Handelinge 22:16 - Die Bybel 2020-vertaling

¹⁶ En nou, waarom aarsel jy nog? Staan op, laat jou doop en jou sondes afwas, terwyl jy sy Naam aanroep.’

Bybel vir almal

¹⁶ Jy moenie langer wag nie. Jy moet nou opstaan. Jy moet jou laat doop en jy moet bid tot Christus. Dan sal Hy jou sondes wegneem.’

Afrikaans 1933-1953

¹⁶ En nou, waarom versuim jy? Staan op, laat jou doop en jou sondes afwas, terwyl jy die Naam van die Here aanroep.

Afrikaans 1983

¹⁶ En nou, waarom nog wag? Kom, laat jou doop en jou sondes afwas nadat jy sy Naam aangeroep het.’

Contemporary Afrikaans Bible 2023

¹⁶ En nou, waarom vertoef jy? staan op en laat jou doop en was jou sondes af, terwyl jy die Naam van die Here aanroep.

Die Boodskap

¹⁶ Moenie langer tyd verspil nie. Staan gou op sodat jy gedoop kan word. Al jou sondes sal dan afgewas word omdat jy in die Here glo en sy Naam aanroep.’”

Handelinge 22:16 Kruisverwysings

Psalms 119:60

Ek het my gehaas en nie getalm om u bevele na te kom nie.

Psalms 51:2

Toe die profeet Natan na hom gegaan het nadat hy met Batseba omgang gehad het.

Jeremia 8:14

“ Waarom bly ons nog sit? Kom byeen! Laat ons in die versterkte stede ingaan, en daar omkom. Ja, die Here ons God laat ons omkom. Hy gee ons giftige water om te drink, omdat ons gesondig het teen die Here.

Johannes 13:8

Petrus sê toe vir Hom: “U sal beslis nie my voete was nie – tot in ewigheid nie!” Jesus het hom geantwoord: “As Ek jou nie was nie, het jy nie deel aan My nie.”

Handelinge 2:21

Dan sal elkeen wat die Naam van die Here aanroep, verlos word.’

Handelinge 2:38

Petrus antwoord hulle: “Bekeer julle, en laat elkeen van julle in die Naam van Jesus Christus tot vergewing van julle sondes gedoop word, en julle sal die Heilige Gees as gawe ontvang.

Handelinge 7:59

En hulle het Stefanus gestenig, terwyl hy uitroep: “Here Jesus, ontvang my gees!”

Handelinge 9:14

En hier het hy volmag van die leierpriesters om almal wat u Naam aanroep, in boeie te slaan.”

Handelinge 9:18

En dadelik het daar iets soos skille van sy oë afgeval. Hy kon weer sien en het opgestaan en is gedoop.

1 Korinthiërs 1:2

aan die •gemeente van God in Korinthe, wat in Christus Jesus geheilig is deur God – geroepe heiliges, saam met almal wat op elke plek die Naam van ons Here Jesus Christus aanroep, hulle Here en ons Here:

1 Korinthiërs 12:13

En ons is tog álmal deur die een Gees in een liggaam in gedoop – Jode of Grieke, slawe of vrymense – en ons is almal met een Gees deurdrenk.

1 Korinthiërs 6:11

So was sommige van julle ook, maar julle het julle laat was, julle is geheilig, en julle is vrygespreek in die Naam van die Here Jesus •Christus en deur die Gees van ons God.

Galasiërs 3:27

want julle wat in Christus gedoop is, het Christus soos 'n kleed aangetrek.

Efesiërs 5:26

sodat Hy haar kon heilig, deurdat Hy haar gereinig het deur die was met water en die woord.

Titus 3:5

het Hy ons verlos – nie op grond van werke wat ons uit •geregtigheid gedoen het nie, maar op grond van sy ontferming – by wyse van die afwassing deur die weergeboorte en vernuwing deur die Heilige Gees,

Hebreërs 10:22

Laat ons daarom ingaan met 'n opregte hart, in volle geloofsekerheid, met ons harte besprinkel, vry van 'n slegte gewete, en ons liggame gewas met skoon water.

1 Petrus 3:21

Die doop, wat 'n teenbeeld hiervan is, red ook julle nou. Die doop dien nie as 'n verwydering van die vuilheid van die liggaam nie, maar as 'n smeekgebed tot God om 'n skoon gewete, op grond van die opstanding van Jesus Christus –