Handelinge 12:10 - Die Bybel 2020-vertaling

¹⁰ Maar toe hulle by die eerste en die tweede wag verby was, het hulle gekom by die ysterpoort wat na die stad lei, en dit het vanself vir hulle oopgegaan. Toe hulle buitekant kom en een straat verder gestap het, het die engel hom meteens verlaat.

Bybel vir almal

¹⁰ Hulle het verby die eerste en die tweede plek gegaan waar die wagte gestaan het, en toe kom hulle by die ysterhek waardeur 'n mens na die stad gaan. Die hek het self oopgegaan vir hulle. Hulle het uitgegaan en hulle het in 'n smal straatjie geloop, en toe het die engel skielik weggegaan van Petrus.

Afrikaans 1933-1953

¹⁰ En toe hulle by die eerste en die tweede wag verbygegaan het, kom hulle by die ysterpoort wat na die stad lei, en dit het vanself vir hulle oopgegaan. En hulle het buitekant gekom en een straat ver gegaan, en dadelik het die engel hom verlaat.

Afrikaans 1983

¹⁰ Hulle is by die eerste wag verby en ook by die tweede, en toe hulle by die ysterdeur kom wat na die stad toe lei, het dit vanself vir hulle oopgegaan. Toe hulle buite kom en 'n ent met die straat af was, het die engel vir Petrus skielik verlaat.

Contemporary Afrikaans Bible 2023

¹⁰ Toe hulle verby die eerste en die tweede afdeling was, het hulle by die ysterpoort gekom wat na die stad lei; en hulle het uitgegaan en deur een straat gegaan; en dadelik het die engel van hom gewyk.

Die Boodskap

¹⁰ Die engel en Petrus het saam buitetoe gestap. ’n Straatblok van die tronk af het die engel skielik verdwyn. Petrus het toe eers besef dat hy nie besig was om te droom nie. Opgewonde het hy vir homself gesê:

Handelinge 12:10 Kruisverwysings

Genesis 40:3

Hy het hulle onder bewaking gestel in die huis van die hoof van die lyfwag, by die gevangenis, die plek waar Josef gevange gehou is.

Genesis 42:17

Hy het hulle toe drie dae lank onder bewaking gehou.

Jesaja 21:8

Die een wat op die uitkyk was, roep toe: “Op my uitkykpos, my Heer, staan ek heeldag lank, op my wagpos neem ek stelling in, nag vir nag.

Numeri 15:34

Hulle het hom onder bewaking gehou, omdat dit nie duidelik was wat met hom gedoen moet word nie.

Johannes 20:19

Dit was al laat die aand op daardie eerste dag van die week. Die deure waar die dissipels vergader het, was gesluit uit vrees vir die Jode. Jesus het toe gekom en tussen hulle gaan staan en vir hulle gesê: “Vrede vir julle!”

Johannes 20:26

Agt dae later was sy dissipels weer binne, en Thomas saam met hulle. Terwyl die deure gesluit was, het Jesus gekom en in hulle midde gaan staan en gesê: “Vrede vir julle!”

Handelinge 12:4

Nadat hy hom laat arresteer het, het hy hom in die tronk laat gooi en oorgegee aan vier afdelings van vier soldate elk, met die bedoeling om hom ná die Pasga voor die volk te bring.

Handelinge 16:26

Skielik was daar 'n hewige aardbewing, sodat die fondamente van die tronk geskud het. Al die deure het onmiddellik oopgegaan, en almal se boeie het losgegaan.

Handelinge 5:19

Maar 'n engel van die Here het in die nag die tronkdeure oopgemaak, hulle uitgelei en gesê:

Openbaring 3:7

“Skryf ook aan die boodskapper van die •gemeente in Filadelfia: “Dit sê die Heilige, die Ware, wat die sleutel van Dawid hou, wat oopmaak, en niemand sal dit toesluit nie, wat toesluit, en niemand sal dit oopmaak nie.