Genesis 1:6 - Die Bybel 2020-vertaling

⁶ God het gesê: “Laat daar 'n gewelf wees tussen die waters, en laat dit skeiding maak tussen water en water.”

Bybel vir almal

⁶ God het gesê: “Daar moet 'n hemeldak wees, die lug daarbo, en dit moet die water wat bo is, skei van die water wat onder is.”

Afrikaans 1933-1953

⁶ En God het gesê: Laat daar 'n uitspansel wees tussen die waters, en laat dit skeiding maak tussen waters en waters.

Afrikaans 1983

⁶ Toe het God gesê: “Laat daar 'n gewelf wees tussen die waters om die waters van mekaar te skei.”

Contemporary Afrikaans Bible 2023

⁶ En God het gesê: Laat daar 'n uitspansel wees in die middel van die waters, en laat dit die waters van die uitspansel skei.

Die Boodskap

⁶ God het weer gepraat: “Laat daar ’n soliede massa in die middel van al die waters kom, sodat daar ’n duidelike skeiding tussen die waters sal wees.” En dit het gebeur.

Genesis 1:6 Kruisverwysings

Genesis 1:14

God het gesê: “Laat daar ligte wees aan die hemelgewelf om skeiding te maak tussen dag en nag. Hulle moet daar wees vir tekens en vir vaste tye, en vir dae en jare.

Genesis 1:20

God het gesê: “Laat die water wemel met lewende wesens, en laat voëls oor die aarde vlieg langs die hemelgewelf.”

Job 26:13

Deur sy asem maak Hy die hemel helder; sy hand deurboor die vinnige slang.

Job 37:11

Ja, Hy belaai die wolke met 'n oorvloed vog; die wolkbank versprei sy weerlig.

Job 37:18

kan jy saam met Hom 'n wolkemassa plet, so solied soos 'n spieël van gegote koper?

Psalms 104:2

U wat Uself met lig omhul, soos in 'n mantel, wat die hemel oopspan soos 'n tentdoek.

Psalms 148:4

Loof Hom, hoogste hemele en die water wat bo die hemelkoepel is!

Psalms 150:1

Halleluja! Loof God in sy heiligdom, loof Hom in sy magtige hemelkoepel;

Psalms 19:1

Vir die •musiekleier. 'n Psalm. Van Dawid.

Psalms 19:2

Die hemelruim verkondig die eer van God en die hemelkoepel maak die werk van sy hande bekend.

Psalms 33:6

Deur die woord van die Here is die hemele gemaak en deur die asem van sy mond die hemel se hele leër.

Psalms 33:9

want Hy het gepraat, en dit was daar, Hy het beveel, en toe staan dit daar.

Prediker 11:3

As die wolke vol reën is, giet hulle dit uit op die aarde; en as 'n boom val, na die suide of na die noorde – waar die boom moet val, daar sal dit val.

Jesaja 40:22

Dit is Hy wat troon bo die ronde skyf van die aarde; die bewoners daarvan is soos koringkrieke. Dit is Hy wat die hemel oopspan soos 'n doek, dit oopsprei soos 'n tent, sodat mense daar kan woon.

Jeremia 10:10

Maar die Here is waarlik God, Hy is die lewende God en ewige Koning. Vir sy grimmigheid bewe die aarde, en nasies kan sy verontwaardiging nie deurstaan nie.

Jeremia 51:15

Hy wat die aarde gemaak het deur sy krag, wat die wêreld gevestig het deur sy wysheid, en deur sy insig die hemel oopgespan het –

Sagaria 12:1

'n Profesie. Die woord van die Here oor Israel. Dit is die uitspraak van die Here, Hy wat die hemel oopgespan het en die fondamente van die aarde gelê het, wat die mens se gees in sy binneste gevorm het:

2 Petrus 3:5

Hulle ignoreer dit willens en wetens dat daar lank reeds hemele bestaan, en ook 'n aarde, wat deur die woord van God uit water en deur water tot stand gekom het.