Handelinge 26:32 - Die Bybel 2020-vertaling

³² En Agrippa het vir Festus gesê: “Hierdie man kon vrygelaat gewees het as hy hom nie op die keiser beroep het nie. ”

Bybel vir almal

³² En Agrippa het vir Festus gesê: “Hierdie man het gesê dat die keiser hom moet oordeel. As hy dit nie gevra het nie, dan kon hy nou uit die tronk gekom het.”

Afrikaans 1933-1953

³² En Agríppa sê vir Festus: Hierdie man kon losgelaat gewees het as hy hom nie op die keiser beroep het nie.

Afrikaans 1983

³² Agrippa sê toe vir Festus: “Hierdie man kon vrygelaat gewees het as hy hom nie op die keiser beroep het nie.”

Contemporary Afrikaans Bible 2023

³² Toe sê Agrippa vir Festus: Hierdie man kon vrygelaat gewees het as hy hom nie op die keiser beroep het nie.

Die Boodskap

³² Agrippa het daarom vir Festus gesê: “Hierdie man kon vrygelaat gewees het as hy hom nie beroep het op sy reg om voor die keiser te verskyn nie.”

Handelinge 26:32 Kruisverwysings

Handelinge 24:27

Ná verloop van twee jaar is Feliks opgevolg deur Porcius Festus. Omdat Feliks die Jode 'n guns wou bewys, het hy Paulus in boeie agtergelaat.

Handelinge 25:25

Ek kon egter niks vind wat hy gedoen het om die dood te verdien nie, maar omdat hy hom op Sy Majesteit beroep het, het ek besluit om hom daarheen te stuur.

Handelinge 28:18

wat my verhoor het en wou vrylaat, omdat daar in my geval geen gronde was vir die doodstraf nie.

Handelinge 28:19

Omdat die Jode egter daarteen beswaar aangeteken het, is ek gedwing om my op die keiser te beroep – nie dat ek iets het om my volk van te beskuldig nie.

Handelinge 9:15

Maar die Here sê vir hom: “Gaan, want Ek het hom uitgekies as instrument om my Naam uit te dra na nasies en na konings en na Israel.