Handelinge 4:27 - Die Bybel 2020-vertaling

²⁷ “Want inderdaad, in hierdie stad het hulle – Herodes en Pontius •Pilatus, saam met die heidennasies en die volke van Israel – saamgespan teen u heilige Dienskneg Jesus, wat U gesalf het

Bybel vir almal

²⁷ “Want dit is wat regtig in hierdie stad gebeur het. Koning Herodes en Pontius Pilatus het saam met die heidene en die volk Israel bymekaargekom teen u heilige Dienaar Jesus. U het Hom gesalf.

Afrikaans 1933-1953

²⁷ Want waarlik, Herodes en Pontius Pilatus het saam met heidene en die volke van Israel vergader teen u heilige Kind Jesus wat U gesalf het,

Afrikaans 1983

²⁷ “Dit is wat werklik in hierdie stad gebeur het. Herodes en Pontius Pilatus het met heidennasies en die volk Israel saamgespan teen u heilige Dienaar, Jesus, wat deur U gesalf is,

Contemporary Afrikaans Bible 2023

²⁷ Want waarlik teen u heilige Kind Jesus, wat U gesalf het, het Herodes sowel as Pontius Pilatus, saam met die heidene en die volk Israel, vergader,

Die Boodskap

²⁷ “Ons sien nou hoe Dawid se woorde hier in ons eie stad waar word. Nou die dag het Herodes en Pontius Pilatus die heidene en die Israeliete laat saamspan teen u eie Seun. Maar hulle het U nie onkant betrap nie.

Handelinge 4:27 Kruisverwysings

Job 14:4

Wie kan iets reins uit iets onreins laat voortkom? Niemand nie!

Job 15:14

Wat is 'n sterfling, dat hy volkome reg sou wees, dat hy gelyk sou hê – iemand gebore uit 'n vrou?

Job 25:4

Hoe kan 'n sterfling dan regverdig wees voor God? Hoe kan iemand uit 'n vrou gebore, rein wees?

Psalms 2:2

Die konings van die aarde neem stelling in en die heersers span saam teen die Here en sy gesalfde:

Psalms 2:6

“Ek self het my koning gesalf op Sion, my •heilige berg.”

Psalms 45:7

U troon, o goddelike wese, is vir altyd en altyd, die septer van u heerskappy is 'n regverdige septer.

Jesaja 37:26

“ ‘Het jy dit nie gehoor nie? In die verre verlede het Ek juis dit voorberei, in die voortyd het Ek dit beplan; nou laat Ek dit aanbreek – dat jy versterkte stede puinhope maak.

Jesaja 49:7

So sê die Here, die losser van Israel, sy Heilige, aan die sielsveragte, aan hom wat afstootlik is vir nasies, aan die dienaar van heersers: “Konings sal dit sien en opstaan, ja, vorste, en hulle sal diep neerbuig – ter wille van die Here, Hy wat getrou is, die Heilige van Israel, wat jou gekies het.”

Jesaja 53:3

Hy is verag, deur mense verlaat, 'n mens van smarte, bekend met siekte, soos iemand vir wie 'n mens jou gesig verberg. Hy is verag, en ons het hom nie geag nie.

Jesaja 61:1

Die Gees van my Heer, die Here is op my, omdat die Here my gesalf het. Hy het my gestuur om 'n goeie boodskap te bring aan magteloses, om dié met gebroke harte se wonde te verbind, om dié wat weggevoer is se vrylating aan te kondig en bevryding vir dié wat geboei is,

Matteus 14:1

In daardie tyd het Herodes, die tetrarg, die berigte omtrent Jesus gehoor.

Matteus 14:3

Herodes het Johannes immers gevange laat neem, hom laat boei en in die tronk laat sit, en dit vanweë Herodias, die vrou van sy broer Filippus.

Matteus 14:6

Tydens Herodes se verjaarsdagviering het die dogter van Herodias voor almal gedans, en sy het Herodes bekoor.

Matteus 21:28

“Wat dink julle? 'n Man het twee kinders gehad. Hy gaan toe na die eerste een en sê, ‘My kind, gaan werk vandag in die wingerd. ’

Matteus 23:37

“Jerusalem, Jerusalem, jy wat die profete doodmaak en dié stenig wat na jou gestuur is! Hoe dikwels wou Ek jou kinders bymekaarmaak soos 'n hen haar kuikens onder haar vlerke bymekaarmaak, maar julle wou nie.

Matteus 27:2

Hulle het Hom toe geboei, weggelei en aan •Pilatus, die prokurator, uitgelewer.

Markus 10:33

“Kyk, ons gaan op na Jerusalem, en die •Seun van die Mens sal aan die leierpriesters en skrifkenners oorgelewer word, en hulle sal Hom ter dood veroordeel en aan die heidene oorlewer.

Markus 15:31

Op dieselfde manier het ook die leierpriesters saam met die skrifkenners spottend vir mekaar gesê: “Ander het hy gered, homself kan hy nie red nie!

Lukas 1:35

Die engel het haar geantwoord: “Die Heilige Gees sal oor jou kom en die krag van die Allerhoogste sal jou oorskadu. Daarom sal die Kind wat gebore word, heilig wees; Hy sal •Seun van God genoem word.

Lukas 22:63

Die manne wat Hom gevange gehou het, was besig om die spot met Hom te dryf en Hom te slaan.

Lukas 23:1

Toe het die hele menigte opgestaan en Hom na •Pilatus gelei.

Lukas 4:18

“Die Gees van die Here is op My, omdat Hy My gesalf het om die goeie boodskap aan arm mense te verkondig. Hy het My gestuur om vir gevangenes aan te kondig dat hulle vrygelaat sal word, en vir blindes dat hulle weer sal sien, om onderdruktes te bevry,

Lukas 9:22

“want,” het Hy gesê, “die •Seun van die Mens moet baie ly, deur die familiehoofde, leierpriesters en die skrifkenners verwerp en doodgemaak en op die derde dag opgewek word.”

Johannes 1:11

Hy het gekom na wat syne was en tog het sy eie mense Hom nie aanvaar nie.

Johannes 10:36

hoe sê julle dan van Hom wat die Vader geheilig en na die wêreld gestuur het, ‘Jy laster,’ omdat Ek gesê het, ‘Ek is die •Seun van God’?

Johannes 18:28

Van Kajafas af het hulle Jesus na die pretorium geneem. Dit was vroegoggend. Hulle het nie self die pretorium binnegegaan nie, sodat hulle nie •onrein sou word nie, maar die Pasga sou kon eet.

Johannes 18:29

•Pilatus het uitgegaan na hulle toe en gevra: “Watter aanklag lê julle teen hierdie man?”

Johannes 19:34

Een van die soldate het egter met 'n spies in Jesus se sy gesteek, en onmiddellik het daar bloed en water uitgekom.

Handelinge 10:38

hoe God Jesus van Nasaret met die Heilige Gees en met krag gesalf het. Hy het die land deurreis, goed gedoen en almal wat onder die mag van die Duiwel was, genees, omdat God met Hom was.

Handelinge 2:27

want U sal my siel nie aan Hades oorlaat, en u Heilige nie ontbinding laat beleef nie.

Handelinge 4:30

deur u hand uit te strek tot genesing, en deurdat tekens en wonders deur die Naam van u heilige Dienskneg Jesus plaasvind.”

Hebreërs 7:26

So 'n hoëpriester was ook vir ons gepas: een wat heilig, onskuldig, onbevlek, afgesonder van die sondaars, en hoër as die hemele verhef is,