Handelinge 24:16 - Die Bybel 2020-vertaling

¹⁶ Daarom doen ek self ook my uiterste bes om my gewete in alle opsigte skoon te hou voor God en die mense.

Bybel vir almal

¹⁶ Daarom probeer ek altyd baie hard om so te lewe dat ek kan weet en kan glo dat ek alles reg doen, soos God wil hê ek moet doen en soos mense wil hê ek moet doen.

Afrikaans 1933-1953

¹⁶ Daarom oefen ek my ook om altyd voor God en die mense 'n rein gewete te hê.

Afrikaans 1983

¹⁶ Daarom doen ek ook my uiterste bes om altyd 'n skoon gewete voor God en die mense te hê.

Contemporary Afrikaans Bible 2023

¹⁶ En hierin oefen ek myself om altyd 'n gewete sonder aanstoot te hê teenoor God en teenoor mense.

Die Boodskap

¹⁶ Ek probeer ook nie om ander mense aanstoot te gee deur wat ek sê en doen nie.

Handelinge 24:16 Kruisverwysings

Handelinge 23:1

Paulus het stip na die Sanhedrin gekyk en gesê: “Manne, broers, ek het tot op hierdie dag met 'n absoluut skoon gewete voor God geleef. ”

Romeine 2:15

Hulle wys duidelik dat die uitvoering van die wet in hulle harte geskryf staan, en hulle gewetens bevestig dit; en hulle teenstrydige gedagtes sal hulle soms aankla, en soms verontskuldig,

Romeine 9:1

Ek praat die waarheid in •Christus – ja, ek lieg nie – en my gewete, deur die werking van die Heilige Gees, getuig teenoor my

1 Korinthiërs 10:32

Julle moenie vir Jode of Grieke of die •gemeente van God 'n struikelblok wees nie.

1 Korinthiërs 4:4

Ek is nie bewus van enigiets teen my nie, maar dit beteken nie dat ek regverdig is nie. Hy wat my beoordeel, is die Here.

2 Korinthiërs 1:12

Ons roem is juis dit: die getuienis van ons gewete dat ons in die wêreld, en veral teenoor julle, opgetree het in opregtheid en met eerlikheid wat van God kom – ook nie deur menslike wysheid nie, maar deur die genade van God.

2 Korinthiërs 4:2

Ons het egter afstand gedoen van geheime skandelike dinge, en tree nie slinks op, of verdraai die Woord van God nie; maar deur die waarheid aan die lig te bring, beveel ons onsself voor God aan by die gewete van elke mens.

1 Thessalonisense 2:10

Julle is getuies, en ook God, hoe heilig en regverdig en onberispelik ons geword het vir julle wat glo.

1 Timoteus 1:19

met geloof en 'n goeie gewete – iets wat sommige mense versaak het, waardeur hulle geloof skipbreuk gely het.

1 Timoteus 1:5

Die doel van die opdrag is liefde uit 'n rein hart, 'n skoon gewete en 'n ongeveinsde geloof.

1 Timoteus 3:9

terwyl hulle met 'n skoon gewete aan die geheimenis van die geloof vashou.

2 Timoteus 1:3

Ek is dankbaar teenoor God, wat ek, soos my voorouers, met 'n skoon gewete dien, wanneer ek onophoudelik, bedags en snags, in my gebede aan jou dink.

Titus 1:15

Alles is rein vir dié wat rein is, maar vir die besoedeldes en ongelowiges is niks rein nie: sowel hulle denke as hulle gewete is besoedel.

Hebreërs 10:22

Laat ons daarom ingaan met 'n opregte hart, in volle geloofsekerheid, met ons harte besprinkel, vry van 'n slegte gewete, en ons liggame gewas met skoon water.

Hebreërs 13:18

Bid vir ons, want ons is oortuig dat ons 'n goeie gewete het, omdat ons in alles daarna streef om eerbaar te leef.

Hebreërs 9:14

hoeveel te meer sal die bloed van Christus, wat Homself deur die ewige Gees as vlekkelose offer aan God geoffer het, ons gewete reinig van dooie werke, sodat ons die lewende God kan dien?

1 Petrus 2:19

Dit is immers genade as iemand, omdat hy met God rekening hou, onregverdig lyding verduur.

1 Petrus 3:16

Doen dit egter met beskeidenheid en respek, met 'n goeie gewete, sodat, wanneer julle beswadder word, dié wat smalend is oor julle goeie leefwyse in Christus, beskaamd kan staan.

1 Petrus 3:21

Die doop, wat 'n teenbeeld hiervan is, red ook julle nou. Die doop dien nie as 'n verwydering van die vuilheid van die liggaam nie, maar as 'n smeekgebed tot God om 'n skoon gewete, op grond van die opstanding van Jesus Christus –