Handelinge 2:36 - Die Bybel 2020-vertaling

³⁶ “Laat die hele huis van Israel dan vir seker weet dat God Hom Here en Christus gemaak het – hierdie Jesus wat julle gekruisig het.”

Bybel vir almal

³⁶ “Die hele Israel moet nou weet, en dit is seker: Julle het vir Jesus gekruisig, maar God het gesê dieselfde Jesus moet die Here en die Christus wees.”

Afrikaans 1933-1953

³⁶ Laat dan die hele huis van Israel sekerlik weet dat God Hom Here en Christus gemaak het, hierdie Jesus wat julle gekruisig het.

Afrikaans 1983

³⁶ “Die hele Israel moet nou vas en seker weet: God het hierdie Jesus, wat julle gekruisig het, Here en Christus gemaak!”

Contemporary Afrikaans Bible 2023

³⁶ Laat die hele huis van Israel dan verseker weet dat God daardie selfde Jesus wat julle gekruisig het, Here sowel as Christus gemaak het.

Die Boodskap

³⁶ “Almal in Israel moet vandag een ding besef: hierdie Jesus wat julle aan die kruis vasgespyker het, is nou deur God as die Here en die Messias aangestel. Hy heers nou oor almal in die hemel en op die aarde. Net Hy kan ons red.”

Handelinge 2:36 Kruisverwysings

Jeremia 2:4

Hoor die woord van die Here, huis van Jakob, en al die familiegroepe van die huis van Israel!

Jeremia 31:31

“ ‘Kyk, daar kom dae,” is die uitspraak van die Here, “dat Ek met die huis van Israel en die huis van Juda 'n nuwe verbond sal sluit.

Jeremia 33:14

“ ‘Kyk, daar kom dae,’ is die uitspraak van die Here, ‘wanneer Ek die goeie belofte wat Ek oor die huis van Israel en die huis van Juda uitgespreek het, gestand sal doen.

Jeremia 9:26

van Egipte, Juda, Edom, die Ammoniete, en Moabiete, van al die woestynbewoners wat hulle slape skoonskeer. Want al dié nasies is eintlik onbesnede; maar die hele huis van Israel is onbesnede van hart.”

Esegiël 34:30

Hulle sal besef dat Ek, die Here hulle God, by hulle is, en dat hulle, die huis van Israel, my volk is.” Dit is die uitspraak van my Heer, die Here:

Esegiël 36:22

“Daarom, sê vir die huis van Israel, ‘So sê my Heer, die Here: “Nie ter wille van julle doen Ek dit nie, huis van Israel, maar slegs ter wille van my heilige Naam, wat julle ontheilig het onder die nasies waarheen julle gegaan het.

Esegiël 36:32

Nie ter wille van julle doen Ek dit nie,” is die uitspraak van my Heer, die Here. “Dit moet vir julle duidelik wees! Wees verleë en skaam julle oor julle optrede, huis van Israel!”

Esegiël 45:6

As eiendom van die stad moet julle 'n gebied van vyfduisend el breed en vyf-en-twintigduisend el lank eenkant hou, direk langs die heilige wydingsgeskenk. Vir die hele huis van Israel moet dit beskikbaar wees.

Sagaria 13:1

“ Op daardie dag sal 'n fontein oopgemaak word waar die huis van Dawid en die inwoners van Jerusalem hulle sondes en •onreinheid kan afwas.

Lukas 2:11

Vandag is daar vir julle in die stad van Dawid as Verlosser gebore, Christus die Here.

Handelinge 2:35

totdat Ek jou vyande 'n voetbank vir jou voete gemaak het.’

Handelinge 5:28

“Het ons julle nie ten strengste verbied om in hierdie Naam te leer nie? En kyk, julle het julle leer deur die hele Jerusalem versprei; en julle wil die bloed van hierdie man op ons bring. ”

2 Korinthiërs 5:10

Want ons moet almal voor die regterstoel van •Christus verskyn, sodat elkeen kan ontvang volgens wat hy in sy liggaamlike bestaan gedoen het, of dit goed of kwaad was.