Handelinge 5:25 - Die Bybel 2020-vertaling

²⁵ Maar iemand het hulle kom inlig: “Kyk, die manne wat julle in die tronk laat gooi het, staan die volk op die tempelterrein en onderrig.”

Bybel vir almal

²⁵ Toe kom daar iemand en hy sê vir hulle: “Weet julle wat gebeur het? Die manne wat in die tronk was, staan in die tempel en hulle leer vir die mense.”

Afrikaans 1933-1953

²⁵ En daar kom een en bring aan hulle berig en sê: Kyk, die manne wat julle in die gevangenis gesit het, staan in die tempel en leer die volk.

Afrikaans 1983

²⁵ Net toe kom daar iemand en sê vir hulle: “Weet julle, die mans vir wie julle in die tronk gesit het, staan daar in die tempel en leer die volk!”

Contemporary Afrikaans Bible 2023

²⁵ Toe kom een en vertel hulle en sê: Kyk, die manne wat julle in die gevangenis gesit het, staan in die tempel en leer die volk.

Die Boodskap

²⁵ Terwyl almal nog wonder wat aan die gang was, kom iemand daar aan en sê vir hulle: “Kom kyk! Die mans wat julle gister in die tronk gegooi het, is al weer in die tempel besig om die mense te leer.”

Handelinge 5:25 Kruisverwysings

Psalms 107:14

Hy het hulle uit donkerte, uit digte duisternis gelei; hulle boeie het Hy stukkend gebreek.

Jeremia 26:2

“So sê die Here, ‘Gaan staan in die voorhof van die huis van die Here, en sê vir al die stede van Juda wat kom om in die huis van die Here in aanbidding te buig, al die woorde wat Ek jou beveel het om vir hulle te sê. Moenie een woord weglaat nie.

Daniël 3:13

Toe het Nebukadnesar, rasend van woede, beveel dat Sadrag, Mesag en Abednego gehaal moet word. Hierdie manne is toe voor die koning gebring.

Matteus 10:18

Voor prokurators en konings sal julle om my ontwil gesleep word, sodat julle voor hulle en voor die heidene kan getuig.

Johannes 11:46

Maar sommige van hulle het na die •Fariseërs gegaan en vir hulle vertel wat Jesus gedoen het.

Handelinge 3:1

Op die negende uur, die uur van gebed, was •Petrus en Johannes na die tempelterrein op pad.

Handelinge 5:24

Toe die bevelvoerder van die tempelwag en die leierpriesters hierdie woorde hoor, was hulle daaroor verward, oor wat dit kon beteken.

Handelinge 5:26

Die bevelvoerder en die dienaars het hulle toe gaan haal – sonder geweld, omdat hulle bang was dat hulle deur die volk gestenig sou word.