Genesis 22:4 - Die Bybel 2020-vertaling

⁴ Op die derde dag het Abraham opgekyk en die plek in die verte gesien.

Bybel vir almal

⁴ Op die derde dag het Abraham die plek ver weg gesien.

Afrikaans 1933-1953

⁴ Op die derde dag toe slaan Abraham sy oë op en sien die plek van ver af.

Afrikaans 1983

⁴ Op die derde dag het Abraham die plek uit die verte gesien.

Contemporary Afrikaans Bible 2023

⁴ Toe slaan Abraham op die derde dag sy oë op en sien die plek van ver af.

Die Boodskap

⁴ Op die derde dag het Abraham die plek van ver af gesien.

Genesis 22:4 Kruisverwysings

Genesis 22:3

Abraham het vroeg die oggend sy donkie opgesaal, twee van sy dienaars met hom saamgeneem, en ook sy seun Isak. Hy het die hout vir 'n brandoffer gekloof, gereedgemaak en vertrek na die plek waaroor God met hom gepraat het.

Genesis 22:5

Toe sê Abraham vir sy dienaars: “Bly julle hier met die donkie! Ek en die seun wil daarheen gaan. Ons wil aanbid en sal dan na julle terugkom.”

2 Konings 20:5

“Draai om en sê vir Hiskia, die leier van my volk, ‘So sê die Here, die God van jou voorvader Dawid: “Ek het jou gebed gehoor; Ek het jou trane gesien. Kyk, Ek gaan jou gesond maak. Op die derde dag sal jy weer opgaan na die huis van die Here.

Ester 5:1

Op die derde dag het Ester haar koninklike klere aangetrek en in die binneste voorhof van die koninklike paleis voor die troonsaal gaan staan, terwyl hy op sy koninklike troon in die troonsaal regoor die ingang sit.

Eksodus 15:22

Moses het die Israeliete laat wegtrek van die Rietsee, en hulle het uitgegaan na die Surwoestyn. Hulle het drie dae lank in die woestyn getrek en nie water gekry nie.

Eksodus 19:11

Hulle moet gereed wees op die derde dag, want op die derde dag sal die Here, voor die oë van die hele volk, op die berg Sinai neerdaal.

Eksodus 19:15

Hy het vir die volk gesê: “Wees gereed op die derde dag; moenie naby 'n vrou kom nie.”

Eksodus 5:3

Toe sê hulle: “Die God van die Hebreërs het Hom aan ons bekend gemaak. Laat ons asseblief drie dagreise in die woestyn ingaan, sodat ons aan die Here ons God kan offer; anders tref Hy ons met pessiekte of die swaard. ”

Hosea 6:2

Hy sal ons ná twee dae lewend maak, op die derde dag sal Hy ons laat opstaan, sodat ons voor Hom kan lewe.

Levitikus 7:17

Wat op die derde dag nog van die offervleis oor is, moet met vuur verbrand word.

Numeri 10:33

Hulle het drie dagreise ver van die berg van die Here af getrek met die verbondsark van die Here wat gedurende die drie dagreise voor hulle uit getrek het om vir hulle 'n rusplek te soek.

Numeri 19:12

So iemand moet homself op die derde en op die sewende dag met die water reinig, dan is hy rein. Maar as hy homself nie op die derde en op die sewende dag reinig nie, sal hy nie rein wees nie.

Numeri 19:19

Die rein persoon moet op die derde en op die sewende dag die water op die onrein persoon sprinkel. Nadat hy die onreine op die sewende dag gereinig het, moet hy sy klere was en hom met water afspoel. Hy sal rein wees teen die aand.

Numeri 31:19

Almal van julle wat iemand doodgemaak het, en almal wat aan 'n gesneuwelde geraak het, moet sewe dae lank buite die kamp tent opslaan. Op die derde en op die sewende dag moet julle julleself reinig – julle en julle gevangenes.

Matteus 17:23

Hulle sal Hom doodmaak, maar op die derde dag sal Hy opgewek word. ” En hulle het baie bedroef geword.

Lukas 13:32

Maar Hy antwoord hulle: “Gaan sê vir daardie jakkals, ‘Kyk, Ek dryf vandag en môre nog demone uit en maak mense gesond, en op die derde dag bereik Ek my doel.

1 Korinthiërs 15:4

Hy is begrawe en op die derde dag opgewek, volgens die Skrifte;

Josua 1:11

“Gaan deur die kamp en gee opdrag aan die volk, ‘Maak vir julle padkos gereed, want oor drie dae gaan julle hierdie Jordaan oorsteek om die land binne te gaan, om in besit te neem wat die Here julle God aan julle gaan gee om in besit te neem.’ ”

1 Samuel 26:13

Dawid het oorgegaan na die oorkant en ver weg op die top van die heuwel gaan staan. Daar was 'n groot afstand tussen hulle.