Handelinge 6:10 - Die Bybel 2020-vertaling

¹⁰ maar hulle was nie opgewasse teen die wysheid waarmee, en die Gees deur wie, hy gespreek het nie.

Bybel vir almal

¹⁰ Maar hulle was nie so slim soos Stefanus nie. Stefanus het met wysheid gepraat, die Heilige Gees het vir hom gesê wat hy moet sê.

Afrikaans 1933-1953

¹⁰ Maar hulle kon die wysheid en die Gees waardeur hy gespreek het, nie weerstaan nie.

Afrikaans 1983

¹⁰ Hulle was egter nie opgewasse teen die wysheid wat hy van die Gees ontvang het en waarmee hy gepraat het nie.

Contemporary Afrikaans Bible 2023

¹⁰ En hulle kon die wysheid en die gees waarmee Hy gespreek het, nie weerstaan nie.

Die Boodskap

¹⁰ Hulle was nie opgewasse teen Stefanus se insig in God se raadsplan nie.

Handelinge 6:10 Kruisverwysings

Job 32:18

Want ek is vol woorde, die gees in my binneste dwing my.

Job 32:8

Maar dit is die gees in sterflinge en die asem van die Almagtige wat aan hulle insig gee.

Eksodus 4:12

Gaan dan nou! Ek sal met jou mond wees en jou leer wat jy moet sê.”

Jesaja 54:17

Geen wapen wat teen jou gemaak word, sal suksesvol wees nie. Elke tong wat teen jou getuig in 'n regsgeding, sal jy skuldig verklaar. “Dit is die erfdeel van die Here se diensknegte; dit is hulle geregtigheid van my kant,” is die uitspraak van die Here.

Jeremia 15:20

Ek sal jou vir hierdie volk 'n versterkte stadsmuur van koper maak. Hulle sal teen jou veg, maar nie die oorhand oor jou kry nie; want Ek is met jou om jou te verlos en jou te red,” is die uitspraak van die Here.

Esegiël 3:27

Maar wanneer Ek met jou praat, sal Ek jou mond oopmaak. Dan moet jy vir hulle sê, ‘So sê my Heer, die Here.’ Wie luister, sal luister, en wie verseg om te luister, sal verseg om te luister, want hulle is 'n rebelse huis.”

Miga 3:8

Maar ek, ek is gevul met krag, met die Gees van die Here, met 'n sin vir geregtigheid en die moed, om aan Jakob sy opstand en aan Israel sy sonde bekend te maak:

Lukas 1:17

Hy sal met die gees en krag van Elia voor die Here uitgaan om die harte van vaders na hulle kinders terug te bring, en ongehoorsames na die denkwyse van •regverdiges, en só 'n goed voorbereide volk vir die Here gereed te maak. ”

Lukas 21:15

want Ek sal julle die woorde en wysheid gee wat nie een van julle teenstanders sal kan weerstaan of weerlê nie.

Johannes 7:46

Die tempelwag het geantwoord: “Nog nooit het 'n mens só gepraat nie.”

Handelinge 5:39

maar as dit van God af kom, sal julle hulle nie kan keer nie – moenie dat dit blyk dat julle teen God veg nie!” Hulle het toe na hom geluister.

Handelinge 6:11

Toe het hulle mans aangehits om te verklaar: “Ons het hom lasterlike dinge oor Moses en God hoor sê.”

Handelinge 6:9

Sommige van die Sinagoge van die Libertyne, soos dit bekend gestaan het, Sireneërs en Aleksandryne, asook sommige mense uit Silisië en Asië, het na vore getree en met Stefanus geredeneer;

Handelinge 7:51

“Julle hardnekkiges met onbesnede harte en ore, julle weerstaan altyd die Heilige Gees; soos julle vaders gemaak het, so maak julle ook.

1 Korinthiërs 2:4

My lering en my verkondiging het nie berus op oorredende woorde van wysheid nie, maar op bewyse van die Gees en van krag,