Handelinge 21:7 - Die Bybel 2020-vertaling

⁷ Ons het ons reis van Tirus beëindig met ons aankoms by Ptolemaïs. Daar het ons die broers gaan groet en 'n dag lank by hulle oorgebly.

Bybel vir almal

⁷ Ons het van Tirus verder met die skip geseil en ons het by die stad Ptolemaïs gekom. Ons het die gelowiges daar gegroet en ons het een dag lank by hulle gebly.

Afrikaans 1933-1953

⁷ Maar ons het die seereis van Tirus af voltooi en by Ptolemáis gekom; en ons het die broeders gegroet en een dag by hulle gebly.

Afrikaans 1983

⁷ Van Tirus af het ons die seereis voortgesit na Ptolemaïs toe. Daar het ons die gelowiges gegroet en 'n dag by hulle gebly.

Contemporary Afrikaans Bible 2023

⁷ En toe ons ons weg van Tirus af voltooi het, het ons by Ptolemais gekom en die broers gegroet en eendag by hulle gebly.

Die Boodskap

⁷ Ons het van Tirus af na Ptolemaïs gevaar. Daar het ons die gemeente besoek. Hulle het gereël dat ons sommer ook daar by hulle oorslaap.

Handelinge 21:7 Kruisverwysings

Matteus 5:47

En as julle slegs julle broers groet, wat doen julle meer? Maak die heidene nie ook maar so nie?

Handelinge 1:15

In daardie dae het •Petrus tussen die broers opgestaan – daar was ongeveer honderd-en-twintig mense bymekaar – en gesê:

Handelinge 12:20

Herodes was woedend vir die mense van Tirus en Sidon. Hulle het egter almal saam na hom gekom, en nadat hulle Blastus, wat toesig gehad het oor die koninklike slaapkamers, oorgehaal het, het hulle om vrede gevra, omdat die gebied waar hulle voedsel vandaan gekom het, afhanklik van die koning s'n was.

Handelinge 18:22

Nadat hy in Caesarea geland het, het hy die •gemeente gaan groet en toe na Antiogië vertrek.

Handelinge 21:10

Terwyl ons 'n hele paar dae daar oorgebly het, het 'n sekere profeet met die naam Agabus uit Judea daar aangekom.

Handelinge 21:17

Met ons aankoms in Jerusalem het die broers ons hartlik ontvang.

Handelinge 21:19

Nadat Paulus hulle gegroet het, het hy in besonderhede vertel wat God deur sy bediening onder die heidene gedoen het.

Handelinge 21:3

Ons het binne sig van Ciprus gekom, maar dit aan ons linkerkant gelaat in ons verbyvaart na Sirië, en by Tirus aan wal gegaan, omdat die skip se vrag daar afgelaai sou word.

Handelinge 25:13

Ná verloop van 'n paar dae het koning Agrippa en Bernice in Caesarea aangekom om aan Festus 'n beleefdheidsbesoek te bring.

Handelinge 28:12

En nadat ons in Sirakuse anker gegooi het, het ons drie dae daar oorgebly;

Hebreërs 13:24

Groet al julle leiers en al die •heiliges. Dié wat van Italië is, groet julle.

1 Samuel 10:4

Hulle sal vra hoe dit met jou gaan en vir jou twee brode gee. Jy moet dit uit hulle hand aanvaar.

1 Samuel 13:10

En toe, net toe hy die brandoffer gebring het – daar kom Samuel aan! Saul het uitgegaan om hom te ontmoet en om hom te groet.