Daniël 5:5 - Die Bybel 2020-vertaling

⁵ Op daardie oomblik het vingers van 'n mens se hand verskyn en oorkant die kandelaar op die pleister van die koninklike paleis se muur geskryf. Die koning het die deel van die hand wat besig was om te skryf, gesien.

Bybel vir almal

⁵ Hulle was besig om dit te doen, toe het die vingers van 'n hand skielik begin skryf op die muur van die koning se huis. Die hand was naby die lampstaander, en die koning het die hand gesien wat skryf.

Afrikaans 1933-1953

⁵ Op dieselfde oomblik het daar vingers van 'n mens se hand te voorskyn gekom en teenoor die kandelaar op die kalk van die muur van die koninklike paleis geskrywe, en die koning het die deel van die hand gesien wat geskrywe het.

Afrikaans 1983

⁵ Meteens verskyn daar toe 'n mensehand wat op die gepleisterde muur van die paleis skryf, reg teenoor die kandelaar. Die koning het die hand gesien terwyl dit skryf.

Contemporary Afrikaans Bible 2023

⁵ In dieselfde uur het vingers van 'n man se hand uitgekom en teen die kandelaar op die pleister van die muur van die koning se paleis geskrywe, en die koning het die deel van die hand gesien wat geskryf het.

Die Boodskap

⁵ Skielik het daar ’n mensehand verskyn wat op die gepleisterde muur van die paleis begin skryf het, op die plek waar die lamplig die helderste geskyn het. Die koning self het ook die hand sien skryf.

Daniël 5:5 Kruisverwysings

Job 20:5

is die gejuig van goddeloses van korte duur, en die vreugde van 'n godlose net vir 'n oomblik.

Spreuke 29:1

Iemand wat ná teregwysings hardnekkig bly, sal onverwags verpletter word, sonder kans op herstel.

Jeremia 50:43

Die koning van Babilonië het berig gekry oor hulle, en sy moed het hom begewe. Benoudheid het hom beetgepak, angs soos wanneer 'n vrou geboorte gee.

Daniël 4:31

Die woorde was nog op die lippe van die koning, toe val daar 'n stem uit die hemel: “Aan jou, koning Nebukadnesar, word gesê, ‘Die koningskap het van jou gewyk.

Daniël 4:33

Die uitspraak is dadelik vervul oor Nebukadnesar, en hy is uitgedryf, weg van mense af. Hy het gras geëet soos beeste, en van die dou van die hemel het sy liggaam nat geword, totdat sy hare soos die vere van arende, en sy naels soos die kloue van voëls uitgegroei het.

Daniël 5:15

En nou, die wyses, die towenaars, is voor my gebring, sodat hulle hierdie skrif kon lees en die uitleg daarvan aan my bekend kon maak. Maar hulle was nie daartoe in staat om die uitleg van die woorde bekend te maak nie.

Daniël 5:4

Hulle het wyn gedrink en die gode van goud, silwer, koper, yster, hout en klip geprys.

Daniël 5:6

Toe word die koning bleek, en sy gedagtes het hom verskrik. Sy heupgewrigte het slap geword en sy knieë het teen mekaar geklap.

Daniël 5:8

Al die wyses van die koning het toe ingekom. Hulle kon egter nie die skrif lees en die uitleg aan die koning bekend maak nie.

Kolossense 2:14

Hy het die skuldbewys met sy aanklagte teen ons uitgewis en dit blywend weggeneem, toe Hy dit aan die kruis vasgespyker het.