Handelinge 26:13 - Die Bybel 2020-vertaling

¹³ o koning, het ek langs die pad helder oordag 'n lig uit die hemel gesien, helderder as die son, wat om my en my reisgenote skyn.

Bybel vir almal

¹³ Ek was besig om na die stad Damaskus te gaan. Dit was omtrent twaalfuur die middag. Koning, toe het ek 'n lig gesien wat uit die hemel skyn. Die lig was baie helder, meer helder as die son. Die lig het op my geskyn, en ook op die mense wat saam met my geloop het.

Afrikaans 1933-1953

¹³ het ek, o koning, in die middel van die dag op die pad 'n lig uit die hemel gesien, sterker as die glans van die son, wat my en my reisgenote omstraal het.

Afrikaans 1983

¹³ het ek, U Majesteit, helder oordag langs die pad 'n lig gesien wat uit die hemel gekom het. Dit was helderder as die son en dit het op my en my reisgenote geskyn.

Contemporary Afrikaans Bible 2023

¹³ Teen die middag, o koning, het ek op die pad 'n lig uit die hemel gesien, bo die glans van die son, wat rondom my en die wat saam met my gereis het, skyn.

Die Boodskap

¹³ Geagte koning, hierdie lig uit die hemel was baie skerper as die son.

Handelinge 26:13 Kruisverwysings

Jesaja 24:23

Die volmaan sal verleë wees, die helder son sal beskaamd staan. Want die Here, Heerser oor alle magte, regeer op die berg Sion en in Jerusalem, en voor sy oudstes in heerlikheid.

Jesaja 30:26

Die lig van die volmaan sal wees soos die lig van die helder son, en die lig van die helder son sal sewevoudig wees, soos die lig van sewe dae, op die dag wanneer die Here die gebreekte plekke van sy volk verbind, en die wonde wat Hy toegedien het, genees.

Matteus 17:2

Voor hulle het Hy van gedaante verander: Sy gesig het gestraal soos die son, en sy klere het skitterend wit geword soos die lig.

Handelinge 22:6

“ Terwyl ek egter nog op pad was en Damaskus genader het, het daar teen die middaguur skielik 'n helder lig uit die hemel rondom my geskyn.

Handelinge 22:9

Die mense wat by my was, het wel die lig gesien, maar nie die stem gehoor van Hom wat met my gepraat het nie.

Handelinge 26:12

“Terwyl ek op 'n keer, in opdrag van die leierpriesters, en met hulle volmag, juis hiervoor na Damaskus op reis was,

Handelinge 26:14

Toe ons almal op die grond neerval, hoor ek 'n stem wat vir my in die Hebreeuse taal sê, ‘Saul, Saul, waarom vervolg jy My? Dit is vir jou swaar om teen die prikkels te skop.’

Handelinge 9:3

Terwyl hy onderweg was, en naby Damaskus kom, het 'n lig uit die hemel hom skielik omstraal,

Openbaring 1:16

In sy regterhand het hy sewe sterre gehou, uit sy mond het daar 'n skerp swaard met twee snykante gekom, en sy gesig was soos die son, wat in al sy felheid skyn.

Openbaring 21:23

Ook het die stad nie die son en die maan nodig om haar te verlig nie, want die heerlikheid van God het haar verlig, en die Lam is haar lamp.