Handelinge 7:15 - Die Bybel 2020-vertaling

¹⁵ Jakob het na Egipte afgegaan en daar gesterf, hy en ons vaders,

Bybel vir almal

¹⁵ Jakob het toe afgegaan na Egipte. Hy en ons voorvaders het later daar gesterf.

Afrikaans 1933-1953

¹⁵ En Jakob het afgetrek na Egipte en daar gesterwe, hy en ons vaders.

Afrikaans 1983

¹⁵ Jakob het na Egipte toe gegaan en daar het hy en ons voorvaders gesterwe.

Contemporary Afrikaans Bible 2023

¹⁵ Jakob het toe na Egipte afgetrek en gesterwe, hy en ons vaders,

Die Boodskap

¹⁵ Jakob is uiteindelik daar dood, so ook al ons stamvaders.

Handelinge 7:15 Kruisverwysings

Genesis 46:1

Israel en almal wat by hom hoort, het kamp opgebreek. Toe hulle by Berseba kom, het hy offers geslag vir die God van sy vader Isak.

Genesis 47:30

Wanneer ek by my voorvaders gaan rus, moet jy my uit Egipte neem en my in hulle graf gaan begrawe.” Hy het geantwoord: “Ek sal maak soos pa sê.”

Genesis 49:33

Toe Jakob klaar was met die opdragte aan sy seuns, het hy sy voete teruggetrek op die bed. Hy het sy asem uitgeblaas en is met sy mense verenig.

Psalms 105:23

Israel het in Egipte aangekom, Jakob was 'n •vreemdeling in die land van Gam.

Eksodus 1:6

Josef, al sy broers en daardie hele geslag het gesterf.

Eksodus 13:19

Moses het die beendere van Josef met hom saamgeneem, want Josef het die Israeliete plegtig 'n eed laat aflê; hy het gesê: “God sal beslis na julle omsien, dan moet julle my beendere hiervandaan saam met julle neem.”

Numeri 20:15

Ons voorouers het afgetrek na Egipte en ons het 'n lang tyd in Egipte gebly, maar die Egiptenare het ons en ons voorouers sleg behandel.

Deuteronomium 10:22

Met net sewentig persone het jou voorouers na Egipte afgegaan; maar nou het die Here jou God jou so talryk gemaak soos die sterre aan die hemelruim.”

Deuteronomium 26:5

Dan moet jy voor die Here jou God bely en sê, ‘My vader was 'n rondswerwende Arameër. Hy het na Egipte afgegaan en met min mense as 'n •vreemdeling tydelik daar gaan woon. Daar het hy 'n groot nasie geword, magtig en talryk.

Josua 24:32

Die beendere van Josef wat die Israeliete uit Egipte gebring het, het hulle in Sigem begrawe in die stuk veld wat Jakob vir honderd kesita gekoop het by die seuns van Gamor, die vader van Sigem. Dit was die nageslag van Josef se erfdeel.

Josua 24:4

en aan Isak het Ek Jakob en Esau gegee. Ek het vir Esau die bergland Seïr gegee om dit in besit te neem, maar Jakob en sy seuns het afgetrek na Egipte.