Eksodus 7:3 - Die Bybel 2020-vertaling

³ Maar Ek sal die farao se hart verhard en my tekens en wondertekens in Egipteland vermeerder.

Bybel vir almal

³ Maar Ek sal die farao hardkoppig maak sodat Ek eers baie wonderwerke en tekens in Egipte kan doen.

Afrikaans 1933-1953

³ En Ék sal Farao se hart verhard en my tekens en wonders in Egipteland vermenigvuldig.

Afrikaans 1983

³ Maar Ek sal die farao hardkoppig maak, sodat Ek baie tekens en wonders in Egipte kan doen.

Contemporary Afrikaans Bible 2023

³ En Ek sal Farao se hart verhard en my tekens en my wonders in Egipteland vermenigvuldig.

Die Boodskap

³ Maar Ek gaan die farao hardkoppig maak. Ek sal dan baie goeie rede hê om tekens en wonders in Egipte te doen.

Eksodus 7:3 Kruisverwysings

Nehemia 9:10

U het tekens en wonders gedoen by die farao, by al sy dienaars en die hele volk van sy land, want U het geweet dat hulle vermetel optree teen u volk; U het vir U 'n naam gemaak, soos dit vandag nog is.

Psalms 135:9

Hy het tekens en wonders in jou midde verrig, Egipte, teen die farao en al sy amptenare,

Psalms 78:12

Voor die oë van hulle voorouers het Hy wonders gedoen in Egipteland, op die vlakte van Soan.

Eksodus 11:10

Moses en Aäron het al hierdie tekens voor die farao gedoen, maar die Here het die farao se hart verhard, sodat hy nie die Israeliete uit sy land wou laat gaan nie.

Eksodus 11:9

Die Here het vir Moses gesê: “Die farao sal nie na julle luister nie, sodat my tekens in Egipteland nog meer kan word.”

Eksodus 14:4

Ek sal die farao se hart verhard en hy sal hulle agtervolg, sodat Ek deur my optrede teenoor die farao en sy hele leër, agting kan afdwing, en sodat die Egiptenare sal weet dat Ek die Here is. ” Die Israeliete het toe so gemaak.

Eksodus 3:20

Maar Ek sal my hand uitsteek en Egipte tref met al my wonders wat Ek in hulle midde gaan doen. Daarna sal hy julle laat gaan.

Eksodus 4:21

Die Here het vir Moses gesê: “Wanneer jy teruggaan na Egipte, sien toe dat jy al die tekens waartoe Ek jou in staat stel, voor die farao doen. Maar Ek sal sy hart verhard, sodat hy die volk nie sal laat trek nie.

Eksodus 4:29

Moses en Aäron het toe gegaan en al die oudstes van die Israeliete byeengebring.

Eksodus 4:7

Daarop sê die Here: “Steek jou hand weer in die vou van jou kleed.” Hy het weer sy hand in die vou gesteek, en toe hy dit uit die vou uittrek, was dit weer soos die res van sy liggaam!

Eksodus 7:13

Die farao se hart was egter verhard en hy het nie na hulle geluister nie, soos die Here gesê het.

Eksodus 9:16

Maar aan die ander kant, om hierdie rede het Ek jou staande gehou, om jou my krag te toon, sodat my Naam oor die hele aarde verkondig kan word.

Spreuke 21:1

Die koning se hart is waterstrome in die hand van die Here: Hy lei dit waarheen Hy wil.

Jesaja 51:9

Word wakker, word wakker, beklee U met krag, arm van die Here! Word wakker, soos in die verre verlede, in die tyd van vergange geslagte! Is dit nie U wat Rahab aan stukke gekap het, die seemonster deurboor het nie?

Miga 7:15

“Soos in die dae toe jy uit Egipteland getrek het, sal Ek hom weer wonderwerke laat beleef.”

Johannes 4:48

Jesus het toe vir hom gesê: “As julle nie tekens en wonders sien nie, sal julle nooit glo nie.”

Handelinge 2:22

“Israeliete, luister na hierdie woorde! Jesus van Nasaret was 'n man wat deur God aan julle bekend gemaak is deur kragtige dade en die wonders en tekens wat God deur Hom in julle midde verrig het, soos julle self ook weet.

Handelinge 7:36

Dit was hy wat hulle uitgelei het en wonders en tekens in Egipte en by die Rooisee en in die woestyn gedoen het, veertig jaar lank.

Romeine 15:19

deur kragtige tekens en wonders, deur die krag van die Gees van God. Gevolglik het ek die verkondiging van die evangelie van Christus heeltemal voltooi, van Jerusalem af en rondom, tot sover as Illirikum.

Romeine 9:18

Hy ontferm Hom dus oor wie Hy wil, en Hy maak hardkoppig wie Hy wil.

Deuteronomium 4:34

Of het enige god dit al gewaag om vir homself 'n nasie te gaan neem uit die midde van 'n ander nasie, met teistering, met tekens en met wondertekens, met stryd, met 'n sterk hand en uitgestrekte arm, en met vreesaanjaende magsvertoon, soos alles wat die Here julle God voor julle oë in Egipte vir julle gedoen het?

Deuteronomium 7:19

die groot teistering wat jy met jou eie oë gesien het, die tekens van mag en wondertekens, die sterk hand en uitgestrekte arm waarmee die Here jou God jou uitgelei het. So sal die Here jou God ook maak met al die volke vir wie jy bang is.