Eksodus 10:3 - Die Bybel 2020-vertaling

³ Moses en Aäron het toe na die farao gegaan en vir hom gesê: “So sê die Here, die God van die Hebreërs, ‘Hoe lank nog gaan jy weier om jou aan My te onderwerp? Laat my volk gaan, sodat hulle My kan dien.

Bybel vir almal

³ Moses en Aäron het na die farao toe gegaan en hulle het vir hom gesê die God van die Hebreërs sê vir hom: “Hoe lank nog gaan jy nie luister na My nie? Jy moet my volk laat gaan sodat hulle My kan dien.

Afrikaans 1933-1953

³ Toe gaan Moses en Aäron na Farao, en hulle sê vir hom: So spreek die Here, die God van die Hebreërs: Hoe lank weier jy om jou voor My te verootmoedig? Laat my volk trek, dat hulle My kan dien.

Afrikaans 1983

³ Moses en Aäron het toe na die farao toe gegaan en vir hom gesê: “So sê die Here die God van die Hebreërs: Hoe lank gaan jy nog weier om jou aan My te onderwerp? Laat my volk gaan om My te dien!

Contemporary Afrikaans Bible 2023

³ Toe kom Moses en Aäron na Farao en sê vir hom: So spreek die HERE, die God van die Hebreërs: Hoe lank sal jy weier om jou voor My te verootmoedig? laat my volk trek, dat hulle My kan dien.

Die Boodskap

³ Moses en Aäron is toe na die farao toe. “So sê die Here, die God van die Hebreërs,” sê hulle vir hom. “Hoe lank gaan jy nog bly weier om voor My te buig? Jy moet dadelik my volk laat gaan dat hulle My kan gaan aanbid!

Eksodus 10:3 Kruisverwysings

1 Konings 18:21

Elia het nader gegaan na die hele volk en gesê: “Hoe lank gaan julle nog op twee krukke bly hink? As die Here God is, volg Hom; as dit Baäl is, volg hom. ” Maar die volk het hom nie met 'n enkele woord geantwoord nie.

1 Konings 21:29

“Het jy gesien dat Agab homself voor My verneder het? Omdat hy hom voor My verneder het, sal Ek nie die onheil in sy tyd bring nie. In die tyd van sy seun sal Ek die onheil oor sy huis bring. ”

2 Konings 22:19

omdat jou hart sag is, en jy jouself voor die Here verootmoedig het toe jy gehoor het wat Ek oor hierdie plek en sy inwoners gesê het, dat hulle 'n skrikbeeld en vervloeking sal word, en omdat jy jou klere geskeur en voor My gehuil het, sal Ek ook luister,” is die uitspraak van die Here.

2 Kronieke 33:12

Maar toe hy in die noute was, het hy die Here sy God se guns gesoek, hom ernstig verootmoedig voor die God van sy voorouers

2 Kronieke 33:19

Sy gebed, die verhoring van sy pleitrede, al sy sonde en ontrou, die plekke waar hy offerhoogtes gebou het en waar hy die asjeras en gesnede beelde opgerig het voor sy verootmoediging, kyk, dit is opgeteken in die Geskiedenis van Gosai.

2 Kronieke 34:27

omdat jou hart sag is, en jy jouself voor God verootmoedig het toe jy sy woorde oor hierdie plek en sy inwoners gehoor het, ja, omdat jy jouself voor My verootmoedig, jou klere geskeur en voor my gehuil het, sal Ek ook luister,’ is die uitspraak van die Here.

2 Kronieke 7:14

en my volk, oor wie my Naam uitgeroep is, hulle verootmoedig en bid, en my teenwoordigheid opsoek en terugdraai van hulle verkeerde paaie, sal Ek self uit die hemel hulle hoor. Ek sal hulle sonde vergewe en hulle land genees.

Job 42:6

Daarom herroep ek dit, en het ek berou – in stof en as.”

Eksodus 10:4

Want as jy aanhou weier om my volk te laat gaan – kyk, Ek gaan môre treksprinkane oor jou grondgebied bring.

Eksodus 16:28

Die Here sê toe vir Moses: “Hoe lank gaan julle weier om my gebooie en wette na te kom?

Eksodus 4:23

Ek het vir jou gesê, ‘Laat my seun gaan, sodat hy My kan dien.’ Maar jy het geweier om hom te laat gaan. Kyk, Ek gaan jou eersgebore seun om die lewe bring. ” ’ ”

Eksodus 5:1

Hierna het Moses en Aäron gegaan en vir die farao gesê: “So sê die Here, die God van Israel, ‘Laat my volk gaan, sodat hulle vir My 'n fees kan hou in die woestyn. ’ ”

Eksodus 9:17

Jy verhef jouself nog steeds teen my volk, deur hulle nie te laat gaan nie.

Spreuke 1:22

“ Hoe lank nog gaan julle, onkundiges, onkunde liefhê, gaan spotters 'n geklets waardevol ag, en gaan dwase kennis haat?

Spreuke 1:24

Omdat ek geroep, maar julle geweier het, ek my hand uitgesteek, maar julle geen aandag gegee het nie,

Spreuke 18:12

Voor ineenstorting is 'n mens se hart hoogmoedig, maar nederigheid gaan eer vooraf.

Jesaja 1:5

Waarom wil julle nog geslaan word, en hou julle vol met julle onversetlikheid? Elke kop is siek, elke hart is swak.

Jesaja 2:11

Die trotse oë van mense word verneder, die hoogmoed van manne word neergeslaan. Die Here alleen sal verhewe wees op daardie dag.

Jeremia 13:10

Hierdie slegte volk, wat weier om na my woorde te luister, wat volhard in die verstoktheid van hulle harte, en agter ander gode aanloop om hulle te dien en voor hulle in aanbidding te buig, sal word soos hierdie lendedoek wat vir niks meer deug nie.

Jeremia 13:18

Sê vir die koning en die koninginmoeder: “Gaan sit op die grond, want julle sierlike krone het van julle koppe afgekom.

Jeremia 50:29

Roep die boogskutters op na Babel, almal wat die boog span! Beleër haar reg rondom! Daar moet geen wegkomkans wees nie. Vergeld haar in ooreenstemming met haar dade; net soos sy gedoen het, doen dit aan haar; want teen die Here het sy vermetel opgetree, teen die Heilige van Israel.

Esegiël 5:6

Maar sy het in opstand gekom teen my bepalings, en teen my vaste voorskrifte, om sodoende meer goddeloos te wees as die nasies, as die lande wat rondom haar is. Ja, haar inwoners het my bepalings verwerp, en my vaste voorskrifte het hulle nie gevolg nie.

Daniël 5:22

“Maar u, sy seun Belsasar, het u hart nie verneder nie, alhoewel u dit alles geweet het.

Numeri 14:27

“ Hoe lank nog moet Ek hierdie bose volksvergadering verduur wat aanhoudend by My mor? Die gemor waarmee die Israeliete aanhoudend by My aankom, het Ek gehoor.

Romeine 2:4

Of verag jy die rykdom van sy goedheid, verdraagsaamheid en geduld, en besef jy nie dat God se goedheid jou tot bekering wil bring nie?

Hebreërs 12:25

Sien toe dat julle Hom wat praat, nie verontagsaam nie; want as hulle nie ontvlug het toe hulle Hom, wat hulle op aarde gewaarsku het, verontagsaam het nie, soveel te meer ons, as ons die rug draai op Hom wat ons van die hemele af waarsku!

Jakobus 4:10

Verneder julle voor die Here, dan sal Hy julle verhoog.

1 Petrus 5:6

Daarom, verneder julle onder die kragtige hand van God, sodat Hy julle op die regte tyd kan verhoog,