Handelinge 17:18 - Die Bybel 2020-vertaling

¹⁸ Sommige van die Epikuriese en Stoïsynse filosowe het ook met hom gedebatteer, en party van hulle het gesê: “Wat sou hierdie praatjiesmaker tog wil sê?” En omdat hy Jesus en die opstanding verkondig het, het ander van hulle weer opgemerk: “Dit lyk of hy 'n verkondiger van vreemde gode is.”

Bybel vir almal

¹⁸ Party filosowe, Epikureërs en Stoïsyne, het met Paulus gestry. Party van hulle het gesê: “Hierdie man is 'n grootmond, hy spog baie. Wat wil hy vir ons leer?” Ander mense het gesê: “Ons dink hy is 'n boodskapper van gode wat ons nie ken nie.” Hulle het dit gesê omdat Paulus vir die mense vertel het van die goeie boodskap van Jesus en dat God mense weer sal laat lewe.

Afrikaans 1933-1953

¹⁸ En sommige van die Epikuréïese en die Stoïsynse wysgere het met hom gestry, en sommige het gesê: Wat sou hierdie praatjiesmaker tog wil sê? Ander weer: Dit lyk of hy 'n verkondiger is van vreemde gode — omdat hy aan hulle die evangelie van Jesus en die opstanding verkondig het.

Afrikaans 1983

¹⁸ 'n Paar wysgere, Epikureërs en Stoïsyne, het met hom gestry. Party het gesê: “Wat sou hierdie praatjiesmaker tog wil sê?” Ander het gesê: “Dit lyk of hy 'n boodskapper van vreemde gode is.” Dit was omdat Paulus die evangelie van Jesus en sy opstanding verkondig het.

Contemporary Afrikaans Bible 2023

¹⁸ Toe het sekere filosowe van die Epikureërs en van die Stoïke hom teëgekom. En sommige het gesê: Wat sal hierdie brabbelaar sê? ander, dit lyk of Hy 'n opsteller van vreemde gode is, omdat Hy aan hulle Jesus en die opstanding verkondig het.

Die Boodskap

¹⁸ ’n Groep persone wat die filosofiese beskouings van die Epikureërs en die Stoïsyne aangehang het, het met Paulus begin stry. Party van hulle het hom sommer openlik beledig: “Watse nonsens is dit wat hierdie man kwytraak? Hy het nie ’n idee wat hy sê met al die stories wat hy vertel nie!” Ander was egter nuuskierig toe hulle hoor hoe hy oor Jesus en sy opstanding uit die dood praat. “Hier is ’n nuwe godsdiens waarvan ons meer moet hoor,” het hulle vir mekaar gesê.

Handelinge 17:18 Kruisverwysings

Spreuke 23:9

Moenie direk met 'n dwaas praat nie, want jou verstandige woorde sal hy met minagting bejeën.

Spreuke 26:12

Sien jy 'n mens wat wys is in sy eie oë? Daar is meer hoop vir 'n dwaas as vir hom.

Markus 9:14

Toe hulle by die dissipels kom, sien hulle 'n groot skare rondom hulle, en skrifkenners wat met hulle redeneer.

Lukas 11:53

Nadat Hy daarvandaan vertrek het, het die skrifkenners en die Fariseërs erg vyandiggesind teenoor Hom geraak, Hom oor baie onderwerpe uitgelok

Handelinge 26:23

naamlik dat die Christus moes ly, en die eerste uit die opstanding van die dooies moes wees, om aan sy volk en aan die heidene die lig te verkondig.”

Handelinge 4:2

hewig ontsteld omdat hulle die volk onderrig en in Jesus die opstanding uit die dood verkondig.

Handelinge 5:42

Boonop het hulle nie opgehou om elke dag op die tempelterrein en van huis tot huis onderrig te gee nie, en ook nie om die evangelie te verkondig dat Jesus die Christus is nie.

Handelinge 6:9

Sommige van die Sinagoge van die Libertyne, soos dit bekend gestaan het, Sireneërs en Aleksandryne, asook sommige mense uit Silisië en Asië, het na vore getree en met Stefanus geredeneer;

Romeine 1:22

Alhoewel hulle beweer dat hulle wys is, het hulle dwaas geword.

1 Korinthiërs 3:18

Laat niemand homself bedrieg nie. As iemand onder julle in hierdie wêreld meen dat hy wys is, laat hy dwaas word, sodat hy wys kan word;

1 Korinthiërs 4:10

Ons is dwaas ter wille van Christus, maar julle is verstandig in Christus; ons is swak, maar julle sterk; julle geëerd, maar ons sonder eer.

Kolossense 2:8

Pasop dat niemand julle meevoer deur 'n filosofie en leë bedrieëry, wat gegrond is op menslike tradisie en teorieë oor die kosmiese elemente, en nie op •Christus nie.