Genesis 8:1 - Die Bybel 2020-vertaling

¹ God het aan Noag gedink, ook aan al die wilde en mak diere wat saam met hom in die ark was. Toe het God 'n wind oor die aarde laat waai, en die waters het tot rus gekom.

Bybel vir almal

¹ God het gedink aan Noag en die diere wat saam met hom in die ark was. God het 'n wind oor die aarde laat waai. Die water het minder geword en begin sak.

Afrikaans 1933-1953

¹ EN God het gedink aan Noag en aan al die wilde diere en al die vee wat saam met hom in die ark was; en God het 'n wind oor die aarde laat waai, sodat die waters gesak het.

Afrikaans 1983

¹ Toe het God gedink aan Noag en aan al die wilde diere en die mak diere wat by hom in die ark was, en God het 'n wind oor die aarde laat waai, en die waters het teruggetrek.

Contemporary Afrikaans Bible 2023

¹ God het aan Noag gedink en aan al die lewende wesens en aan al die vee wat saam met hom in die ark was;

Die Boodskap

¹ God het aan Noag en sy mense in die ark gedink, ook aan al die diere saam met hom. God het toe ’n sterk wind oor die watermassa gestuur en die watervlak het stadig maar seker begin sak.

Genesis 8:1 Kruisverwysings

Genesis 19:29

Toe God die stede van die Jordaanstreek verdelg het, het God aan Abraham gedink, en Lot weggestuur uit die verwoesting, toe Hy die stede waarin Lot gewoon het, verwoes het.

Genesis 30:22

God het ook aan Ragel gedink. God het haar verhoor en haar moederskoot oopgemaak.

Genesis 9:10

en met alle lewende wesens wat by julle is – voëls, mak diere, al die wilde diere van die aarde by julle – met alles wat uit die ark uitgegaan het, naamlik al die diere op die aarde.

Nehemia 13:14

Dink hieroor aan my, my God, en moet tog nie my troue liefdesdiens uitwis wat ek in die huis van my God, en vir die diensbeurte daarvan, gedoen het nie.

Nehemia 13:22

Ek het toe vir die Leviete gesê dat hulle hulleself telkens moet reinig en die poorte moet kom bewaak, om sodoende die Sabbatdag heilig te hou. Ook hieroor, my God, moet U tog aan my dink en besorg oor my wees, ooreenkomstig u oorvloedige troue liefde.

Nehemia 13:29

Onthou hulle, my God, oor die besoedeling van die priesterskap en van die verbond van die priesterskap en die Leviete.

Nehemia 13:31

en vir die lewering van hout op vasgestelde tye, en vir die lewering van die eerste vrugte. Dink aan my, my God, tot my voordeel.

Job 12:15

Kyk, as Hy water terughou, droog dit op; laat Hy die water vry, verwoes dit die land.

Job 14:13

“As U my maar in die •doderyk wou wegsteek, my verberg totdat u toorn bedaar het, 'n vasgestelde tyd vir my bepaal, en my dan onthou!

Psalms 105:42

Ja, Hy het sy •heilige belofte aan Abraham, sy dienskneg, onthou.

Psalms 106:4

Dink aan my, Here, uit welwillendheid teenoor u volk; sien om na my tydens u verlossing,

Psalms 115:12

Die Here dink aan ons. Hy sal seën: Hy sal die huis van Israel seën; Hy sal die huis van Aäron seën;

Psalms 132:1

'n •Pelgrimslied. Dink tog, Here, aan Dawid, aan al sy opofferings,

Psalms 136:23

Hy wat in ons vernedering aan ons gedink het – want vir ewig duur sy troue liefde –

Psalms 137:7

Here, onthou die Edomiete oor die dag van Jerusalem, hulle wat gesê het: “Stroop, stroop haar tot op die fondamente!”

Psalms 29:10

Die Here troon oor die vloed, ja, die Here troon as koning vir ewig.

Psalms 36:6

Here, tot aan die hemel reik u troue liefde, u getrouheid tot aan die wolke.

Eksodus 14:21

Moses het sy hand oor die see uitgestrek, en die Here het met 'n sterk oostewind, wat die hele nag lank gewaai het, die see laat terugtrek. Hy het die see droë grond gemaak; die water is oopgekloof.

Eksodus 15:10

U het met u asem geblaas, die see het hulle verswelg; soos lood het hulle gesink in die magtige waters.

Eksodus 2:24

God het hulle gekreun gehoor, en God het gedink aan sy verbond met Abraham, met Isak en met Jakob.

Spreuke 25:23

Die noordewind bring reën, en 'n tong wat skinder, verontwaardigde gesigte.

Jesaja 44:27

die Een wat vir die diepsee sê, ‘Word droog! Jou seestrome gaan Ek drooglê,’

Jeremia 50:38

Trek die swaard teen haar waters! Dit moet opdroog! Want dit is 'n land van afgodsbeelde; en deur dié drogbeelde raak hulle waansinnig.

Amos 8:7

Die Here het gesweer by die trots van Jakob: “Ek sal al hulle dade in ewigheid nie vergeet nie.

Jona 4:11

Maar Ek, Ek mag nie besorg wees oor Nineve nie, die groot stad waarin daar meer as honderd-en-twintigduisend mense is wat die verskil tussen regs en links nie ken nie, en ook nog baie diere? ”

Nahum 1:4

Hy berispe die see en laat dit opdroog; al die riviere laat Hy wegdroog. Basan en Karmel verdor, die bloeisels van Libanon verwelk.

Habakuk 3:2

Here, toe ek van u roem gehoor het, is ek met ontsag vervul. U dade, Here, maak dit 'n werklikheid in hierdie tye; laat dit in hierdie tye bekend word. Onthou om barmhartig te wees te midde van ontsteltenis.

Sagaria 10:11

Hulle sal in benoudheid deur die see trek, en Hy sal die golwe in die see verslaan. Al die dieptes van die Nyl sal opdroog. Die trots van Assirië sal tot 'n val gebring word, en die heerskappy van Egipte tot 'n einde kom.

Numeri 10:9

“ As julle in julle land in 'n geveg betrokke raak teen 'n teenstander wat julle aanval, moet julle met die trompette 'n waarskuwingsein blaas. Dan sal julle in herinnering gebring word voor die Here, julle God, en julle sal van julle vyande verlos word.

Numeri 22:32

Die Engel van die Here het hom gevra: “Waarom het jy jou donkie nou drie maal geslaan? Kyk, Ek het self na vore getree as 'n teenstander, want die pad wat voorlê, is steil.

Openbaring 16:19

Die groot stad het in drie dele uitmekaar geval, en die stede van die nasies het ineengetuimel. God het aan Babilon, die magtige, gedink deur aan haar die beker wyn van die gramskap van sy toorn te gee.

Openbaring 18:5

Haar sonde het opgehoop tot aan die hemel, en God het haar onregverdige dade onthou.

1 Samuel 1:19

Hulle het vroeg die volgende môre opgestaan, voor die Here in aanbidding gebuig, en weer na hulle huis in Rama gegaan. Elkana het met sy vrou Hanna gemeenskap gehad, en die Here het aan haar gedink.