Genesis 20:3 - Die Bybel 2020-vertaling

³ Maar God het in 'n nagtelike droom na Abimeleg gekom en vir hom gesê: “Kyk, jy gaan sterf oor die vrou wat jy geneem het, want sy behoort aan 'n man.”

Bybel vir almal

³ Abimelek het daardie nag gedroom dat God na hom toe kom en vir hom sê: “Jy sal sterf omdat jy hierdie vrou gevat het, sy is 'n getroude vrou.”

Afrikaans 1933-1953

³ Maar God het in die nag by Abiméleg gekom in 'n droom en vir hom gesê: Kyk, jy sal sterwe ter wille van die vrou wat jy laat haal het, want sy is 'n getroude vrou.

Afrikaans 1983

³ Een nag het God in 'n droom aan Abimelek verskyn en vir hom gesê: “Jy gaan sterf omdat jy met hierdie vrou wil trou. Sy is al getroud.”

Contemporary Afrikaans Bible 2023

³ Maar God het in die nag in 'n droom na Abimeleg gekom en vir hom gesê: Kyk, jy is maar 'n dooie man vanweë die vrou wat jy geneem het; want sy is 'n man se vrou.

Die Boodskap

³ Die Here het egter in ’n droom vir Abimelek gesê: “Jy is so goed as dood oor die vrou wat jy gevat het, want sy is ’n ander man se vrou.”

Genesis 20:3 Kruisverwysings

Genesis 12:17

Maar die Here het die farao en sy huis met swaar plae getref oor Sarai, die vrou van Abram.

Genesis 12:18

Die farao ontbied toe vir Abram en sê: “Wat het jy my nou aangedoen? Waarom het jy my nie vertel dat sy jou vrou is nie?

Genesis 20:7

Gee nou die man se vrou terug. Hy is immers 'n profeet, en hy sal vir jou bid, sodat jy kan bly leef. Maar as jy haar nie teruggee nie – weet dan dat jy beslis sal sterf, jy en almal wat aan jou behoort.”

Genesis 28:12

Hy droom toe: Kyk, daar is trappe wat op die aarde staan, waarvan die bopunt na die hemel reik. Daar was boodskappers van God wat daarlangs op- en afgaan!

Genesis 31:24

God het egter in 'n droom in die nag na Laban, die Arameër, gekom en vir hom gesê: “Pasop dat jy nie in enige woordewisseling met Jakob betrokke raak nie. ”

Genesis 37:5

Josef het 'n droom gehad, en hy het dit vir sy broers vertel. Hulle het toe 'n nog groter weersin in hom gekry.

Genesis 37:9

Hy het nog 'n ander droom gehad, en het dit vir sy broers vertel. Hy het gesê: “Ek het sowaar weer 'n droom gehad! Kyk, die son en die maan en elf sterre het diep voor my gebuig!”

Genesis 40:5

Die skinker en die bakker van die koning van Egipte wat gevange gehou is in die gevangenis het al twee, in dieselfde nag, 'n droom gehad, elkeen sy eie droom met sy eie betekenis.

Genesis 40:8

Hulle sê toe vir hom: “Ons het gedroom, en daar is niemand wat dit kan verklaar nie.” Toe sê Josef vir hulle: “Hoort verklarings nie by God nie? Vertel dit tog vir my!”

Genesis 46:2

God het met Israel in naggesigte gepraat; Hy het gesê: “Jakob! Jakob!” Hy het geantwoord: “Hier is ek!”

1 Kronieke 16:21

Hy het geen mens toegelaat om hulle te verdruk nie. Hy het konings oor hulle tereggewys:

Job 33:15

In 'n droom, in 'n naggesig, wanneer 'n diep slaap mense oorval, en hulle insluimer op hulle beddens,

Job 33:17

om mense te laat afsien van wat hulle doen, en 'n man van hoogmoed te vrywaar,

Psalms 105:14

Hy het geen mens toegelaat om hulle te verdruk nie. Hy het konings oor hulle tereggewys:

Jona 3:4

Jona het begin om die stad binne te gaan, 'n dag se loop ver. Hy het uitgeroep: “Nog net veertig dae, dan word Nineve verwoes!”

Numeri 22:9

God het na Bileam gekom en gevra: “Wie is die manne hier by jou?”

Matteus 1:20

Terwyl hy daaroor nagedink het, het daar skielik 'n engel van die Here in 'n droom aan hom verskyn en gesê: “Josef, seun van Dawid, moenie bang wees om Maria as jou vrou by jou te neem nie, want wat in haar verwek is, is uit die Heilige Gees.

Matteus 27:19

Terwyl hy op die regbank sit, het sy vrou 'n boodskap na hom gestuur: “Jy moet niks te doen hê met daardie •regverdige man nie, want ek het vannag in 'n droom baie oor hom verduur.”