Handelinge 17:11 - Die Bybel 2020-vertaling

¹¹ Die mense daar was meer welwillend as dié in Thessalonika. Hulle het die boodskap baie geesdriftig ontvang en die Skrifte daagliks bestudeer om vas te stel of dit so is.

Bybel vir almal

¹¹ Hierdie Jode was anders as die Jode in Tessalonika, hulle wou graag leer en hulle het baie graag geluister na wat Paulus en sy vriende vertel het. Hulle het elke dag die Ou Testament baie goed gelees om te kyk of die dinge waar is wat Paulus en sy vriende vertel het.

Afrikaans 1933-1953

¹¹ En hierdie mense was edelmoediger as dié in Thessaloníka; hulle het die woord met alle welwillendheid ontvang en elke dag die Skrifte ondersoek of hierdie dinge so was.

Afrikaans 1983

¹¹ Die mense daar was ontvankliker as dié in Tessalonika. Hulle het met groot belangstelling na die woord geluister en elke dag die Skrif ondersoek om te sien of dit is soos Paulus sê.

Contemporary Afrikaans Bible 2023

¹¹ Hulle was edelmoediger as dié in Tessalonika, deurdat hulle die woord met alle welwillendheid aangeneem het en daagliks die Skrifte ondersoek het of hierdie dinge so was.

Die Boodskap

¹¹ Daar het hulle na die Joodse sinagoge gegaan en begin preek.

Handelinge 17:11 Kruisverwysings

Job 23:12

Die opdrag van sy lippe – daaraan het ek my nie onttrek nie; in die vou van my kleed het ek die woorde uit sy mond in bewaring gehou.

Psalms 119:100

Ek het meer insig as oumense, want by u opdragte hou ek.

Psalms 119:148

Met oop oë gaan ek elke nagwaak in, sodat ek oor u woord kan nadink.

Psalms 119:97

Hoe lief het ek u wet – die hele dag dink ek daaroor na.

Spreuke 1:5

– 'n wyse sal luister en geleerdheid vermeerder, en 'n verstandige sal leierskap verwerf –

Spreuke 8:10

Aanvaar my vermaning, en nie silwer nie, aanvaar kennis eerder as goud.”

Spreuke 9:9

Gee aan 'n wyse, en hy word nog wyser; deel kennis mee aan 'n regverdige, en sy geleerdheid neem toe.

Jesaja 34:16

Gaan dit na in die boekrol van die Here, en lees: Nie een van hulle ontbreek nie, nie een sal haar maat mis nie; want die mond van die Here het dit beveel, en sy Gees, Hy maak hulle bymekaar.

Jesaja 8:20

moet julle antwoord: “Gaan na die onderrig en die getuienis!” Hulle moet beslis antwoord volgens hierdie uitspraak, waarteen geen beswering bestand is nie.

Jeremia 2:21

Ek self het jou geplant as 'n keurdruif, 'n egte, edel wortelstok. Hoe kon jy dan verander in wilde druiwe, in 'n vreemde wingerdstok!

Matteus 13:23

Die saad wat egter op die goeie grond gesaai is, dit is hy wat hierdie woord hoor en begryp. En hy dra vrug – die een honderd-, die ander sestig-, en die ander dertigvoudig.”

Lukas 1:2

soos die mense wat van die begin af ooggetuies en dienaars van die Woord was, dit aan ons oorgelewer het.

Lukas 11:3

Gee ons elke dag ons daaglikse brood

Lukas 16:29

Maar Abraham sê, ‘Hulle het Moses en die Profete. Laat hulle na dié luister.’

Lukas 24:44

Daarna het Hy vir hulle gesê: “Dit was my woorde wat Ek tot julle gerig het toe Ek nog saam met julle was, dat alles wat in die •Wet van Moses en die Profete en die Psalms oor My geskryf is, vervul moet word. ”

Johannes 3:21

Maar wie volgens die waarheid leef, kom na die lig, sodat sy dade bekend kan word, dat hulle in God gedoen is.

Johannes 5:39

Julle ondersoek die Skrifte, omdat julle dink dat die ewige lewe daarin te vinde is. En dit is juis hulle wat oor My getuig.

Handelinge 10:33

Ek het toe onmiddellik mense na u gestuur, en dit is goed dat u gekom het. Hier is ons nou almal in die teenwoordigheid van God aanwesig om alles te hoor wat deur die Here aan u opgedra is.”

Handelinge 11:1

Die •apostels en die broers dwarsdeur Judea het gehoor dat ook die heidene die woord van God aanvaar het.

Handelinge 17:1

Paulus en Silas het deur Amfipolis en Apollonië gereis en in Thessalonika gekom, waar daar 'n Joodse •sinagoge was.

Handelinge 2:41

Diegene wat sy boodskap aangeneem het, is gedoop, en op daardie dag is ongeveer drieduisend mense toegevoeg.

Deuteronomium 29:29

“Wat verborge is, is die Here, ons God, se saak; wat geopenbaar is, is altyd vir ons en ons kinders van belang, sodat ons die woorde van hierdie wet kan uitvoer.”

1 Thessalonisense 1:6

En julle het ons voorbeeld gevolg en dié van die Here, nadat julle die woord, ten spyte van groot verdrukking, met blydskap van die Heilige Gees ontvang het,

1 Thessalonisense 2:13

En daarom dank ons God onophoudelik dat julle, nadat julle die woord van God van ons ontvang het, dit nie as 'n woord van mense aanvaar het nie, maar waarlik as die Woord van God – dié Woord wat werksaam is in julle wat glo.

2 Thessalonisense 2:10

en met elke vorm van goddelose misleiding vir hulle wat verlore gaan, omdat hulle nie die liefde vir die waarheid aanvaar het om verlos te kan word nie.

Jakobus 1:21

Doen daarom in sagmoedigheid afstand van alle morele besoedeling en die kwaad wat gedy, en ontvang die woord wat in julle geplant is, en daartoe in staat is om julle •siele te verlos.

1 Petrus 2:2

en smag soos pasgebore babatjies na die suiwer geestelike melk, sodat julle daardeur kan groei, met die oog op julle verlossing,