Handelinge 5:20 - Die Bybel 2020-vertaling

²⁰ “Gaan staan in die tempelterrein en verkondig aan die volk die volle boodskap van hierdie lewe.”

Bybel vir almal

²⁰ Hy het vir die apostels gesê: “Gaan staan in die tempel en preek vir die mense alles wat hulle moet hoor van Jesus, sodat hulle waarlik kan lewe.”

Afrikaans 1933-1953

²⁰ Gaan heen, staan en vertel in die tempel aan die volk al die woorde van hierdie lewe.

Afrikaans 1983

²⁰ “Gaan staan in die tempel en verkondig aan die volk die volle boodskap van hierdie nuwe lewe.”

Contemporary Afrikaans Bible 2023

²⁰ Gaan staan en spreek in die tempel tot die volk al die woorde van hierdie lewe.

Die Boodskap

²⁰ Gaan weer na die tempel toe en vertel daar vir almal dat Jesus ’n mens se lewe nuut maak.”

Handelinge 5:20 Kruisverwysings

Eksodus 24:3

Moses het gegaan en aan die volk al die woorde van die Here, en al die bepalings oorgedra. Die hele volk het eenstemmig geantwoord en gesê: “Alles wat die Here gesê het, sal ons doen.”

Jesaja 58:1

“Roep hard uit! Moenie terughou nie! Verhef jou stem soos 'n •ramshoring! Maak aan my volk hulle oortredings bekend, aan die huis van Jakob hulle sonde!

Jeremia 26:2

“So sê die Here, ‘Gaan staan in die voorhof van die huis van die Here, en sê vir al die stede van Juda wat kom om in die huis van die Here in aanbidding te buig, al die woorde wat Ek jou beveel het om vir hulle te sê. Moenie een woord weglaat nie.

Jeremia 36:10

Barug het toe uit die boekrol die woorde van Jeremia aan die hele volk voorgelees in die huis van die Here, uit die vertrek van Gemarja, seun van Safan, die sekretaris, in die boonste voorhof by die ingang na die Nuwe Poort in die huis van die Here, ten aanhore van die hele volk.

Jeremia 7:2

“Gaan staan by die poort van die huis van die Here. Roep hierdie woorde daar uit en sê, ‘Hoor die woord van die Here, die hele Juda wat by hierdie poorte ingaan om voor die Here in aanbidding te buig!

Esegiël 33:7

“Jy, mensekind, as 'n wag het Ek jou aangestel oor die huis van Israel. Jy sal uit my mond die woorde hoor, en dan moet jy hulle van my kant af waarsku.

Matteus 10:27

Wat Ek vir julle in die donker sê, sê dit in die lig; en wat julle in die oor hoor, verkondig dit van die dakstoepe af.

Matteus 21:23

Hy het na die tempelterrein gegaan, en terwyl Hy besig was om onderrig te gee, het die leierpriesters en die familiehoofde van die volk na Hom gekom en gevra: “Op watter gesag doen jy hierdie dinge? En wie het aan jou hierdie gesag gegee?”

Johannes 12:50

En Ek weet dat sy opdrag die ewige lewe is. Wat Ek dus sê, sê Ek presies net soos die Vader dit vir My gesê het. ”

Johannes 17:3

En dit is die ewige lewe: dat hulle U ken, die enigste ware God, en ook Hom wat U gestuur het – Jesus Christus.

Johannes 17:8

Die woorde wat U My gegee het, het Ek aan hulle gegee, en hulle het dit aanvaar en werklik besef dat Ek van U af gekom het. En hulle het geglo dat U My gestuur het.

Johannes 18:20

Jesus antwoord hom toe: “Ek het openlik met die wêreld gepraat. Ek het altyd in die •sinagoge en op die tempelterrein, waar al die Jode saamkom, onderrig gegee, en Ek het niks in die geheim gesê nie.

Johannes 6:63

Dit is die Gees wat lewend maak; die vlees is van geen nut nie. Die woorde wat Ek tot julle gespreek het, is Gees en is lewe.

Johannes 6:68

Simon •Petrus het Hom geantwoord: “Here, na wie toe sal ons gaan? U het woorde van die ewige lewe.

Handelinge 11:14

Hy sal vir jou 'n boodskap meedeel waardeur jy verlos sal word – jy en jou hele huis.’

Handelinge 13:26

“Broers, kinders van Abraham se geslag, en die godvresendes onder julle, aan ons is die boodskap van hierdie verlossing gestuur.