Daniël 4:34 - Die Bybel 2020-vertaling

³⁴ “ Aan die einde van die tydperk het ek, Nebukadnesar, my oë na die hemel opgeslaan en my verstand het na my teruggekeer. “Ek het die Allerhoogste geloof en die Een wat ewig leef, besing en geëer – Hy wie se heerskappy 'n ewige heerskappy is, en wie se koningskap van geslag tot geslag duur.

Bybel vir almal

³⁴ Nebukadnesar het geskryf: “Toe die sewe jaar verby was, het ek na die hemel gekyk en gebid. My verstand het teruggekom. Ek het die Hoogste God geprys, Hy wat altyd lewe. Hy sal altyd regeer, Hy sal altyd Koning wees.

Afrikaans 1933-1953

³⁴ En ná verloop van tyd het ek, Nebukadnésar, my oë na die hemel opgeslaan, en my verstand het in my teruggekeer, en ek het die Allerhoogste geloof en Hom wat ewig lewe, geprys en geëer, wie se heerskappy 'n ewige mag en wie se koningskap van geslag tot geslag is.

Afrikaans 1983

³⁴ “Toe die vasgestelde tyd verby was, het ek, Nebukadnesar, na die hemel opgekyk om hulp en het ek my verstand teruggekry. Ek het die Allerhoogste geprys, ek het Hom wat ewig leef, geloof en geëer. Aan sy heerskappy is daar geen einde nie, sy koninkryk bestaan oor al die geslagte heen.

Contemporary Afrikaans Bible 2023

³⁴ En aan die einde van die dae het ek, Nebukadnésar, my oë na die hemel opgehef, en my verstand het na my teruggekeer, en ek het die Allerhoogste geseën, en ek het Hom geprys en geëer wat vir ewig lewe, wie se heerskappy 'n ewige heerskappy is, en sy heerskappy koninkryk is van geslag tot geslag:

Die Boodskap

³⁴ “Aan die einde van die sewe jaar het ek, Nebukadnesar, na die hemel toe opgekyk. Toe het my verstand weer na my toe teruggekeer. Dadelik het ek die allerhoogste God wat vir altyd lewe, geloof en sy Naam grootgemaak. Ek het gesê: Hy regeer vir ewig. Sy heerskappy sal nooit tot ’n einde kom nie.

Daniël 4:34 Kruisverwysings

2 Samuel 22:31

“God, sy weg is volmaak; die woord van die Here is gelouter. Hy is 'n skild vir almal wat by Hom skuil.

1 Kronieke 29:10

Daarop het Dawid die Here ten aanskoue van die hele geloofsgemeenskap geprys. Dawid het gesê: “U moet geprys word, Here, God van ons vader Israel, van altyd af en vir ewig.

1 Kronieke 29:13

Daarom, ons God, prys ons U en loof ons u luisterryke Naam.

Job 1:21

Hy het gesê: “Naak het ek uit my moeder se skoot gekom, en naak sal ek na die skoot van die aarde terugkeer. Die Here het gegee en die Here het geneem. Mag die Naam van die Here geprys word! ”

Psalms 10:16

Die Here is Koning vir altyd en ewig; nasies verdwyn uit sy land.

Psalms 102:24

Hy het op die lewenspad my krag gebreek, Hy het my dae kortgeknip.

Psalms 107:15

Hulle moet die Here prys vir sy troue liefde, vir sy wonders aan mensekinders;

Psalms 107:22

Hulle moet aan Hom •dankoffers bring en met jubelkrete van sy dade vertel.

Psalms 107:31

Hulle moet die Here prys vir sy troue liefde, vir sy wonders aan mensekinders.

Psalms 107:8

Hulle moet die Here prys vir sy troue liefde, vir sy wonders aan mensekinders;

Psalms 111:7

Die werk van sy hande is betroubaar en reg. Betroubaar is al sy opdragte,

Psalms 121:1

'n •Pelgrimslied. Ek kyk op na die berge: Waar sal my hulp vandaan kom?

Psalms 123:1

'n •Pelgrimslied. Na U kyk ek op, U wat in die hemel woon.

Psalms 145:13

U koningskap is 'n koningskap vir alle ewighede, u heerskappy duur deur al die komende geslagte.

Psalms 146:10

Die Here sal vir ewig regeer, jou God, Sion, van geslag tot geslag. Halleluja!

Psalms 50:14

Offer dank aan God, betaal jou geloftes aan die Allerhoogste.

Psalms 66:7

Hy wat ewig heers deur sy mag, wie se oë die nasies deurkyk. Hardkoppiges moet hulleself nie verhef nie. Sela

Psalms 7:17

Sy gemeenheid kom op sy eie kop neer; op sy skedel kom sy geweld neer.

Psalms 9:2

Ek wil die Here prys met my hele hart; ek wil van al u wonderdade vertel.

Psalms 92:1

'n Psalm. 'n Lied vir die Sabbatdag.

Jesaja 13:11

“Ek sal van die wêreld rekenskap eis oor boosheid, en van goddeloses oor hulle sondeskuld. Ek sal 'n einde maak aan die hoogmoed van vermeteles; die trots van geweldenaars sal Ek verander in vernedering.

Jesaja 2:11

Die trotse oë van mense word verneder, die hoogmoed van manne word neergeslaan. Die Here alleen sal verhewe wees op daardie dag.

Jesaja 24:15

Daarom, vereer die Here in die land van die môrelig! Vereer in die eilande van die weste die Naam van die Here, die God van Israel.

Jeremia 10:10

Maar die Here is waarlik God, Hy is die lewende God en ewige Koning. Vir sy grimmigheid bewe die aarde, en nasies kan sy verontwaardiging nie deurstaan nie.

Klaagliedere 3:38

Kom sowel die goeie as die slegte nie uit die mond van die Allerhoogste nie?

Daniël 12:7

Ek hoor toe die man geklee in linne wat aan die bokant van die stroom water was, sê, terwyl hy sy regter- en sy linkerhand ophef na die hemele en sweer by die Ewig Lewende: “Dit is vir 'n vasgestelde tyd, tye en 'n halwe tyd. Sodra die verbryseling van die mag van die heilige volk tot 'n einde kom, sal al hierdie dinge ophou.”

Daniël 2:44

In die tyd van daardie konings sal die God van die hemel 'n koninkryk vestig wat vir ewig nie vernietig sal word of aan 'n ander volk oorgelaat sal word nie. Hierdie koninkryk sal al daardie ander verpletter en tot 'n einde bring, en dit sal standhou vir ewig.

Daniël 4:2

“ Dit is vir my goed om die tekens en wonders wat die Allerhoogste God aan my gedoen het, openlik bekend te maak.

Daniël 4:26

Dat daar bevel gegee is om die penwortel van die boom te laat staan, beteken dat u koningskap vir u behoue sal bly, sodra u erken dat die hemel heers.

Daniël 4:3

“Sy tekens – hoe groot is hulle nie, en sy wonders – hoe magtig is hulle nie! Sy koninkryk is 'n ewige koninkryk, en sy heerskappy is van geslag tot geslag.

Daniël 4:32

Hulle gaan jou uitdryf, weg van mense af, en by die diere van die veld sal jou woning wees. Soos vir beeste sal hulle jou gras voer. Sewe tydperke sal oor jou heen gaan, totdat jy erken dat die Allerhoogste magtig is oor 'n menslike koninkryk, en dat Hy dit gee aan wie Hy wil.’ ”

Daniël 4:36

“ In dié tyd het my verstand na my teruggekeer, en wat die waardigheid van my koningskap betref – my majesteit en my luister het na my teruggekeer, en my raadsmanne en edeles het my weer opgesoek. Oor my koninkryk is ek heraangestel, en my grootheid het buitengewoon toegeneem.

Daniël 5:18

Wat u betref, o koning: Die Allerhoogste God het die koningskap, die grootheid, eer en majesteit gegee aan Nebukadnesar, u vader.

Daniël 5:21

Hy is verdryf, weg van mense af, en sy hart het soos dié van 'n dier geword. By die wilde donkies was sy woonplek. Hy is gras gevoer, soos vir beeste, en van die dou van die hemel het sy liggaam nat geword – totdat hy erken het dat die Allerhoogste God mag het oor 'n menslike koninkryk, en dat Hy daaroor aanstel wie Hy wil.

Daniël 6:26

Daarna het koning Darius aan al die volke, nasies en taalgroepe wat oor die hele aarde woon, geskryf: Mag julle vrede groot wees!

Daniël 7:14

Aan hom is heerskappy, eer en koningskap gegee – alle volke, nasies en taalgroepe dien hom. Sy heerskappy is 'n ewige heerskappy wat nie verby sal gaan nie, en sy koningskap is so dat dit nie vernietig sal word nie.

Daniël 7:27

Die koningskap, die heerskappy en die grootsheid van die koninkryke onder die ganse hemel word dan gegee aan die volk van die heiliges van die Allerhoogste. Sy koninkryk is 'n ewige koninkryk, en alle magte sal Hom dien en aan Hom gehoorsaam wees.’

Daniël 9:14

Die Here het met die onheil gereed gestaan, en het dit oor ons gebring. Die Here ons God is immers regverdig in alles wat Hy doen. Maar ons het nie na sy stem geluister nie.

Jona 1:14

Toe het hulle die Here aangeroep. Hulle het gesê: “Ag, Here, laat ons asseblief nie vergaan as gevolg van hierdie man se lewe nie. Moet dit tog nie teen ons hou as ons onskuldige bloed vergiet nie. U is immers die Here; U doen wat U wil. ”

Miga 4:7

Ek sal die gebreklikes 'n oorblyfsel maak, en dié wat ver weg was, 'n sterk nasie.’ Die Here sal op die berg Sion oor hulle koning wees, van nou af tot in ewigheid.

Lukas 1:33

Hy sal vir ewig oor die nageslag van Jakob regeer. Aan sy heerskappy sal daar geen einde kom nie. ”

Lukas 18:13

Die tollenaar het egter op 'n afstand bly staan, en wou selfs nie eers na die hemel opkyk nie, maar het op sy bors geslaan en gesê, ‘O God, wees my, die sondaar, genadig!’

Johannes 5:26

Want soos die Vader lewe in Homself het, so het Hy dit ook aan die Seun gegee om lewe in Homself te hê.

Deuteronomium 32:4

die Rots! Volmaak is sy werk, ja, al sy paaie is 'n maatstaf. 'n Betroubare God, sonder onreg, regverdig en onkreukbaar is Hy.

1 Timoteus 1:17

Aan die Koning van die eeue, die onsterflike, onsienlike, enigste God kom toe eer en heerlikheid vir ewig en ewig. •Amen.

1 Timoteus 6:16

Hy wat alleen onsterflikheid besit, ontoeganklike lig bewoon, en vir wie geen mens ken of kan sien nie – aan Hom kom die eer en ewige krag toe. •Amen.

Openbaring 10:6

en 'n eed gesweer by Hom wat vir ewig en ewig lewe, wat die hemel en wat daarin is, en die aarde en wat daarop is, en die see en wat daarin is, geskape het: “Daar is nie meer tyd oor nie.

Openbaring 11:15

Die sewende engel het toe op sy trompet geblaas. In die hemel het luide stemme opgeklink wat uitroep: “Die heerskappy van ons Here en sy •Christus oor die wêreld het aangebreek, en Hy sal as koning heers, vir ewig en ewig.”

Openbaring 4:10

val die vier-en-twintig ouderlinge in aanbidding neer voor Hom wat op die troon sit. Hulle aanbid Hom wat vir ewig en ewig leef, en sit dan hulle krone voor die troon neer, terwyl hulle sê:

Openbaring 4:9

En telkens wanneer die lewende wesens heerlikheid en eer en dank bring aan Hom wat op die troon sit, aan Hom wat vir ewig en ewig leef,