Joël 2:18 - Die Bybel 2020-vertaling

¹⁸ Daarop het die Here Hom vir sy land beywer, Hy was jammer vir sy volk.

Bybel vir almal

¹⁸ Die Here is baie lief vir sy land. Hy was jammer vir sy volk.

Afrikaans 1933-1953

¹⁸ TOE het die Here geywer vir sy land en sy volk verskoon.

Afrikaans 1983

¹⁸ Die Here het vir sy land opgekom, Hy het medelye betoon met sy volk.

Contemporary Afrikaans Bible 2023

¹⁸ Dan sal die HERE jaloers wees oor sy land en Hom oor sy volk ontferm.

Die Boodskap

¹⁸ Toe het die Here sy mense en sy land jammer gekry.

Joël 2:18 Kruisverwysings

2 Konings 19:31

Ja, uit Jerusalem sal wat oorgebly het, uitspruit, uit die berg Sion dit wat ontkom het. Die ywer van die Here, Heerser oor alle magte, sal dit doen. ’ ”

Psalms 103:13

Soos 'n vader hom ontferm oor kinders, so ontferm die Here Hom oor dié wat vir Hom ontsag het;

Psalms 103:17

Maar die troue liefde van die Here is van altyd af en vir ewig oor hulle wat vir Hom ontsag het, en sy geregtigheid geld vir die kinders se kinders,

Jesaja 37:32

Ja, uit Jerusalem sal wat oorgebly het, uitspruit, uit die berg Sion dit wat ontkom het. Die ywer van die Here, Heerser oor alle magte, sal dit doen. ’

Jesaja 42:13

Die Here, soos 'n held trek Hy uit, soos 'n krygsman wakker Hy die krygslus aan. Hy roep die strydkreet, ja, Hy skreeu die oorlogskreet uit; aan sy vyande betoon Hy Homself as die magtige.

Jesaja 60:10

“Vreemdes sal jou mure herbou, en hulle konings sal tot jou diens wees. Ja, in my grimmigheid het Ek jou geslaan, maar in my guns ontferm Ek My oor jou.

Jesaja 63:15

Kyk uit die hemel, uit u vorstelike, heilige en roemryke woning, en sien! Waar is u ywer en u magtige dade? U innerlike ontroering, u ontferming word van my teruggehou.

Jesaja 63:9

In al hulle nood was ook Hy in die nood. Die Engel van sy teenwoordigheid het hulle verlos. In sy liefde en medelye was dit Hy wat hulle vrygekoop het. Hy het hulle opgetel en hulle gedra, al die jare, van lank gelede af.

Jeremia 31:20

Is Efraim vir My 'n dierbare seun, 'n kind wat My vreugde verskaf? Al vaar Ek telkens teen hom uit, bly Ek hom weer onthou. Daarom is my binneste oor hom in beroering. Ek sal My beslis oor hom ontferm,” is die uitspraak van die Here.

Klaagliedere 3:22

Dit is deur die troue liefde van die Here dat ons nie omgekom het nie, ja, sy ontferming ken geen einde nie.

Sagaria 1:14

En toe sê die engel wat met my praat, vir my: “Roep dit uit! So sê die Here, Heerser oor alle magte: ‘Ek is diep besorg oor Jerusalem en Sion;

Sagaria 8:2

“ So sê die Here, Heerser oor alle magte, ‘Ek is besorg oor Sion, baie besorg. Ek is diep besorg oor haar.’

Lukas 15:20

Hy het toe opgestaan en na sy vader gegaan. Hy was nog ver weg, toe het sy vader hom al gesien. Hy het hom innig jammer gekry, na hom gehardloop, hom omhels en hom gesoen.

Deuteronomium 32:16

“Hulle het die Here met vreemde gode ontstel, met afstootlike dinge het hulle Hom getart.

Deuteronomium 32:36

“ Maar die Here laat reg geskied aan sy volk, oor sy diensknegte ontferm Hy Hom, wanneer Hy sien dat hulle mag verdwyn het, en dat die einde aangebreek het vir wie gevange is en vir wie vrygelaat is.

Deuteronomium 32:43

“Nasies, juig sy volk toe, want Hy gaan die bloed van sy diensknegte wreek; Hy gaan wraak neem op sy teenstanders en versoening doen vir sy grond, sy volk.”

Jakobus 5:11

Kyk, ons beskou hulle wat volhard, as gelukkig. Julle het gehoor van Job se volharding, en julle het die Here se einddoel met hom gesien, en dat die Here vol medelye en ontferming is.

Rigters 10:16

Hulle het toe die vreemde gode tussen hulle verwyder en die Here gedien; en Hy kon toe nie meer Israel se swaarkry verduur nie.