Daniël 5:6 - Die Bybel 2020-vertaling

⁶ Toe word die koning bleek, en sy gedagtes het hom verskrik. Sy heupgewrigte het slap geword en sy knieë het teen mekaar geklap.

Bybel vir almal

⁶ Die koning het groot geskrik en sy gesig het bleek geword, sy hele liggaam het gebewe.

Afrikaans 1933-1953

⁶ Toe het die gelaatskleur van die koning verander, en sy gedagtes het hom verskrik, en die gewrigte van sy heupe het losgeraak, en sy knieë het teen mekaar geslaan.

Afrikaans 1983

⁶ Toe het die koning bleek geword, hy was baie bang, sy bene het gebewe en hy was lam van die skrik.

Contemporary Afrikaans Bible 2023

⁶ Toe het die koning se voorkoms verander, en sy gedagtes het hom verskrik, sodat die gewrigte van sy lendene losgeraak het en sy knieë teen mekaar geslaan het.

Die Boodskap

⁶ Hy het doodsbleek geword van skrik. Sy knieë het letterlik begin bewe van vrees.

Daniël 5:6 Kruisverwysings

Psalms 22:14

Hulle het hulle monde teen my oopgesper soos 'n leeu wat verskeur en brul.

Psalms 69:23

Mag hulle tafel voor hulle 'n vangnet word, 'n valstrik vir hulle vriende.

Jesaja 35:3

Maak die slap hande sterk, versterk die wankelende knieë.

Jesaja 5:27

By hom is niemand uitgeput nie, en niemand struikel nie. Hy sluimer nie in en slaap nie; die skorte om sy heupe is nie losgemaak nie, en sy sandaalriempies nie losgeskeur nie.

Jeremia 50:43

Die koning van Babilonië het berig gekry oor hulle, en sy moed het hom begewe. Benoudheid het hom beetgepak, angs soos wanneer 'n vrou geboorte gee.

Esegiël 21:7

Wanneer hulle vir jou vra, ‘Waarom kla jy?’ moet jy sê, ‘Oor 'n berig, want dit kom! Elke hart sal ineenkrimp, alle hande sal slap hang, elke gees verslae wees en alle knieë water word. Kyk, dit kom; dit sal gebeur! Dit is die uitspraak van my Heer, die Here.’ ”

Esegiël 7:17

Alle hande word slap, en alle knieë word water.

Daniël 2:1

In die tweede jaar van Nebukadnesar se regering het Nebukadnesar drome gedroom. Sy gees was ontsteld, en sy slaap was daarmee heen.

Daniël 3:19

Nebukadnesar was toe buite homself van woede en sy gesigsuitdrukking het verander teenoor Sadrag, Mesag en Abednego. Hy het daarop geantwoord deur bevel te gee dat die oond verhit moes word, sewe maal warmer as wat nodig was.

Daniël 4:19

Daarop was Daniël, wie se naam Beltsasar was, vir 'n kort tydjie verbysterd, en sy gedagtes het hom verskrik. Die koning sê toe: “Beltsasar, moenie dat die droom en sy uitleg jou ontstel nie!” Beltsasar het geantwoord en gesê: “My heer, was die droom maar vir u haters en sy uitleg vir u teenstanders bedoel!

Daniël 4:5

Ek het 'n droom gehad, en dit het my verskrik. Die droombeelde in my bed en die visioene in my kop het my ontstel.

Daniël 5:5

Op daardie oomblik het vingers van 'n mens se hand verskyn en oorkant die kandelaar op die pleister van die koninklike paleis se muur geskryf. Die koning het die deel van die hand wat besig was om te skryf, gesien.

Daniël 7:28

“Hier eindig die weergawe. “Ek, Daniël – my gedagtes het my baie verskrik, en my gelaatskleur het verander, maar ek het die weergawe in my hart bewaar. ”

Nahum 2:10

Verlatenheid, verwoesting, woesteny! Harte krimp ineen, knieë knak, alle heupe sidder, alle gesigte verbleek.

Hebreërs 12:12

Daarom, tel op die slap hande en die lam knieë,