Genesis 48:5 - Die Bybel 2020-vertaling

⁵ “ Daarom sal jou twee seuns wat vir jou in Egipteland gebore is voordat ek na jou in Egipte gekom het, my eie wees. Efraim en Manasse sal soos Ruben en Simeon vir my wees.

Bybel vir almal

⁵ “Jy het twee seuns wat in Egipte gebore is voordat ek hier na jou toe gekom het. Hulle is Efraim en Manasse. Hulle is vir my soos my eie twee seuns, Ruben en Simeon.

Afrikaans 1933-1953

⁵ Nou dan, jou twee seuns wat vir jou in Egipteland gebore is voordat ek in Egipte na jou gekom het, is myne. Efraim en Manasse sal myne wees net soos Ruben en Símeon.

Afrikaans 1983

⁵ Jou twee seuns wat hier in Egipte vir jou gebore is voordat ek hier na jou toe gekom het, Efraim en Manasse, is vir my soos my eie, soos Ruben en Simeon is hulle vir my.

Contemporary Afrikaans Bible 2023

⁵ En nou is jou twee seuns, Efraim en Manasse, wat vir jou in Egipteland gebore is voordat Ek na jou in Egipte gekom het, myne; soos Ruben en Símeon, hulle sal myne wees.

Die Boodskap

⁵ Hierdie twee seuns van jou, Efraim en Manasse, wat in Egipte gebore is lank voordat ek hier aangekom het, sal soos my eie kinders wees. Net soos Ruben en Simeon my eie kinders is, sal jou twee seuns ook myne wees.

Genesis 48:5 Kruisverwysings

Genesis 46:20

Vir Josef is Manasse en Efraim in Egipte gebore, hulle wat Asenat, dogter van Poti-Fera, priester van On, vir hom in die wêreld gebring het.

Genesis 48:1

Ná hierdie gebeure is daar vir Josef gesê: “Kyk, u vader is siek.” Hy het toe sy twee seuns, Manasse en Efraim, saam met hom geneem.

Genesis 48:6

Jou ander nakomelinge, wat jy ná hulle verwek, sal egter joune wees. Hulle sal by die name van hulle broers genoem word wat hulle erfdeel betref.

Psalms 77:16

U het u volk met die krag van u arm losgekoop – die kinders van Jakob en Josef. Sela

Jesaja 43:1

“Maar nou,” so sê die Here, jou Skepper, Jakob, die Een wat jou gevorm het, Israel, “moenie bang wees nie, want Ek het jou losgekoop, Ek het jou op jou naam geroep – aan My behoort jy.

Esegiël 16:8

“ ‘ “Ek het weer by jou verbygegaan, jou raakgesien, en kyk, jou tyd vir die liefdespel het aangebreek! Ek het die soom van my kleed oor jou gesprei, jou naaktheid bedek. Ek het vir jou 'n eed afgelê, My in 'n verbond met jou begewe, ” is die uitspraak van my Heer, die Here: “en jy het Myne geword.

Esegiël 47:13

So sê my Heer, die Here: “Dit is die grense waarbinne julle die land moet vererf aan die twaalf stamme van Israel. Josef kry twee afgemete dele.

Levitikus 20:26

Julle moet vir My heilig wees, want Ek, die Here, is heilig en Ek het julle van die volke afgesonder om aan My te behoort.

Maleagi 3:17

“Hulle sal aan My behoort,” sê die Here, Heerser oor alle magte, “hulle sal my persoonlike eiendom wees op die dag wat Ek voorberei. Ek sal deernis met hulle hê, soos 'n man deernis het met sy seun wat vir hom werk.

Numeri 1:10

vir die nageslag van Josef: Elisama, seun van Ammihud, vir Efraim; en Gamliël, seun van Pedasur, vir Manasse;

2 Korinthiërs 6:18

en “Ek sal vir julle 'n vader wees, en julle sal my seuns en dogters wees,” sê die Here, die Almagtige.

Efesiërs 1:5

nadat Hy ons voorbestem het om ons deur Jesus Christus as sy kinders aan te neem, soos Hy dit volgens sy wil goedgedink het,

Hebreërs 11:21

Deur geloof het Jakob, terwyl hy sterwend was, elkeen van die seuns van Josef geseën, en “het hy in aanbidding gebuig oor die bopunt van sy staf”.

Josua 13:7

Verdeel dan nou hierdie land as erfdeel vir die nege stamme en die halwe stam van Manasse.”

Josua 14:4

Die nageslag van Josef was immers twee stamme, Manasse en Efraim. Aan die Leviete is nie 'n aandeel in die land gegee nie, behalwe dorpe om in te woon en meentgrond vir hulle vee en bates.