Daniël 6:4 - Die Bybel 2020-vertaling

⁴ Hierdie Daniël het homself onderskei van die toesighouers en satrape, omdat 'n buitengewone gees in hom was; en die koning het beplan om hom oor die hele koninkryk aan te stel.

Bybel vir almal

⁴ Daniël het sy werk beter gedoen as die ander twee hoof-amptenare en die goewerneurs, want hy was baie slim. Die koning het toe besluit hy wil vir Daniël kies om die belangrikste hoof-amptenaar te wees.

Afrikaans 1933-1953

⁴ Toe het hierdie Daniël bo die ministers en die landvoogde uitgemunt, omdat 'n voortreflike gees in hom was; daarom was die koning van plan om hom oor die hele koninkryk aan te stel.

Afrikaans 1983

⁴ Hierdie Daniël het deur sy buitengewone bekwaamheid so uitgeblink bo die ander ministers en die goewerneurs-generaal dat die koning van plan was om hom oor die hele koninkryk aan te stel.

Contemporary Afrikaans Bible 2023

⁴ Toe het die presidente en vorste gesoek om aanleiding te vind teen Daniël oor die koninkryk; maar hulle kon geen aanleiding of fout vind nie; omdat hy getrou was, is daar ook geen dwaling of fout by hom gevind nie.

Die Boodskap

⁴ Daniël het gou bewys dat hy baie bekwamer was as enige van die ander ministers of goewerneurs. Die koning was so beïndruk met hom dat hy dit oorweeg het om die hele koninkryk onder sy bestuur te plaas.

Daniël 6:4 Kruisverwysings

Genesis 41:38

en die farao het vir sy dienaars gevra: “Sal ons so iemand vind, 'n man in wie die Gees van God is?”

Genesis 43:18

Die manne was bang toe hulle na Josef se huis geneem word en het gesê: “Dit is oor die silwer wat die vorige keer in ons sakke teruggesit is dat ons hierheen gebring word. Dit is om ons te oorrompel en ons te oorval, om ons as slawe toe te eien, en ook ons donkies.”

Spreuke 29:27

'n Oneerlike mens is afstootlik vir regverdiges; maar wie opreg is in sy optrede, is afstootlik vir 'n goddelose.

Prediker 4:4

Ek het gesien dat al die inspanning en al die kundigheid waarmee gewerk word, naywer is van die een teenoor die ander. Ook dit is sinloos en 'n gejaag na wind.

Jeremia 18:18

Toe sê hulle: “Kom, laat ons planne beraam teen Jeremia, want onderrig deur priesters, raad van wyses en openbarings deur profete sal nie verlore wees nie. Kom ons val hom aan met die tong, sodat ons nie verder aandag aan sy woorde hoef te gee nie. ”

Jeremia 18:23

Maar U, Here, U ken hulle hele moorddadige plan teen my. Moet hulle sondeskuld nie bedek nie; hulle sondes moet U nie voor U uitwis nie. Laat hulle tot 'n val kom voor U; tree teen hulle op in die tyd van u toorn.

Jeremia 20:10

Ja, ek het die geskimp van baie gehoor: “Verskrikking aan alle kante! Neem kennis! Ons sal dit bekend maak!” Al my sogenaamde vriende verwag my val: “Miskien kan hy mislei word, sodat ons die oorhand oor hom kan kry en ons op hom kan wreek.”

Jeremia 29:7

Bevorder die voorspoed van die stad waarheen Ek julle in ballingskap laat gaan het, en bid tot die Here vir die stad, want in sy voorspoed is daar ook voorspoed vir julle.”

Daniël 3:8

Juis op daardie oomblik het Galdese manne na vore getree en die Jode aangekla.

Daniël 5:12

en wel omdat 'n buitengewone gees en verstand, die insig om drome te verklaar, raaisels uit te lê en om probleme te ontrafel, in hom gevind is, in Daniël, vir wie die koning die naam Beltsasar gegee het. Laat Daniël nou ontbied word; hy sal die uitleg gee.”

Daniël 6:22

Daniël praat toe met die koning: “O koning, leef vir ewig!

Matteus 26:4

Hulle het saam planne beraam om Jesus op 'n slinkse manier gevange te neem en dood te maak.

Matteus 27:18

Want hy het geweet dat hulle Hom uit naywer oorgelewer het.

Lukas 20:20

Hulle het sake fyn dopgehou, en spioene gestuur wat voorgegee het dat hulle opreg is, sodat hulle Hom op grond van een of ander uitspraak kon vastrek en Hom sodoende aan die owerheid en die gesag van die prokurator kon oorlewer.

Lukas 20:26

Hulle kon Hom glad nie vastrek op grond van wat Hy voor die volk gesê het nie. Verbaas oor sy antwoord, het hulle stilgebly.

Lukas 22:2

Die leierpriesters en die skrifkenners het bly soek na 'n geskikte manier om Hom dood te maak, omdat hulle bang was vir die volk.

Johannes 19:4

Pilatus het weer uitgekom na buite en vir hulle gesê: “Kyk, ek bring hom vir julle na buite, sodat julle kan weet dat ek geen skuld in hom vind nie.”

2 Korinthiërs 11:12

Maar wat ek doen, en sal voortgaan om te doen, is om diegene te verhinder wat 'n geleentheid soek om in die saak waaroor hulle spog, as ons gelykes beskou te word.

Filippense 2:15

sodat julle sonder blaam en onskuldig kan wees, kinders van God, smetteloos, te midde van 'n krom en ontaarde geslag. Julle skyn onder hulle soos sterre in die heelal,

1 Timoteus 5:14

Daarom verwag ek van jonger weduwees dat hulle moet trou, kinders kry, huishoudings bestuur en die teenstander geen geleentheid gee om kwaad te praat nie.

Titus 2:8

gesonde en onaanvegbare prediking, sodat 'n teenstander beskaamd mag staan, en niks slegs het om oor ons te sê nie.

1 Petrus 2:12

Gedra julle goed onder die heidene, sodat hulle, wanneer hulle julle beswadder, asof julle misdadigers is, God op die dag van besoeking kan verheerlik, omdat hulle julle goeie dade gesien het.

1 Petrus 3:16

Doen dit egter met beskeidenheid en respek, met 'n goeie gewete, sodat, wanneer julle beswadder word, dié wat smalend is oor julle goeie leefwyse in Christus, beskaamd kan staan.

Rigters 14:4

Sy vader en moeder het egter nie geweet dat dit van die Here kom nie, want Hy wou 'n geleentheid teen die Filistyne vind. In dié tyd het die Filistyne oor Israel geheers.

1 Samuel 12:4

Hulle het gesê: “U het ons nie uitgebuit nie en ons nie mishandel nie. U het nie uit enigiemand se hand iets gevat nie.”

1 Samuel 18:14

Dawid het oral waar hy gegaan het, sukses behaal, en die Here was met hom.

1 Samuel 22:14

Agimeleg het die koning geantwoord en gesê: “Maar wie onder al u amptenare is so betroubaar soos Dawid, die skoonseun van die koning, aanvoerder van u lyfwag, en geëer in u huis?