reënbuie op hulle tyd laat val; dit sal reënbuie wees wat seën bring.

Hosea 6:3

Laat ons Hom ken, laat ons daarna streef om die Here te ken. So seker soos dagbreek is sy verskyning; Hy sal soos reën na ons toe kom, soos lentereën wat die grond deurnat maak.”

Levitikus 26:4

sal Ek julle reën op die regte tyd vir julle gee. Die land sal sy opbrengs lewer en die bome in die veld sal hulle vrugte gee.

Amos 4:7

“ Selfs toe Ek die reën van julle weggehou het, reeds drie maande voor die oestyd, en Ek oor een dorp laat reën het en oor 'n ander dorp nie laat reën het nie, toe een stuk grond reën gekry het, en die ander stuk grond waarop Ek nie laat reën het nie, verdroog het;

Sagaria 10:1

Vra vir die Here reën in die tyd van die laatreëns. Die Here wat die donderwolke maak, sal vir hulle stortreën gee en vir die mens groen plante in die veld;

Sagaria 10:7

Efraim sal wees soos krygshelde, hulle harte sal vrolik wees soos van wyn. Hulle kinders sal dit sien en bly wees, hulle sal van harte juig oor die Here.

Sagaria 9:13

Want Juda span ek vir my soos 'n boog en Efraim is die pyl waarmee ek aanlê. Ek stel jou seuns, Sion, op teen jou seuns, Griekeland. Ek maak jou, Sion, soos die swaard van 'n krygsheld.”

Sagaria 9:9

Juig, dogter van Sion! Jubel, dogter van Jerusalem! Kyk, jou koning kom na jou toe: hy is regverdig en die oorwinnaar; hy is nederig en ry op 'n donkie, op die hingsvul van 'n donkiemerrie.

Handelinge 14:17

maar tog het Hy geen onduidelike getuienis van Homself gegee nie, deur goeie dinge te doen: Hy het uit die hemel aan julle reën en vrugbare seisoene gegee, en julle liggame met kos en julle harte met vreugde gevul.”

Deuteronomium 11:14

dan sê die Here, ‘Ek sal die reën van julle land op tyd gee, die vroeë en die laatreëns, sodat jy jou koring en jou •nuwe wyn en olie kan insamel.

Deuteronomium 28:12

Die Here sal vir jou sy goeie skatkamer, die hemel, oopmaak om die reën van jou land op tyd vir jou te gee en al jou handewerk te seën. Jy sal aan baie nasies uitleen, maar jy sal self nie hoef te leen nie.

Deuteronomium 32:2

Mag my onderrig neerstuif soos reën, my woorde drup soos dou, soos deurdringende reën op groen gras, soos reënbuie op plante.

Filippense 3:1

Verder, my broers, wees bly in die Here. Om dieselfde dinge aan julle te skryf, is nie vir my moeite nie, en aan julle gee dit vastigheid.

Filippense 3:3

Want ons is die besnydenis, ons wat God deur sy Gees dien, ons wat ons op •Christus Jesus beroem, en nie op die liggaamlike dinge vertrou nie,

Filippense 4:4

Verbly julle altyd in die Here! Ek herhaal: Verbly julle!