Filemon 1:21 - Die Bybel 2020-vertaling

²¹ Met volle vertroue in jou gehoorsaamheid skryf ek vir jou, in die wete dat jy selfs meer sal doen as wat ek vra.

Bybel vir almal

²¹ Ek skryf vir jou omdat ek seker is dat jy sal doen wat ek vra. Ek weet dat jy meer sal doen as wat ek vir jou vra.

Afrikaans 1933-1953

²¹ In vertroue op jou gehoorsaamheid het ek aan jou geskrywe, omdat ek weet dat jy nog meer sal doen as wat ek sê.

Afrikaans 1983

²¹ Ek skryf aan jou in die vertroue dat jy sal doen wat ek vra. Ek weet ook dat jy selfs meer as dit sal doen.

Contemporary Afrikaans Bible 2023

²¹ Met vertroue in u gehoorsaamheid het ek aan u geskryf, omdat ek weet dat u ook meer sal doen as wat ek sê.

Die Boodskap

²¹ Filemon, ek vertrou jy sal doen wat ek jou vra; daarom dat ek hierdie brief aan jou skryf. Eintlik weet ek dat jy nog baie meer sal doen as wat ek van jou vra.

Filemon 1:21 Kruisverwysings

Romeine 2:19

Jy is daarvan oortuig dat jy 'n gids vir die blindes is, 'n lig vir diegene in die duisternis,

2 Korinthiërs 2:3

En dit is presies wat ek geskryf het, sodat ek nie, wanneer ek kom, bedroef word deur hulle wat my moes bly maak nie. Ek vertrou op julle almal, dat my vreugde julle almal s'n sal wees.

2 Korinthiërs 7:16

Ek is verheug dat ek in alle opsigte op julle kan staatmaak.

2 Korinthiërs 8:22

Saam met hulle stuur ons ons broer, vir wie ons dikwels en in vele opsigte getoets, en ywerig bevind het, en wat nou nog yweriger is, deur sy groot vertroue in julle.

Galasiërs 5:10

Wat julle betref: Ek is in die Here daarvan oortuig dat julle nie anders as ek sal dink nie; maar die een wat julle in verwarring bring, sal die straf dra, wie hy ook al mag wees.

2 Thessalonisense 3:4

Deur die Here vertrou ons dat julle ook dit doen, en sal aanhou doen, wat ons julle beveel het.