Eksodus 38:3 - Die Bybel 2020-vertaling

³ Hy het al die toebehore van die altaar gemaak, die houers, skoppies, offerbakke, vurke en vuurpanne. Al die toebehore het hy van brons gemaak.

Bybel vir almal

³ Hy het alles gemaak wat by die altaar moes wees: die potte, die grawe, die bakke, die vurke en die emmers vir die kole. Hy het dit alles van brons gemaak.

Afrikaans 1933-1953

³ Hy het ook al die gereedskap van die altaar gemaak: die potte en die skoppe en die komme, die vurke en die vuurpanne. Al dié gereedskap het hy van koper gemaak.

Afrikaans 1983

³ Hy het al die gereedskap vir die altaar van brons gemaak: potte, skoppe, komme, vurke en vuurpanne.

Contemporary Afrikaans Bible 2023

³ En hy het al die voorwerpe van die altaar gemaak, die potte en die skoppe en die komme en die vleishoeke en die vuurpanne; al die voorwerpe daarvan het hy van koper gemaak.

Die Boodskap

³ Ook die gereedskap wat by die altaar gebruik moes word, is van koper gemaak. Daar was potte om die as in te krap, skoppe om dit op te skep, komme, vurke en panne om kole in te dra.

Eksodus 38:3 Kruisverwysings

2 Kronieke 4:16

die houers, skoppies, drietandvurke en al die bypassende gereedskap. Huram-Abi het dit vir koning Salomo, vir die huis van die Here, gemaak van gepoleerde brons.

2 Kronieke 4:2

Toe het hy die See gemaak, 'n gietstuk tien el van rand tot rand, sirkelvormig en vyf el hoog. 'n Maatlyn van dertig el kon dit omspan.

Eksodus 27:3

Jy moet houers daarvoor maak om die vetterige as mee te verwyder, asook skoppies, offerbakke, vurke en vuurpanne. Al die altaar se toebehore moet jy van brons maak.

Eksodus 38:2

Hy het die horings daarvan op die vier hoeke gemaak. Die horings was deel daarvan, en hy het die altaar met brons oorgetrek.

Eksodus 38:4

Hy het vir die altaar 'n traliewerk gemaak, 'n maaswerk van brons, onder die rand, met die onderkant daarvan tot by die helfte van die altaar.

1 Samuel 2:13

Die reg van die priesters teenoor die volk was so dat, wanneer enigiemand 'n offer slag, die priester se handlanger met 'n drietandvurk in sy hand kom terwyl die vleis kook.